عمركم شفتو اعلان وظيفه طالبين فيها *دبلوم عالي/ادارة عامه*(بسألكم هل هو تخصص مرغوب؟)

السلام عليكم

انا خريجة جامعة الكويت

تخصصي علم نفس .. التخصص المساند ادارة عامة ..

طبعا" تخصصي الحمدلله على كل حال .. عقب ما تخرجت وبمعدل عالي انصدمت ودريت انه تخصص غير مرغوب محد يبينا .. واذا بتوظف بالديوان يصير معاشي 600 وكسور ، انا دارسه بالجامعه استغفر الله ويايبه معدل حرام ما اتوظف الا بهال3 اماكن (الشئون/التربية/الصحه) افشل اماكن …

فقلت ابي اكمل على تخصصي المساند ماستر ..
ليش اني اذا كملت ماستر علم نفس .. نفس المشكله .. تخصص غير مطلوب من ولا مكان سواء بكلريوس او ماستر ..

لما ييت بكمل ماستر ادارة عامه اكتشفت ان ماكو ماستر بهالتخصص في جامعة الكويت .. فيه فقط (دبلوم عالي في الادارة العامه)
فسؤالي .. هل هالتخصص مطلوب؟ اذا كنت بتوظف في هيئات ومؤسسات حكوميه؟ وركزو على انه (دبلوم عالي) ومو ماستر او بكلريوس ..
يعني فيه مره شفتو اعلان وكان من الوظائف المطلوبه تخصص ادارة عامة ودبلوم عالي ؟ لأني ناويه اكمل عالمساند بما ان التخصص الرئيسي و4 سنين بالجامعه ما فادوني بشي

ومشكورين ويعطيكم الف عافيه ..
يليت اللي عندها خبره تساعدني والله مكتئبة وحالتي صعبه ..

Upppppp

plz

Upppppp

plz

Upppppppppppppppppp

انا اقولج الحل
لاتكملين لنه الماستر مو فايد هالدور شي مو ماستر

انا علم اجتماع ومساندي علم نفس وصارلي سنه متوظفة بوزاره الصحة اقتنعت اقتناع تااااااااااااااااااااااام اني لو داشه دبلوس فني صيدله ولا مختبر وايد اشرفلي ولاحد يقولي جامعية لانه جامعية من غير واسطه ما ينفع على الاقل الفنيين معاشهم يسوى مو مثلنا

فنصيحتي هي الآتي

دوري واسطه في احد الهيئات ولا جامعة الكويت(اهي المفروض ملزومه فينا دام خرجتنا) ولا بنك اذا تبين معاش عدل وانشالله يكون في تقدير

في الوزارات اللي ذكرتيها يمكن يحترمون الزبال اللي عنده واسطه أكثر منج سوري على التشبيه بس من حر ما فيني لانه مسؤولي رابعه متوسط وقلب مدير المنطقة عليي وانا اللي اول من دشيت القسم سنعته بس ليش مو ماصخه تضايق مني

فحاليا بقزرها بالوزاره على ما القى قبول مكان ثاني

طبعا انصدمتي بالواقع المرير بس ماعليه

حبيبتي والله كسرتي خاطري .. وكسرت خاطر روحي .. =(

انا من زمان اقول لو داشه معهد وسنتين ومتخرجه جان وايد اريح واحسن .. عالاقل المعاهد تشوفين لهم فرص توظيف اكثر من كليتنا الزفت حشاج .. حتى يعني لو ان المعاهد هم تحتاج دزه بس عالاقل تلقين الاعلانات اللي تنزل فيها مطلوب دبلوم التخصص الفلاني .. وذيك الساع شوفيلج اي واسطه تمشي امورج .. بس بذمتج فيه مره شفتي اعلان هيئة وطالبين بكلريوس علم نفس ؟ او حتى اداره (هالمساند اللي قصو علينا فيه وقالو اخذوه يفيدكم بالتوظيف) ..؟ يعني انا وي اشوف نص اعلان طالبين فيه اي تخصص من تخصصات كليتنا .. بس ماكو !!

المشكله ان اهلي مو حاسين بالوضع ..وعبالهم سهالات .. ""اي جربي يمكن يقبلونج بالماليه بدون واسطه .. صج ان كل شي يمشي بالواسطه بالكويت بس ساعات فيه ناس ينقبلون بدون واسطه"" .. اي هالشي يصير مره بالسنه وحق تخصص يمكن يكون مطلوب مثلا محاسبه الاداريه ولا هندسه ولا شي بس انا خريجة علم نفس وانقبل بالماليه جذي بدون واسطه !؟؟ اييي هيّن ..

فحبيبتي انتي تقولين شوفيلج واسطه حق الهيئات وانا اقولج انا سألت موظف بهيئة الصناعه .. قاللي حتى لو تييبين واسطه قويه مراح تفيدج لان لازم ينزل اعلان الهيئة وهم طالبين بكلريوس علم نفس ذيك الساع ييبي واسطتج وقدمي .. اما اذا مافيه احتياج حق هالتخصص مراح تفيدج الواسطه ..

من صجج حد ام الصدمه !!
عشان جذي انا قلت بكمل على مساندي (بما ان تخصصي دايخ وماله داعي اكمل بعد بكلريوس وتروح من عمري سنتين عالفاضي غير ال4 سنين اللي طافوو)
بس المشكله مساندي ادارة عامه ماكو بكلريوس بالكويت فيه بس دبلوم عالي .. وانا عشان جذي اسأل اذا احد مره قرا اعلان وطالين فيه دبلوم عالي ادارة عامة

ومشكووووره حبيبتي على ردج انتي الوحيده اللي عبرتيني

حبوبه انا ولا مره شفت ان طالبين هالتخصص
بس انتي اذا ناويه تكملين فوق الدبلوم العالي سنه برا وتاخذين الماستر وعقب الدكتورا فوااااااايد زين تصيرين دكتوره بالعلوم الاداريه

عاد حتى انا مساندي اداره عامه جامعة الكويت وقدمت عالدبلوم العالي بس ما قبلوني لان ما عندي خبرة عمل

^^

ما قبلوج لان ماعندج خبرة عمل !!؟ شنو يعني انا بكمل دراستي .. شلون لازم يكون عندي خبرة عمل .. اول مره ادري ..

حبيبتي ماكو فايده اخذ دبلوم عالي بعدين سنه ماستر برا وعقب دكتوراه
انا اصلا مو حابة تخصص ادارة عامه بس كنت باخذ الدبلوم العالي لان قلت يمكن اهو تخصص مرغوب واقدر اتوظف بمكان زين لاني تعبانه من تخصصي الرئيسي ومحد يبيه ..

مشكوره ياقلبي عالرد .. ماقصرتي :*