|
|
بنات
انا نزلت هذا الموضوع هني لأن بعرف منكم ياللي عايشين في القفص الزوجي…….
كرت حسابج بالبنك
عندج
ولا عنده ((بو عيالج))
والأسئلة كالآتي:
1- هل انتي راظية ان كرتج يكون عنده؟
2- هل بإرادتج عطيتيه ولا هو طلبه منج؟
3- من متى وهو عنده؟
4- هل فكرتي انج ناخذينه؟
5- شلون مقسمين المصروف في البيت؟
6- شنو الحوارات اللي تدور بينكم على الكرت؟
7- يعطيج مصروف خاص فيج؟
8- شنو حدود ميزانيتكم؟ شكثر تصرفون؟
9- برايج الكرت عندج احسن ولا عنده احسن؟
10 مقترحااااااااااااااااااااااااااااتكم وآراءكم.
بنات أبي تفاعل 
_03ba: اوكي
1- هل انتي راظية ان كرتج يكون عنده؟
لا ابدا ما ارضى كلش
2- هل بإرادتج عطيتيه ولا هو طلبه منج؟
لا عطيته ولا طلبه مني كلش
3- من متى وهو عنده؟
مو عنده صارلي 10 اشهر متزوجة وماله شغل بالكرت نهائي
4- هل فكرتي انج ناخذينه؟
ماراح اخذه لان اصلا مو عنده
5- شلون مقسمين المصروف في البيت؟
مشاركة انا معاه
6- شنو الحوارات اللي تدور بينكم على الكرت؟
ماكو اي حوار على سالفة كرةت ولا مرة فتحنا هالموضوع انا مادري شنو عنده واهو مايدري شنو عندي
7- يعطيج مصروف خاص فيج؟
8- شنو حدود ميزانيتكم؟ شكثر تصرفون؟
والله مالنا حدود ونصرف لين اخر الشهر نقعد على الحديدة
9- برايج الكرت عندج احسن ولا عنده احسن؟
كل واحد كرته عنده افضل
10 مقترحااااااااااااااااااااااااااااتكم وآراءكم.
مقترحاتي و الله نصيحة كل وحدة تخلي كرتها عندها لا تعطي ريلها مجال ان يتحكم بتعبها وشقاها انا ربي لك الحمد من تزوجنا ماله شغل بشي مو انا مروضته لا حرام اهو جذي
بنات أبي تفاعل
و ان شاء الله اكون تفاعلت معاج
ومبروك عروسة
الحين انتو مستانسين الله يهنيكم
بس من تزيد مسؤولياتكم…..راح تشوفين ان الفلوس راح يزيد طاريها بحواراتكم
اما عن الكرت تذكريني بعد3سنين اوكي
استانسي كثر ماتقدرين
وعليج بالعافية وتفاعلتي وكفيتي ووفيتي
خخخخخخخ
يلا,,,,بنات
المفروض يزيدها ماينقصها
_03ba: 1- هل انتي راظية ان كرتج يكون عنده؟
لا
2- هل بإرادتج عطيتيه ولا هو طلبه منج؟
3- من متى وهو عنده؟
4- هل فكرتي انج ناخذينه؟
5- شلون مقسمين المصروف في البيت؟
انا ماعندي راتب عندي مكافاه الجامعه وهو يصرف على البيت
بس اذا كان عندي راتب ممكن اصرف على البيت اذا كان هو مديون في شيء يستاهل
مثل بيت العمر
6- شنو الحوارات اللي تدور بينكم على الكرت؟
ماقد جاب طاريه بس انا طالبته بمصروف لي
7- يعطيج مصروف خاص فيج؟
لي 3 شهور متزوجه اول شهرين ماعطاني وثالث شهر طلبته
8- شنو حدود ميزانيتكم؟ شكثر تصرفون؟
مالها حدود ومو حاطين ميزانيه نصرف على الماشي بس نحاول نقتصد علشان لانطر اخر الشهر
9- برايج الكرت عندج احسن ولا عنده احسن؟
لا طبعا عندي احسن علشان لايحس في يوم انه حق من حقوقه هذا تعبي وشقايد
10 مقترحااااااااااااااااااااااااااااتكم وآراءكم.
والله اشوف ان الوحده اذا عندها ماتبخل على بيتها وشريك عمرها والفلوس وصخ دنيا
ويكون مبدائها على لا افراط ولاتفريط تحاول تعقله وتحسسه انه مسؤل الاول وفي نفس الوقت اذا احتاج ماتتخلى عنه
بس اهم شيء تخطط معاه لشيء يسوى مو يضيعون فلوسهم على المظاهر من سيارات وتقنيه
اول شيء يضمنون شيء مهم بعدين يلعبون على كيف كيفهم ^_^
الحمدلله كرتي عندي لان ماله حق فيه بتاتا واساعد في بيتي بكيفي واذا مابغيت اطنش
واختي لاتروح بعد
يعطيكم العافية عالتفاعل
انشالله البنات الباقين يتفاعلون
ابي اشوف الموضوع مولع…..يلا بنات
55مشاهدة بس 4ردود!!!
يلا حبايبي شدو الهمة,,,
لا حتى اهو مايرضى
2- هل بإرادتج عطيتيه ولا هو طلبه منج؟
ماعطيته ولا طلبه
3- من متى وهو عنده؟
يابنت والله الكرت مو عنده
4- هل فكرتي انج ناخذينه؟
بسم الله انتي شفيج ملزمة انه عنده مووووووووووو عنده الكرت معاااااااااي
5- شلون مقسمين المصروف في البيت؟
نصرف احنا الاثنين اهوعليه الاشياء الرئيسية وانا اللي ينقص اشتريه
6- شنو الحوارات اللي تدور بينكم على الكرت؟
مافيش حوارااااااااااات
7- يعطيج مصروف خاص فيج؟
اكيد ذابحته الله يعينه
8- شنو حدود ميزانيتكم؟ شكثر تصرفون؟
نصرف معاشاتنا لين تخلص ونقعد اخر الشهر
9- برايج الكرت عندج احسن ولا عنده احسن؟
كرتي انا ليش يكون عنده
10 مقترحااااااااااااااااااااااااااااتكم وآراءكم.
مشكورة على الموضوع
لا طبعــــــــــــــــــــــا
2- هل بإرادتج عطيتيه ولا هو طلبه منج؟
لا ما اطلبه منى و لا مره بحياته بس اكثر من مره عطيته و بارادتى كمساعده لان كان يمر بظروف و هو ما يحب ياخذ منى شى بالمره و اذا ساعدته يرجعهم لى كدين
5- شلون مقسمين المصروف في البيت؟
من غير تقسيم هو يصرف على البيت و معاش الخدامه و اي شى ناقصنا و انا على الكماليات لى و لعيالى و اذا احتجت هم بعد ما يقصر
7- يعطيج مصروف خاص فيج؟
لا بس اذا فلست يساعدنى
8- شنو حدود ميزانيتكم؟ شكثر تصرفون؟
من غير حدود
9- برايج الكرت عندج احسن ولا عنده احسن؟
اكيد عندج اصلن عيب ياذه
مقترحااااااااااااااااااااااااااااتكم وآراءكم.
يفضل ان الزوجين يوفرون من معاشاتهم و يجمعون لهم و لعيالهم مبلغ لو بسيط ينفعهم للمستقبل
و هذا اهم شى
بس انا ما سويتها للحين
ويصررف علي فديته رشوودي
اي عادي ليش مو ريلي و واثقة فيه ..
2- هل بإرادتج عطيتيه ولا هو طلبه منج؟
بإرادتي عشان اذا ابي شي يروح يسحبلي طبعا لاني ما اسوق ولا اطلع بروحي واذا طلعت مع اهلي اخذ كرتي …
3- من متى وهو عنده؟
لنا 5 سنين متزوجين وخليته معاه من ثلاث سنين قلته اذا ابي شي اقولك وتسحبلي
4- هل فكرتي انج ناخذينه؟
عاااااااااااااااااااااااااااااااادي متى ما ابيه اخذه ليش مو لي ؟؟؟؟؟؟؟!!!!!!!!!!!!! هههههههههههههههههههه
5- شلون مقسمين المصروف في البيت؟
كل شي عليه اهو واذا ابي اشتري للبيت شي طبعا بمزاجي كرما مني …….. مو قصب ……………
6- شنو الحوارات اللي تدور بينكم على الكرت؟
ما في شي ….
7- يعطيج مصروف خاص فيج؟
لأ ليش يعطيني الحمد الله الله مغنيني عنه …. بس تعرفين احنا اخر الشهر نفلس وحبيبي مايقصر … 
8- شنو حدود ميزانيتكم؟ شكثر تصرفون؟
نصرف اللي عندنا اهو التزاماته للبيت ولبس اليهال والطلعات وانا لنفسي ولليهال مرااااااااااات 
9- برايج الكرت عندج احسن ولا عنده احسن؟
لا عنده اهو احسن لان الريال اغلب الوقت برا البيت واذا ابي شي على طول ادق عليه وخليه يسحبلي .. ليش اخلي الكرت عندي وانطره متى ما يه وارده مره ثانيه يسحبلي اصلا ماراح يرضى يرد بقول بعدين
10 مقترحااااااااااااااااااااااااااااتكم وآراءكم.
كلن ينام على الجنب اللي يريحه وسلامتكم 
1- هل انتي راظية ان كرتج يكون عنده؟
اهو عندي بس عادي عندي ان كرتي يكون عنده
5- شلون مقسمين المصروف في البيت؟
المصروف مو مقسم اصرف على احتياجاتي يعني مثلا اروح الجمعيه عندي نواقص ما اقول لا والله الجمعيه عليه عادي انا اصرف
اهو يصرف عادي
7- يعطيج مصروف خاص فيج؟
مايقصر
8- شنو حدود ميزانيتكم؟ شكثر تصرفون؟
خخخخخخ مبذرين اخر الشهر انطق اصبع
9- برايج الكرت عندج احسن ولا عنده احسن؟
عندي لاني هياته.