علامات الحمل الأولى

شلو ن الوحدة تعرف انها حامل قبل لا تييها الدورة ؟
يعني شنو اهي علامات حدوث الاخصاب ؟

آنا بالنسبة لي هالشهر قطيت الحبوب والافرازات الله يكرمكم زايدة (شفافة وبدون ريحة)

ودي أعرف

وانه بعد ودي اعرف

يا حافظ وينكم

ما أظن فيه علامات وايد واضحة …..إلا بالتحليل …
و الإفرازات مو علامة ..يمكن تكونين مجهدة أو شايلة شى ثقيل فتزيد …او علامة نزول البويضة (بدون إخصاب) فتزيد الإفرازات عشان تسهل عملية نزولها …والله أعلم

مساء الخير
بالنسبه اللي صار معاي الم بالصدر مع تورم وعوار وافرازات بس خفيفه مو وايد والم باسفل الظهر

علامات الحمل الاوولي تختلف من جسم لي جسم

بالنسبه لي عوار نفس عوار الدوره يروح ويجي واحس بخمول وبلوعه ومالي خلق نفسي

لو تأخرت يومين او ثلاث مع وجود افرازات لونه شبه ابيض وافرازات تكون غريبه اهني اعرف اني حامل وانا
بكل حمالي لازم يحوشني التهابات مادري ليش وجسم عن جسم يختلف ترى وكل حمال غير الثاني بولدي الاولي حسيت انه الدوره بتنزل وكنت ماخذه احتياطي مع عوار بالظهر والبطن وكل شوي اقول بتنزل بس ماتنزل
ومع ثقل بالصدر وعوار عرج بريولي شكو مادري !
وبولدي الثاني كان عوار ظهر

انا باقي 5 ايام وايي موعد الدورة بس قبل جم يوم قاعده احس بلوعة وخصوصا الصبح لما اقعد حق الدوام ونفسيتي انسدت عن الاكل والحين ظهري ذابحني من العوار

وقاعده انطر موعد الدورة والله كريم

تيي ولا ماتيي ؟

السلام عليكم بنات انا بعد شاكة اني حامل وقاعدة تجيني الام غريبة بالظهر وافرازات بعد!!
وحللت منزلي امس بس طلع خط يااااااااااااااااااااااااااااااالله ينشاف هل معناته حمل؟؟

أنا بالنسبه لي كان عندي إحساس إني حامل حتى كنت أقول لرجلي بعدين حسيت بعوار بصدري ولوعة جبد من كل شي بعدين حللت إلا حامل

يختلف حبيبتـي
انا عن نفسي احس ان منسده نفسي ويحوشني مغص واحس بلوعه لما اقوم من النوم
اهني اعرف اني حامل
بس جربي حللي دم وبشريناا

بعد قلبي مشكورين على الردود ما قصرتوا

انشالله ياربي ولا وحدة منكم تييها الدورة وتطلعون حوامل وانا معاكم