عملية لحمية وأنابيب لسحب الماي من الأذن لولدي نصايحكم ودعواتكم له بالسلامة

خواتي ولدي عمره 4 سنين من ولدته بسم الله عليه واهو فيه جيوب انفية (( لحمية ))

وكنت اراجع عند استشاري انف واذن وحنجرة بمستشفى خاص ……. عند الدكتور احمد وكان يكتبله علاج

وقال اللحمية ممكن تروح يعني احتمال كل مايكبر تصغر اللحمية او العكس ومع العلاج استقرت حالته والحمد لله

وللامانة مرت فترة ماراجعت فيه في عيادة الانف والاذن والحنجرة

والحمد لله على كل حال

ولدي قعدت تزيد عنده اللحمية لحد اني صرت اخاف اخليه ينام بروحه

اظل رايحة رادة على غرفته وايام اضطر انام معاه اخاف انه يختنق بالليل

وقعدت الاحظ ان الطفل ابتدا يصير عنيد بزيادة ومايسمع الكلام كلللللج اذا يبي يسال سؤال يعيده عشرين مرة

وكله عصبي وكله يبجي والله صرت احاتي اقول بسم الله عليه ولدي ليش جذي وقعدت اوسوس

وقلت لابوه لازم اودي ولدي لدكتور مختص اخاف الصبي فيه شي

يعني عنييييييييد ومايسمع الكلام اناديه ماما حبيبي حمود مااااااااا يرد الا بطلعت روحي

والتلفزيون يطووووول على صوته واااااااجد

ورديت اراجع مع الدكتور احمد وقالي سويله اشعة وسويتله قالي اللحمية حيل صايرة كبيرة

ولااااااازم عملية وقالي سويله فحص لماي الاذن وطلع عنده ماااااااااااااااي في الاذنتين وبكميه كبيييييرة

وقالي لازم عمليه انابيب لاذونه على شان نسحب منه الماي وفوضت امري لله ووافقت

اييييييي الاعراض اللي ذكرتها فوق ^^ انه صار عنيد ومايسمع الكلام طلع كل هذا من الماي الموجود بالاذن

وتوتره واعصابه سببهم ضغط الماي على اذونه

وبيوم موعد عملية اللحمية والانابيب لسحب الماي وقف دكتور التخدير العملية يقول لازم اخصائي قلب

يفحصه ويعطي لامانع من اجراء العملية لانه قرى قي ملفه انه مرة تنوم بالمستشفى وكان في اشتباه من دكتور اطفال ان

ولدي اسم الله عليه فيه فتحة بالقلب اشتباااااه وقلنا امرنا لله نوديه استشاري قلب ولو اني

حاسة ان مستشفيات الخاصة حيييييل يبالغون وبس يبون يشفطون فلوس يعني على شان اسوي عملية لحميه بس

بين مراجعات واشعات وتخطيطات وسونار للقلب قطيت فوق 600 دينار هذا وللحين ماسويت العمليه !

والله الفلوس فدووووووة لمواطي رجوله بس تعبت كل يوم حاطين لي فيه شي جديد وماغير شفط فلوس على ولااااا شي

وسويتله تخطيط وسونار للقلب والحمد لله طمني الدكتور وقالي كل شي اوكي لا تخافين

وبصراحة اليوم قررت بعد ما سمعت نصايح من الاهل اني اوديه مستشفى الاتصالات لانه خاص

بالانف والاذن والحنجرة وان واجد اطفال يسون هالعملية هناك يعني تخصص عمليات للاطفال

وبنات يااااريت اللي مسوية لواحد من عيالها نفس هالعملية اللحمية وبالاخص انابيب الاذن او تعرف احد سواها

بمستشفى الاتصالات واذا تنصحوني اسويها عندهم اوو ارد واسويها عند المستشفى الخاص …الهـ… وامري لله

والمشكلة الاسبوع الجاي عندي امتحانات واحس اني تدودهت وضعت ومو عارفة شلون ادرس وولدي تعبان جذي

ويسهلها ربي ان شاء الله

وسامحوني على القرقة الزايــــــــدة واللي عندها نصيحة لا تبخل علي فيها

ودعواتكم ان ربي يسهلها عليه ونسويله العملية ويقوم بالسلامة ان شاء الله