عندج بنات عاهات بالدوام تعالي طلعي الي بقلبج اهنييييييييييي

والله خوش موضوع و يا ختج العاهات واجد أنا بدوامي مروا علي أشكال و أنواع اللي يوم تسلم و يوم نفسها بخشمها و اللي تلصق فيج و تقولج كلام ما قلتيه و اللي بس تجي تبلع و تزط و تقوم و اللي بس تسأل هذا من وين وهذا من وين جنها مو شايفه خير و اللي اتمصلح و اللي تحش و تنقل حجي لا و مصدقين نفسهم علبن وزارة الأوقاف والله أنا أنصدمت الدين بصوب و أهما بصوب و ألا ذاك اليوم عندنا حفله و الا وحده هلاقه لابسه عبايها من تحت شفافه و كلها تور و رجل فيها بنطلون و رجل مافيها يعني طالعه وين قاعدين احنا حشا قميص نوم مو عبايه و المشكله محد بعينها عبالها عالموضه بصراحه يضحكون و يبطون الجبد

و الله حبيبتي أنا أول ماداومت كنت على نياتي بس الحمدلله الله سخرلي جم وحده نبوهني و صرنا على قلب واحد اما الباجين من يدخلون عندنا بالمكتب ما يطلعون لصقه فقمنا شنسوي اول ما يدخلون نخليلهم المكتب و نطلع يعني فهموها و المشكله حشاج تيوس ما يفهمون قاعدين و يقهوون نفسهم و الله وقاحه و أنا عن نفسي من كثر ما شفت صرت ما أسكت حق و لا وحده و المشكله تجيج وحده طول ماهي مداومه الكل يدري أنها قمله مقصوعه و تجي على راسي بتسوي روحها قويه هذا اللي يحر أنا صرت أعرف اللي معاي بالدوام وحده وحده ولا أعطي وحده أكبر من حجمها و اللي ما أدانيها ما اسلم خير شر و أي شي يبونه مني أقولهم قولوا حق المديره أذا اهيا قالت لي يا فلانه سوي جذي اسوي و من مشيت بهالأسلوب و لا وحده توطوط عند مكتبي و الله ترى انا قبل عبالي كل الناس مثلي طلعوا دواهي وما في وحده على نياتها >>>>>>>>> حدي طلعت اللي بقلبي ها

انا داومت بمكانين
المكان الاول.. لايحوشج طحتلي بوحده متزوجه وبعدين اكتشفت انها على علاقه مع واحد معانا بالدوام!!
ومن يومها بدت الاشاعات..
وكل من يتحجى بالثاني…
وصار الوضع مؤرف حشاج

والدوام الثاني..
انا بصوب والدوام كله بصوب.. تعبت نفسيا.. والله مو عن غرور ولا كبر بس شهادتي كانت اقوى شهاده والبنات حتى متوسط يالله يالله كملوها..
وماكو ثقافه كلش ميـــج والا اتيكيت.. تعذبت وياهم.. ماكنت قادره اسولف بموضوع يلفت انتباههم…ونص كلامي مايفهمونه..(مصطلحاتهم قديمه مغبره)

هذي مشاكلي باختصار
طبعا مرو علي بنات ماعندهم شغل الا يسالون عن خصوصياتي..
ومرو علي بنات قمه بالهلاقه وحيل ثقه
ومرو علي بنات غصب طيب يبون يدخلوني بقروب الحش مالهم (هذيلا العن نوع)

واخر شي لاعت جبدي من الوزاره كلها واستقلت لوووووووووووووول

مشكوره على الموضوع والله يعينج على اللي عندج

من صجج

والله اتصدقين قاعده احاول اتخيل شكلها ماني قادره

ليش رايحه حفله تنكريه الاخت

والي مو شايفين خير وايد انا عندي وحده بخييييييييييييييييييييييله كل ما اشتري لي شي واخشه حقي قهوه والا مكسرات ايي ثاني يوم مخلص مشفحححححححه وتموت بالبلعه

اي والله ذكرتيني اول ماتتعينين يكون قلبج ابيض وصافي وتكونين بقمه البراءه بس للاسف اهما ما يبيلهم جذي

دايم لازم تفكرين وتحسبين تصرفاتج يمكن تصرفاتج هذه تضرج وتخليهم يطلعون قوتهم عليج

وزين سويتي انج استوعبتي هالشي لانج اذا صرت ضعيفه يلعبون فيج

من صجج متزوجه وترافج !!!! ووين بالدوام !!! مالت على ويها وانتي شكو بالاشاعات تالي شرحيلي شكو تتضايقين اشعليهم منج !!!!

والمكان الثاني والله نفسي بس مو بالشهاده بالعمر !!! لما تخرجت من الجامعه توني صغيره وهبله وعلى نياتي وكلهم عيااااااااااااااايز طافوا 66 سنه من زمااااااااااااااااااااان

انا اسولف عن الموضه والمكياج واهما عن الطباخ والحمال

انا ماعندي مشكله عادي

بس اهما احقدوا على يقولون ايييييي فاضيه بس همها روحها واحنا ذابحنا الشقا

يعني شنو ذنبي ؟؟؟

وبالنسبه للخصوصيات

انا الي عندي محترين مني ما اقولهم شي كلللللللللللللش ودايما حاطه حاجز بينا

مره قاعده اقولهم سالفه ان امي شاريتلي سواره ذهب

تخيلي ما طاف شهر والا اسمع بنات يقولون انتي مدلعينج امج كله تشتريلج ذهب واغراض !!!!!!!!!!

واحنا محد دللنا !!!!!!!

حسبي الله عليهم وراها امي مرضت وطاحت مو طولها

حسبي الله عليهم

حرمت اقولهم شي كلللللللللللللللللللللللللللش

واي انا حاطة ايدي على قلبي من هالسوالف
الحين توه طلع ترشيحي الله يستر وين بيحذفوني ومنو بيصير معاي
عاد لا صرت موظفه فعليا وعندي سوالف بحش عندكم خخخخخخخخخخ

بالنسبه لي قابلة وحده الله ياااساتر طبعااا مو بقسمنا بالقسم اللي يمنا بس تسير علينا بحجه رفيجاتهااا عندنا بالقسم رفيجاتهااا عكس مليون درجه محترمين حيل بس اهي استغفر الله اذا مرهااا احد لااازم تخزه من تحت لي فوووق وفوق هذا التعليق وفيه وحده عندنا بالقسم دينه ودايما تستغفر يوم شافتهااا جان تقول استغفر الله استغفر الله <<<< ما أقول الا الحمدالله والشكر بس انا ولله الحمد اطنشهااااا ولا اهتم فيهااا ولااا بكلامهااا ومره حشت برفيجاتي بس ماقلت لهم ما احب المشاكل وبالاخير قالهااا مديرنااا انتي مالج شغل عندنا اطلعي بره احسن

واااااااااي يبتوها علي الجرح!!!!

ويييييييييييع معنا وحده بالدوام مسكينا و الله يعني يبنا طار فلانه او اي احد مثلا مشهوور قالت ايه تصير حق امي!!!!!!

كل الكويت يصيرون حق امها لووووووووووول……

و الشي الثاني يعني انا لابسه لون مثلا تايقر و اخضر باجر نفس الون! و دايما تقلد مسئولتنا بالبس !!!!
و الشي الاكبر!!! ماتخلي واحد بالدوام ماتعرفا؟؟؟ يعني سمعتج و الناس و الرياييل تتكلم فيها انا خفيفيه و كلمتها عصبت علي تحسووووووون مو كفو!!

و حده ثانيه باداره ثانيه هاذي لاااااااااااااااااااااا تطاااااااااااااااااااق!!!!!!

دايما تقوول واااي رحت فيلا مودا و شفت جنطه ب ٦٠٠!! و خذيتها ما قدرت!! منو سالج جم الجنطه؟؟؟؟
و كلامتها رحت كفالي و شريت و رحت كفالي و خذيت ولد الخير و العز مايتكلم!! و الله يابنات انها حتى الحطه مالت الريوق ماتحط!!

وييييييييييع هيهيهيهيه بردت جبدي و نطروني بالاحداث القادمه

حلو الموضوع للفضفضه
انا دوامي معظمهم متزوجات وتعالي شوفي السوالف
شي يفشل سوالف ماتنقال سوالف حمره مشفره فهمتوا علي
وسوالف خاصه يبرياليلهم وغرف النوم احس اكبر همهم هالسوالف الجنسيه الي مايخلى منها جلسه من جلساتهم الله يهداهم بس
ثاني شي اللقافه ماكو حدود يسالون عن كل شي
لو يدق النقال وتحشين يقطون اذانهم
ثالث شي الترزز والتشيحط يعني لو وحده ترفع ورقه او تسوي شي لازم تسوي دعايه انا سويت وانا سويت
رابع شي العقد والتحلطم كله يتحلطمون محد عاجبه شي ولايعه جبودهم يبه هذا شغل وشوفي المقارنات الاداريات مرتاحات مدرسات الروضه بنعمه طيب من قالج صيري مدرسه ابتدائي ولاثانوي انتي اخترتي
خامسا كله فقرانات اقساط علينا نبي جمعيه القروض كلتنا مانبي نقط الحين ننطر المعاش
ماادري احس يطيرون عيون او خايفين من الحسد وتعالي شوفي اذا انتي بنيه توج متوظفه وم متزوجه عبالهم انج مليونيره واذا تكشخين اوف عتيونهم عليج
سادسا لما يختارون وحده لشغل او ندوه او يرفعونها وهي ماتفقه شي وانتي عندج طموح وشهادتج كبيره واحيانا اكثر خبره ولكن المحسوبيات والمجاملات تدخل بالموضوع تحسين احباط من امه
سابعا لاحبتكك عيني ماضامك الدهر تلقين وحده مهمله وكله تزرق واي كلام بس واصله محد يقولها شي وانتي اي غلطه بسيطه كبروا المساله ويمكن يسالونج ويعطونج لفت نظر
ثامنا اذا تشتغلين بصمت محد درى عنج احس الهدوء والتكانه الحياء صار عيب هالايام وسلبيه عليج
مشكورة حبيبتي على الموضوع نسيت نفسي وفضفضت من قلب شرايكم بالنقاط الي ذكرتها هل مرت عليكم ياليت ننقاشها بالتفصيل

ضحكني العنوان : )

بنات مافي دوام كامل والكامل الله سبحانه

والصراحه في ناس تغث بالدواااام وودج تنحاشين من شوفتهم بس شنسوي

انا متبعه مبدأ اذا رديت البيت خلاااااااص لا للتفكير بالدوام

واحسن طريقه الوجده تسوي شغلها وتنطش بس المشكله في ناس ماتخليج بحالج : (

عجبني كلام كعيب الضبي

تصدقين يسوون اعلان عالمي

امبيه نفس الي عندنا وعيونهم براتب الغير متزوجه ناس حسوده

حسبي اله عليها طفشتج من الدوام

وما قدمتي وراها بالديوان ؟؟؟