علامات الخطر اللي تستوجب مراجعة الطبيب

صبحكم الله بالخير ياا احلى كويتيات

اول شي الله يكافينا شر هالعلامات وان شاء يتمم علينا حمالنا
بدون ما تمر علينا

اليوم قريت عن هالعلامات وقلت لازم افيد خواتي حبيباتي
ويكون عندهم علم مثل ما صار عندي

العلامات:
– ظهور بعض الدم المهبلي
-ظهور سائل ابيض مائل الي الأصفر بغزارة في المهبل
-تقلصات في اسفل البطن او الظهر تختفي ثم تظهر دوريا
-تورم الوجه والأصابع
-الم الراس الشديد
-دوخة عند الحراك وتغشي العينين
-تقيؤ مستمر
-قشعريرة وارتفاع في حرارة الجسم

وسلامتكم من كل شر

مشكوورة حبيبتي مااقصرتي ..

الله يبعد عنا هالاعراض ويتمم لنا حمالنا ياارب .

امين يا رب العالمين…

مشكووره

امبيه انا فيني عوار الظهر وحدة البطن
من اسبووع كل ماجيت بنام او انسدحت برتااح
اتعذب من هالعواار يستمر من ساعه ل ٣ ساعات
متقطعه وانوم نفسي غصب وانساه امس بغيت
افطر واكل مسكنات حييل شد علي؟؟

وسالفت الافراز الابيض هم بعد تووه طالع
فيني امس نزل معاي مره واليوم مره ؟!!

من حملت الحمدلله لا افرازات والا التهابات
بس هذا شي جديد علي

بنات انا بجرية وبنص السابع
شنوقصة هالاعراض وليش خطرة ؟؟

مشكورة حبيبتي على النصايح
وانا اضيف على كلامج بعد
اذا نزل الماي
وعدم الاحساس بحركة البيبي او كانت حركاته سريعة

الله يبعد الشر عن كل حامل يارب ومشكووره على المعلومات

الله يثبت حمل كل وحده ويرزقكل محرومه

بنات الافرازات بالحمال شي طبيعي لاتخافون افرازات بيضه او مائله للاصفرار
المهم مو معاها دم او حكه او ريحه
ومع الحمال تزيد الافرازات ولا تحاتون
انا كنت افرازات وايد وصفره وسويت مسحه ماكو الا العافيه ولله الحمد

ماقلتوولي ليش هالاعراض خطرة؟

شنو منه هالعواار؟؟

اروح الطبيب والا اطنش وانطر موعدي الجاي
٦/٩

حبوبه اذا عوار خفيف عادي لان الحوض قاعد يتوسع وزيتيه زيت زيتون دافي يروح
اما اذا عوار بالظهر وايد لازم تروحين يمكن التهاب بالبول او التهابات مهبليه لانها تسبب الاام الظهر
اذا عموماً موعدج مو بعيد عقب العيد روحي على طول لاتنطرين لي الموعد جدميه جم يوم

يا حوامل احرصو من الحراره والالتهابات لاني فقدت جنيني بهالسببين والله يثبت حملكم وقومكم بالسلامة وعوضني ،،،،

اهوا يشششد وبخف
وانا كل فترة اسوي فحوصات
الحمدلله مافيني التهاب

مادري خالتي ام زوجي تقول
من التعب من وقفت المطبخ وصلاة القيام

بس خلاص راحت الله يكتبلي الاجر فيها
ببدا اريح نفسي اكثر ولو اني كنت ناوبة ادبا
تجهيز عقب العيد بس خلاص باجلها شوي

واشوف الموعد الجاي شنو تقول الدكتوره

حبيبتي عادي انا بالسابع ونفس الشي وكلمت دكتورتي هذا عادي وبتوصلين لمرحله لما تدشين التاسع ما تقدرين تتقلبين وتحسين كأن سجاجين حسب كلام الدكتوره كل مالج الحين بتتفججين