علاج العقم في الخارج ؟

السلام عليكم ورحمة الله وبركاتة

بنات ابي اسالكم مافي احد سافر علاج بالخارج للعقم
وهل بواسطه لانهم رافضين علاج العقم بالخارج
وجربت اانا وزوجي بالكويت ومافي له علاج لازم برا ودكتور شاطر يشوف علته لان الخصيه ما تنتج بالمره
يارب فيدوني بنات على شان اقدم اوراقي للعلاج بالخارج يارب الله يقسم لنا الذريه معاد فيني صبر عمري كله راح صرت في الاربعينات وخاااايفه يارب لا تحرمني ولا تحرم كل ما اهو محروم من الذريه وتفرحهم يارب
وتسلمون اخواتي ويارب احد يفيدني

شدعوه 13 مشاهده مافيكم الي ردت لو برفع الموضوع جزاكم الله خير

اب حبيبتي
والله يرزقك اللهم آآآآآآآآآآآآمين

ليش موقفين العلاج بره عادي بس في شروط
وفي طاقم جاي برويال حياة

الله يرزقك الذريه الصالحة آمين.

عزيزتي للاسف حاليا لا يوجد ابتعاث مرضى لعلاج العقم بالخارج و لكن يتم تحويله لمستشفيات خاصة داخل الكويت و يكون العلاج على نفقة وزارة الصحة و ذلك بناء على اللائحة الاخيرة للعلاج بالخارج اللي صدرت في شهر 2 سنة 2024 , و لكن ممكن كل شي بالواسطة يصير لانه احنا بالكويت و لكن خاصة بموضوعج يحتاج واسطةقويية جدا جدا و في البداية المطلوب منكم طلب لجنة تخصصية عن طريق العلاج بالخارج و راح يحولونكم لمستشفى الولادة و هناك انا انصح انكم تدورون اللجنة اللي فيها الدكتور حازم الرميح و تدخلونها و لكن قبل موعد اللجنه بيومين روحيله انتي و زوجج و شرحوله حالتكم مع التقارير مالت المحاولات السابقة و ممكن ان يتفهم و يوصوي ان يتم ابتعاثكم للعلاج بالخارج و لكن حتى لو وافق تحتاجين واسطة جببارة للجنة العليا لانهم 99.9% راح يرفضون حتى لو حازم وافق بس اذا كانت الواسطة قوية وايد ممكن تمشي , بالنسبة لحالن زوجج انا اقترح عليج ان تروحون وحده من المستشفيات التالية : 1- New York Presbyterian hospital في ولاية نيويورك عند الدكتور بيتر شليقل و تكلفة العلاج كامل في حال بتروحون على حسابكم 55000 الى 60000دولار امريكي شامل الادوية و العمليات من غير السكن و المصروف و هذا موقعهم على الانترنت nyp.org ورقم الهاتف الخاص بالمكتب الدولي : 0012127464455 ممكن تطلبين منى او فرح او انيسة .
2- Colorado center for Reproductive medicine : هو الافضل بالولايات المتحدة ان لم يكن الافضل بالعالم بجميع التصنيفات و يعالجون جميع حالات العقم بعد الله سبحانه و تعالى و افضل نسب نجاح عنهم في امريكا ان لم يكن بالعالم كله و هذا موقعهم على الانترنت Colocrm.com و رقم الهاتف : 0013037888300 و تكلفة العلاج شاملة الادوية و العمليات من غير سكن و مصرف 30000 الى 35000 دولار امريكي .

طبعا بالنسبة للمعيشة نيويورك غالية و كولوراو ارخص منها بكثير يعني نيويورك الشقة ممكن توصل 3500 دولار شهريا اما كولورادو ممكن بالكثير 2200 دولار و المعيشة تختلف و عسى الله يوفقكم و يرزقكم الذرية الصالحة

تسلمون كلكم حبيباتي والله يحزاكم خير وما قصرتوا
وانا سويت على حساب الصحه بالكويت بس ما لقوا شي عند زوجي

اييييييييييييييه هذا الدكتور الي ودي اروح له احس علاج زوجي عنده والماده مامن ماده تساعدني على امريكا لازم على الدوله تسلمين فديتج واكيد الواسطه فوق كل شي والله يسمح امرنا يارب لاني خلاص تعبت حيل والله يجزاج خير ما قصرتي والله كريم

عزيزتي اول شيء الرزق من الله سبحانه و تعالى و الدكتور عبارة عن سبب الواحد يبذله هو الدكتور ممتاز بس في كثير كويتيين راحوا عنده وو للاسف مانت نتائجهم سلبية و للاسف بالنسبة للنتائج السلبية فهي اكثر من الايجابية عنده و خاصة الكويتين انا ما اقص اني احبطج و لكن بالمقابل اكو كذا حالة قالوا لهم بالكويت مستحييل تنجبون و انسوا موضوع اليهال و حصلوا حيوانات منوية عندهم عن طريق الدكتور و حملوا زوجاتهم انتي ادعي ربج ان اموركم تتسهل و خلي زوجج يبتدي بالفيتامينات التالية قبل الذهاب لامريكا :

1- فيتامين c . الجرعة 1000 3 مرات يوميا .
2- زنك . الجرعة 50 مرة واحدة يوميا .
3- سيلينيوم . الجرعة 100مرة واحدة يوميا .
4 – فيتامين b comblex الجرعة 100 مرة واحة يوميا .
5- فيتامين e الجرعة 400 مرتين يوميا او 800 مرة يوميا .
6-نياسين الجرعة 100 مرة واحدة يوميا .

خليه يبتدي فيهم من اليوم او باكر و يستمر عليهم من غير ملل لمدة 6 شهور او سنة و خليه يروح يسوي حجامة عند البناي و ياكل عسل من العويد .

حتى لو ما انتج طبيعي باذن الله راح يحصلون عنده بالعملية بس مثل ما قلت لج عزيزتي الموضوع يحتاج صبر و عدم ملل و تحمل لان ممكن السالفة تاخذ لها سنه او6 شهور و الله يرزقج و يرزق كل محرومة .

ما قصرتي اختي والله يوفقج والله اني استغرب الي يسافرون على حساب الدوله للعلاج واحنا ممنوع يالله الله كريم

عشووقه حبيبتي ماعندي اي معلومه عن العلاج بلخارج بس الحين زمن الواسطات اذا عندج واسطه تمشي المعامله الله يرزقج يارب بذريه الصالحه

الناس اللي انا اقولج عنهم كانوا رايحين قبل قرار وقف الابتعاث لمضى العقم او ان قراراتهم كانت قديمة قبل شهر 2 سنة 2024 الحين ما اتوقع انهم يدزون الا عدد قليل جدا و احتمال يكون عنده واسطة قوية نفس وحده من البنات هني بالمنتدى قبل فترة بسيطة تقول انها بتسافر بلجيكا و تقول ان شغلها كان بالواسطة .

الله يوفقج و يسهل امورج و يرزقج بالذريةالصالحة

امين يارب ويوفقج ويوفق الجميع

الله يرزقك يارب بالذريه الصالحة آمين

ام يوسف والله ما قصرتي ويعطيج العافيه فديتج ويا ليت ترسلين لي رقمج على الخاص ابيج ضروري