|
|
مرحبا حبايبي شخباركم.gif "Eh S(8)")
انا مدرسة رياضيات ابتدائي وادري في صعوبات على بعض اولياء الامور بتدريس ابنائهم الرياضيات بالشكل الصحيح…يعني تلقين الطالب او الطالبة ياخذ الدرس مع الابلة بطريقة والام تشرحلة بالبيت بطريقة ثانية
.gif "Eh S(14)")
وهني يضيع المسكين ومايقدر يستوعب الموضوع…فاللي عندها اي استفسار عن طرق تدريس الرياضيات تتفضل وماراح اقصر معاها انشاللة(كلة لمصلحة ابنائنا وبناتنا الطلاب)
وحياكم اللة
.. واللى يبى اى
شئ بالرياضيات ماراح نقصر معه… ( أبله رياضيات )
تحياتى للجميع….
حبيت اسال شلون اعلم ولدي جدول الضرب يعني هل اخليه يحفظه حفظ او يفهم ويجمع ؟؟؟؟؟؟؟
وحياج اللة
لا لاتخافين علينا احنا موجودين وبكثرة ماشاللة (عسى اللة يزيدنا ويبارك فينا) وجاهزين لاي استفسارات
يستاهلون اهل الطيب والخير من منتداي الغالي
اي سؤال انا حاضرة لتدريس الرياضيات
لاني ابلة رياضيات تأسيس ابتدائي من 5 سنين
وبالخدمة يالغالييييييين
يليت كل مدرسات الرياضيات نفسكم ونفس طيبتكم وحسن اخلاقكم وماقصرتو ووالله
انا بنتي الي بثانيه ابتدائي اتحفض وتحسب وتحل وكل شي زينه فيه اذا يتي عند الناقص ادقر ادق ابريك ماتستوعب له مرات ومرات يعني
اما ااختها بصف الثالث كلش ملش باطه جبدي بط ماتعرف للرياضيات ولا تبي اتفكر اشلون اتحسب او شي والسبب انه يوم كانت باولى ابتدائي مدرستها كانت مصريه وشنو كانت تتقول تقول ابي البنت تحفض ومابيها تعد يا بنت الناس غيري بدلي تقول لا اانا اابيها تحفض ماابيها تعد الحين اذا عطيتيها رقم مو حافضه لا اتشير 1+5=امممممممممممم 8 على طوووووووووووووووول ماتبي تعد وتالي نقلتها من مدرستها رحنا مدرسه ثانيه بس صج مخ البنت متلخبط وماني عارفه اشلون اميز هذي الشغله معها /؟؟
يعني ابدي معاها الاعداد وبعدها اسماء الاعداد وبعدين انتقلي للجمع وبالاخير الطرح
وشوفي تتقبل ولا بعدها
وانشالله اكون بخدمتج
أنا عضو جديد فى منتداكم الرائع
ممكن تساعدونى
ماتدري ان الرقاله ممنوع يشاركو بالمنتدى ده؟
تكفون مدرسات الرياضيات ساعدوني
أنا ولدي بيروح ثالثه ابتدائي
وضعيف بالرياضيات
يخربط بالعشرات واآحاد مستحيل يقرى رقم كبير مكنون من رقمين وأكثر
|
المشاركة الأصلية كتبت بواسطة أم حمودي
 السلام عليكم
تكفون مدرسات الرياضيات ساعدوني أنا ولدي بيروح ثالثه ابتدائي وضعيف بالرياضيات يخربط بالعشرات واآحاد مستحيل يقرى رقم كبير مكنون من رقمين وأكثر |
اول شي منازل الاعداد احنا نسميها عوائل مثلا (عائلة الوحدات وعائلة الالوف وعائلة الملايين)وكل عائلة عندها (أحاد و عشرات ومئات) وواضحة بالصورة عندج بالكتاب…
1) اذا كان عندنا عدد مكون من رقمين نقرا العدد مبتدئين من الاحاد مثلا(25__تقرأ خمسة وعشرون)
**الحين راح تختلف الطريقة بالاعداد المكونة من اكثر من رقمين (راح نبدا نقرا من المنزلة الاكبر فالاصغر( مئات ثم آحاد ثم عشرات)…كالتالي…
***العدد المكون من 3ارقام نقراة من المئات ثم الاحاد ثم العشرات مثلا(314___تقرا ثلاثمائة واربعة عشر)
وبجذية نكون خلصنا العائلة الاولى اللي هي عائلة الوحدات….
نفس الطريقة نطبقها على عائلة الالوف فمثلا لقرائة العدد التالي (54215)…
اولا لازم نعد اول ثلاث منازل من اليمين ونحط وراها خط عشان نفصل بين عائلة الوحدات وعائلة الالوف كالتالي (215/54) ونبدا القرائة من المنزلة الاكبر (لان عندنا اكثر من رقمين)
الحين لازم نقرا من عائلة الالوف لانها الاكبر طبعا وبما ان عندنا عائلة الالوف مكونة من رقمين نقرا بنفس لطريقة اللي برقم (1) يعني (اربعة وخمسون الفا) ولازم نقول الفا لانا خلصنا عائلة الالوف وبنكمل نقرا عائلة الوحدات…ويصير العدد (اربعة وخمسون الفا و مئتان وخمسة عشر مثل ماقرينا الوحدات كاملة قبل شوي)
وكل مازدنا الارقام المكونة للاعداد نتبع نفس النظام
امثلة………….
812975 _______ اول شي ماننسى الخط الفاصل بين العوائل كالتالي (975/812)ونقرا (ثمانمائة واثناعشر الفا وتسعمائة وخمسة وسبعون)
85512633 —— الخط الفاصل اولا كالتالي (633/512/85)هالمرة عندنا عائلة الملايين وهذا لخامسة بس
وتقرا (خمسة وثمانون مليونا وخمسمائة واثنى عشر الفا وستمائة وثلاثة وثلاثون)
اتمنى تكون الفكرة وصلت ترى واللة سهلة وممتعة بس السرح بالكتابة غير الشفوي اطول شوي بس لاتخافين انشاللة يستوعبها…
وياللة عطيني الخطوات الصحيحة لقرائة العدد (421538472)
ولاتنسين التمارين اليومية لولدج لاااااااااازم (وتقدرين تسوينها على مسابقة لة يكون بغرفتة مثلا صندوق تكتبين علية صندوق استلام المسائل وتطلبين منة يحلها ويردها بالصندوق وانتي تاخذينها بعد شوي وتصححينها لة واذا صح يكون في صندوق المكافئات تحطيلة أي شي فية كمكافاة لة وكل يوم مسالة )
اتمنى انج استفدتي واني قدرت اوصل الفكرة واعذريني عالاطالة
بعد عمري كفيتي ووفيتي
بس أنا ما أعرف أدرس رياضيات لأني طلعت من المدرسة والسبب الرياضيات ماكنت أنجح فيه