عمر الجنين اصغر من المفروض انه يكون بوايد

بنات بسالكم

انا حامل لي ست اسابيع رحت للدكتوره بسمع النبض سوت سونار داخلي حقي قالت البيبي حيييل صغير

على اخر موعد دوره وقالت عمره 18 يوم وطبعا النبض مو مبين حتى بالداخلي وطلبت اسوي تحليل هرمون الحمل واعيده عقب يومين

بنات انا قبل لا ادش عالدكتوره قلبي ناغزني انه بتقولي شي موزين لي درجه ارجف وبطني يعورني

المهم سويت تحليل الهرموني مبين انه حملي بين الخمس والست اسابيع الهرمون نسبته زينه وباجر بعيده

بنات منو صارلها جذي وارتفع الهرمون

انا بحملي سويت سونار وقالي الدكتور الجنين حجمه اصغر من الطبيعي سمعت النبض لاني كنت بالاسبوع الثامن ورديت سويت سونار بعد شهر والحمدلله رجع حجمه طبيعي انتي توج مايبين النبض الا بالاسبوع الثامن لا تستعجلين وياليت ماتسوين سونار داخلي لانه خطر وله اضرار تأدي للاجهاض

موديل لا تحاتين استغفري

السونار الداخلي مو زين صج اجهضت بسبب حمل ضعيف بس هم ذبحوني سونار داخلي

انتي ارتاحي و اذا ربي كاتب لج رزق فيه بتاخذينه

تبويضج متأخر.. لاتحاتين دام الهرمون زين خلاص ليش تشككج انا مابيه النبض بالاسبوع التاسع بعد.. وحمدلله الحين انا بالسابع لاتفكرين وادعي ربج وارتاحي

حبيبتي انااااا نفسك رحت بالاسبوع الخامس تقولي انه بس الكيس موجود تعالي بعد اسبوعين رحت المفروض يكون الاسبوع السابع قالت بادي يتكون الجنين بس نبض مو مبين والحمدلله كملت 8 وسمعتني النبض لان حملي صاير بالاخير ربي يطمنج واسفة طولت عليج بس حبيت اطمنج لان حاسة فيكي يا قلبي

ان شالله ماكو الا العافيه

توج مبجر بالاسبوع السادس الاكثريه مايبين النبض بالفتره هذي

نطري اسبوع وروحي لدكتوره ثانيه

وان شالله تبشرينا

اصبري ان الله مع الصابرين
نطري الاسبوع الثامن و روحي شوفي دكتورة ثانية
عليك بالراحة ثم الراحة
الله يفرحك شوفته يا رب

حبيبتي بنت خالتي صار فيها مثلج قالولها الياهل نموه واقف ومو لاقين نبض والحمدلله الحين ولدها بيدها
روحي حق دكتوره ثانيه

انا نفسج بحملي الي طاف وبحملي هذا جذي صار معاي مابين النبض الا بالاسبوع التاسع

وحجمه اصغر من عمر الدوره بأسبوع

حالياً الحمد لله حجمه طبيعي لا تحاتيين

انتي توج .. لاتحاتين ولاتستعجلين ..

انا باول حمالي ما اذكر عدل بس ماكملت

٨ اسابيع

رحت لدكتوره الله يسامحها واقولي حمل خارج رحم

ماكو نبض ماكو جنين بس كيس

وخربطت وااااجد فوق راسي بس شنووو وقفت قلبي

الله يهديها بسسسس

وسويت تحليل هرمون عندهم وطلع كل شي اوكي الحمدلله

وفوق هذا مووو مقتنعه تقولي حمل خارج رحم!!!

طنشتها ورحت السلام وقالي دكتور هناك انه النبض مايبين

الا بالاسبوع العاشر ناااسيه بالضبط كلامه بس قالي عادي توج ..

وصج عطاني موعد بعد ١٠ ايام وبين النبض

اللهم لك الحمد

الله يطمن قلبج يااااااارب

بنات مشكورين حيل وحده وحده

انا كنت متوقعه انه النبض مايبين بهالوقت بس اللي خلاني اروح اراجع انا حللت وسافرت سفره شغل لمده اسبوع

وبالسفره حييييييييييل تعبت لانه مو سياحه لانه سفر شغل وكنت لازم اسافر بهالوقت

المهم ماعلينا انا رديت من الطياره سيدا للدكتوره اتطمن على وضع الجنين بس لانه متوقعه ما اسمع النبض

بس اللي صار خرعني كلامها انه الجنين عمره 18 يوم وانا المفروض ست اسابيع خفت حيل

ياحبيبتي لاتخافين ولاشي .. الست أسابيع يحسبونها مع اسبوع الدورة والاسبوع اللي وراها

يعني فعليا حملج اذا بوقته عمره ٤ أسابيع مو ٦ .. يعني ٢٨ يوم وبما أن احتمال كبير انه حمل

متأخر فطبيعي يكون عمره ١٨ يوم تقريباً ..

سيده حبيبتي ماقصرتي ان شالله خيييير

انا سالتني الدكتوره عن النساه قلت ما احس بشي ليلحين قالت موبشاره زينه

قاعده الدكتوره تخرعني المفروض تقول ممكن تتاخر النساه مو تخرعني

استغفر الله هذي اي دكتورة رايحتلها شفيها جذي الحمدالله والشكر ..

ماعليج منها وانا اقول غؤري الدكتورة وروحي حق وحده ترتاحيلها

والله يطمنج حبيبتي ﻻ تحاتين تو الناس