عمليتي مع خالد الصبيح للانف ان شاء الله ,, تابعوني يآ بنات :)

السلام عليكم شلووونكم بنات

انا بسوي عملية لتجميل انفي ان الله اراااد عند دكتور خالد الصبيح ,خشمي فيه طول و عظمة بسيطة ,, ابي تعديل بسيط وابيه يكون طبيعي ,, اليوم عندي استشارة عند الدكتور ان شاء الله , اللي عندها اي سؤال حابة اسأله للدكتور تتفضل وتقوله ,, عسى الله يسهل لنا و يسهل لكم , وانا حبيت اخلي هالموضوع مثل قصة كل شي يصير بكتبه ان شاء الله واللي عندها اي معلومة تحب تقولها الله يعطيها العافية ,,,

وبس

موفقه حبيبتي والدكتور شاطر واهم شي سالي عن التنفس بعد العمليه

موفقه ان شاء الله

جم راح تكلف العمليه باي مستشفى راح تسوينها

متى تبين نجاح العلمية؟؟؟

انا خذيت موعد بس وااااااااااايد متخوفه ما ادري ليش
متا رااح تكون العمليه
انتي تعرفين احد مسوي عنده

مشكورة حبيبتي, اي ان شاء الله بسأله لاني احاتي هالنقطة

اسعاره تبدي من 1800 بس انا بسويها بنج موضعي السعر اقل ,, و اليوم ان شالله بناقشه عالسعر والمستشفى واقولكم

كشكل اقل تقدير شهر ,, و يعتمد على اكثر من عامل منهم سماكة الجلد,,

هلا حبيبتي,,
خذيتي عنده ؟
لاتحاتين ان شالله سهالات,,
انا شفت وحده مسوية عنده لمه رحت عيادته قبل اسبوعين وكان مبين توها مسويته,, حلو وصغير ,,
وشفت صورة وحده هني بالمنتدى
وشفت شغله بعد على وحده اعرفها وايد طبيعي ومغيرها
والحمدلله تقول ماكو مشاكل
الله يوفقج )

مرحبا

خالد للاسف يسوي الخشوم عويه

اانا سويت خشمي عنده وسواه عوووي ونفس الشي بنت عمي وماارضى يعيدلي اياااهاااا
كنت اول الايام مستانسه بخشمي لكن لمن يفش عقب سنه تطلع البلاوي
ف طلع عوووي والارنبه عووويه شكله غبي خشمي

وهم صارو فتحات التنفس صغااار لازم ارش بخاخ كل يوم قبل لا انام ولا اختنق
وبرد اسوي عمليه جيوب انفيه بمستشفى زين علاجيه مو تجميييل

استخيري قبلهااااا

ماقالج شنو نوع بشرتج ؟

والله عجبني الدكتورر السوووري الي يتكلمون عنه
اعتقد اسمه بشار او شي جذي؟

مادري عجبني خشم الاخت الي حطته حسيته منحووت صح .. وانصدمت ان وايد رخيص
جني قاااااااعده اتشييش اروووح سوووريا هههه

موفقه ,,,,

استخيري قبل همين روحي

Nona20
انتي شنة كان فيج بالضبط
انا بروووح فيني انحراااف يسويه عوي بعد
انا تقريبا هدفي علاجي اكثر
يعني ما ابي اصغر ولا اكبر شي
الشي التجميلي الوحيد اللي بسويه ان عندي الغضرووف من بداية الخشم مبووز كن الجهتين هذا الشي الوحيد اللي ملوع جبدي شكلا مع ان ما كان فيني جذي وحيييل متازمه منه

يعني انصحوني ترووح له انا فيني انحرااف واايد مبين وقرنيات وجدران االجيوب متضخمه
والغضروف اللي قلت لج عنه بس