|
|
مابي اعيد نفس الكلام اللي وايد قاعد ينقال
بس باختصار عشان تفهمون قصدي
الدخول ابأكثر من نك ،، ويستغلون النك الثاني للهواش او لزيادة عدد الردود وغيره
السب اللي يصير ووحده تدعي على الثانية في بعض الردود
الطنازة
ويا عضوة انتي واحد مو وحده
وغيره من امور
واكثر شغلة تنرفزني ان وحده تكتب موضوع اشطوله وتيي وحده تقولها انتي تألفين
وغيره وغيره من امور وتصرفات ماكانت موجودة بالقسم والحين انتشرت والكل ملاحظها
هل هالشي يخليج تفكرين انج تتركين المنتدى ؟
خفت عندج كتابة المواضيع والردود ؟
تركتي كتابة المواضيع والردود واكتفيتي بالقراءة ؟
تشبكين بهدف الوناسة وتطلعين من القسم وانتي متنرفزة ؟
ولا ان مو هامج شي من اللي قاعد يصير ؟
خاصة اني ملاحظة وغيري ملاحظ ان وايد بنات اختفوا
اللي قاعد يصير
شنو تأثيره عليج ،، وشلون اثر على تواجدج واسلوبج بالقسم ؟؟
بالنسبة لي
مهما فكرت اتركه
ارد ارجع له
لأني تعودت على الكتابة فيه ،، واحاول اطنش اللي ينرفز
وانا اي موضوع اشوف في هواش ما ارد على الموضوع ولا اكتب شي اخلي البنات يتضايقون مني
والوحده السنعه تفرض نفسها ووجودها بكلامها الحلوو اللي يدل على تربيتها وتخلي الناس تحترمها
وفي مواضيع قاعده اتصير اتنرفز بس شتقولين الله يهديهم
انه عمري ماطلع صوتي بل منتدى بس من ردود البنات صرت نجريه ههههههههه
لا حبيبتي هذا منتداى ومكاني ومااااااعمري تضايقت لانه منتدى عاااادي تقزيره تضيعة وقت لا اكثر ولا اقل !!
وكيفهم خل يدشون بكذا نك يسبون ؟ ليش الدنيا سايبه ؟؟ عايشين بغابه ؟؟؟ ماكو اداره ؟؟ ماكو مشرفات ؟؟؟
ولو لو لو لو لو لو كل وحده تترفع عن الاسلوب الوضيع والهوشات اللي مالها داعي ماكان لقيتي هالظاهره المنتشره
سوري حبيبتي احس موضوعج مكرر وتكلمو فيه بعض العضوات
بتخلينه نفضض
والله المنتدى يهبل
وانا عمري كله ما اشتركت بمنتدى
بس من تقريبا سنه كنت ادش اقرى المواضيع واطلع بعدين استانست عالوضع
وقمت اشارك
الصراحه المنتدى ما ينمل
بس لو تخف النجره والمواضيع الي مالها داعي
.gif "Eh S(6)")
انا ما صارلي فترة من دخلت المنتدي بس والله العظيم عن جد تعلقت فييه وايد .. ما تدرين اشكثر قاعده اتفااعل مع المشاكل أو حتى اني قاعده اطلع وايد شغلالات بدااخلي .. اني اترك المنتدي ما اعتقد الا اذا اهم وقفووه أو وقفووني
وبالنسبة للهوشات أو أن في ناس داخلة بس عشان تخرب أو تقل ادبها بعد لاحول ولا قوة الا بالله شتبين تقولين له غير الله يهدي الحال ويكبر عقوولهم انشاءالله
بعدين في بناات اهنيه عن جد من اشوف نكهم استانس واحب اقرا مواضيعهم وتعليقاتهم واستانس اذا تفاعلوا معاي .. احسهم خواتي
وعادي اصلا موجودين بكل المنتديات مو بس كويتيات ..
طنش تعش