علاج رووووووعة لشمم الأرحام

السلام عليكم بنات وكروشات

عندي لكم وصفة روووووووووعة لشمم الأرحام واللي اهو التهاب

شديد يحوش الرحم بسبة العطور القوية يعني نقدر نسميه حسااااسية

من العطور لأن شكثر ناس تعاني منه وناس ماشاء الله ماتضرهم العطور ..

أعراض الشمم :

لوووعة جبد ودووووخة مثل الوحام والام شديدة وثقل بمنطقة الرحم

سبحان الله تحسين ان فيه شي يشدج لتحت ..

شمم الحااامل خطييير :

طبعا الشمم يحوش البنت والنفاس والحاااااااااااااااااامل و خصوصا بالشهور

الأخيرة لما تكون مفتوحة 1 سم أو حتى أكثر

ومن يحوش الحامل سبحان الله تتعسسسسسسسسسر ولادتها ومايفتح الرحم

بسرعة وياها الله يبعد عنكم الشر ياااارب .. انا طبعا صارت فيني باخر ولادة

شفت الموت بعيوني والله والرحم وقققف على 5 سم مو راضي يتبطل بس

الحمدلله ربي فرج لي بفضل الاستغفار ودعوات أهلي .. الحين مقادير الوصفة

واللي ماتعرف أسامي المكونات تروح حق أي عطار بيعرفهم علطوووول

المقادير :

1 ملعقة كبيرة مرة مطحونة ( أحسن شي المرة الشقرا)

1 ملعقة كبيرة عنزروت مطحون

1 ملعقة صغيرة محلب مطحون

كبر حبة القهوة مقلة مطحونة

كبر حبة القهوة صبرة شقرا مطحونة

الطريقة :

تفوحين 2 كوب ماي مع المقادير وتخلينه يبرد بعدين تشخلينه وتحطينه ببطل

ماي وتشربين منه كثر صبة القهوة عالريج لمدة 3 أسابيع ..طبعا الخلطة مرررررة

بس اللي ذاق الويل من الشمم مثلي بيتحمل وبيشرب ويقووول كمااااااااان

لوووووووول ….

وسلامتكم وتسلمون ومااابي منكم الا دعواتكم الطيبة لي ان الله يصلح عيالي ويهديهم

ويرزقني برهم يااااارب

انا بعد وقف الرحم ع ٣ سانتي مع ان ماي البيبي نازل ساعه ٦ الصبح وماولدت الا ساعه١١ بالليل الرحم مو راضي يتبطل والطلق الي كان حامي وقف سبحان الله ماكنت ادري انه شمم
طيب شلون الحامل تشرب الشغلات الي قلتي عنها؟؟
مو مضره يعني؟

جزاج الله خير

مشكوره ويزاج الله خير

الله يسهل على الجميع الحمل والوﻻده يارب

مادري بس هذا مرض اول مرة اسمع فيه
العطور شكو بالرحم
ماعمري سمعت احد يشتكي منه و لا يابولي طاريه الدكاترة اللي راجعت عندهم

حبيبتي الوصفة هذي حق النفاس يعني بعد الولادة وبصراحة ماعرف شنو علاج شمم

الحامل وياليت اللي تعرف تقولناا

والله ياقلبي انا مايمر نفاس الا يحوشني شمم من العطور .. مرة بالأربعين حطيت

مسك القرشي والله لايوريييج حاشتني لوعة ودوخة وعيوني تزغللت وماارتحت

الا لما شربت مرة .. ومرة ثانية بخرت البيت بمعمول ورحت فيهاااا الحمدلله على

قضاءه وقدره .. عاد الدكاترة لهم الكتب وانا لي تجاربي وتجارب ملايين الحريم

مشكورامشكورا

بس الحامل مو زين تشربهاااا
خصوصا العنزروت

الوصفة هذي انا جربتها بعد الولادة فبصراحة مادري عن

الحامل اذا يصير تشربها أو لا .. بس أعتقد اللي مفتوحة تقدر

تشرب منها لأنها تنشط الرحم أتوقع .. واللي يحوشها شمم

الحامل تكون في كرب مايعلم فيه الا ربي سبحانه .. انا ظليت

اسبوعين طايحة بفراشي مادري شفيني حسبالي رد لي الوحام

والحمدلله على كل حال

لا إله إلا أنت سبحانك اني كنت من الظالمين

اب
اب

يعطيج العافية

ماقصرتي