عندي درس ريادي لأول مرة في الأسبوع القادم

حبايبي السلام عليكم

عندي الأسبوع الياي مثل ماقلت درس ريادي لأول مرة تعيين جديد، والمدرسات الخبرة اللي معاي الله يسامحهم مايحبون يقولولي شنو أسوي لانه أهمه عندهم بعد دروس ريادية بعدي فما يحبون يعطوني أفكارهم .

يعني مثلا فكرت أييب حوالي 25 كرسي ، واسوي بطاقات دعوة ( الا عندها نموذج حلو أو فكرة حلوة لاتنساني )
انزين وبعد فكرت أسوي مثل وسيلة دعاية على درسي الريادي وأحطها صوب دخلة المدرسة . والا مادري اشراكم
شنو اليديد اللي عندكم

الريادي مو اللي يكووووون على مستوى المدرسه صح
والنموذجي المنطقه
كنت بقولج سوي بطافات توضيحيه لمكان الدرس وعنوانه واسهم جذي
وبسسسسسس اذا بالمدرسه مايحتاج بطاقات دعووه
وسوي وسائل تفيد حق درسج وااذا بمدررستكم قاعه للعروض سوي فيها الدرس احسن
يعني راح يكون فيهاا كراسي ..
وداتا شوو وغيره…
وخلي وحده من البنات او مشرفة التقنيات تصورلج عشان تووثقين درسج الحين لو قلت كح قالوج صوررررري مايصدقون الا بالصوره ههههههههه
ووبعد حاولي توزعين اللي تحضيرج بعد ماتطبعينه عالحضوور

وبس جيبي جم صحن حلووو وفطاير وقهووووه
من باب ان اذا شبع البطن شبعت العين ومايطلعون عليج شي خخخخخخخخ << مثل من عندي

واتمنى اني اكون افدتج بشي
لاني مااحبيت اطلع بدون رد

المهم الافكار -لازم تقولين لنا الدرس شنو واي تخصص علشان نساعدج بالوسيلو والفكرة وطريقة التدريس

هلا والله أنا معلمة حاسوب وحاضر لأي مساعدة

بس انت معلمة شنو
يعني اي مادة ادرسين واي صف

حلو الحاسوب الي تطبقينة في درسك تخلين الحضور يطبقونة ومرفق مطوية بالخطوات علشان تقولين للحضور هذي تنمية حق رفيجاتكم في اجتماعاتهم الفنية -وتربطين درسج بالحياة بالضبط درسج شنو علشان نعطيج افكار وياهلا -وحطيلج صندوق او اي شكل اخر وحطي صور المتميزات الي عندج في المختبر وروحي حق ابو امية واشتري هدايا وصوري درسج

نصيحه سوي هدايا حلوة ومافي مانع تسوين رزنامه هديه لكل الحضور وتسوين ملف تحطين فيه اقلام ومساحه ومسطره ودفتر صغير يعني مثل النوته
ولاتنسين تخلين الاكل وايد وراقي عشان يلتهون بالتفكير بالاكل وينسون حصتج نصيحه مهما اشتطيتي اذا الاكل مو هالقدر ماراح يقولن حجي زين عنج للاسف صار الحضور اما للنقد او للاكل