السلام عليكم … بليز حالة طارئة يعني لاتتأخرون بالرد عفيه
الحين بليل ومادري شسويلها .. ضايق خلقي 
اهي من فتره طلع لها بالمنطقة الحساسه مثل نفر متصل واحمر فكنت احطلها سودو كريم .. ماسوا شي جان اقوم اشتري لها كريم اسمه زنكاست من الجمعيه وحطيته لها جان يزيد وبعدين وديتها الطبيب ووصفلها كريم كينا كومب وللعلم في مضادات حيويه وكرتيزون .. وبودر ! واستخدمته حسيت خف شوي .. استخدمته يومين … واليوم بليل حفظتها وحطيتلها الكريم … عقبها بنص ساعه جان توسخ وانتوا بكرامه .. فغيرت حفاظتها وانا انظفها لاحظت في دم ينزل .. وكانت تبجي بعد قلبي لما احط على المكان ماي ..لما دققت ولا مثل اليلد متسلخ … حطيتلها سودو كريم ونومتها بدون حفاظه بعد مافحطت صياح
شسوي ؟؟ ضايق خلقي …
وديها الطبيب عادي والله يطري علي ولدي يوم كان صغير محفور حفر تخيلي
بعض اليهال السبب من نوع الحفاضه غيريه او وديه طبيب جلديه يعطيج غسول ومراهم
والله يشفيه وسعي صدرج التربيه هموم وشقا الله يعينا
مشكورة شهودة … بس الحين شسويلها ؟؟ البسها حفاظه ولا اخليها بدون حفاظه
استخدمى حفاظه ناركه لايبرو ممتازه للحساسيه
اقصد ماركه لايبرو
سوي بحث علي موضوع
بنتي وحساسيه البامبرز
وشوفي الكريمات
ياعمري ماتشوف شر ان شاء الله
خليها بدون حفاظه ولبسيها شورت قطن اذا عندها
وحطي لها كريم الفا كورت ممتاز بس كثريه
وان شاء الله ماتشوف ياقلبي كسرت خاطري
قططيها الحفاظه الله يهداج وغيري الحفاظ وباجر وديها جلديه او مستشفى خاص يعطونج غسول ومراهم
استمري على سودو كريم بس خليها تتهوى لما تغيرين لها طفي التكييف وخليها ساعة بدون حفاظة تالي غيريلها ولا تمسحينها بالمناديل المبللة على طول (استخدمي القطن والماي احسن) ونشفيها زين تالي حطي طبقة ثقيلة من سودو كريم …
ويمدحون النشا حييييييييل بس انا ماجربته ..
حبيبتى انا اقولج يا ما عانيت لين الله فكنى من الحفاظه مع منور
خليها بدون حفاظ حبيبتى و قومى الحين مثل الشيخة و يبي زيت زيتون و دهنيها و كل شوى ردى دهنيها و الحفاظ انسيه الليله و باجر
و باجر روحى الصيدلية و قوليلهم المشكله راح يعطونج كريم اصفر عصار و معاه ثانى ابيض تخلطينهم و تحطينهم على مكان الدم و عقبه كودى سودو يعنى عذرينى على الكلمة بس خمطى و كودى عليها و عقب لطابت خلطى سودو و فازلين و حطيه لها و غيرى حفاظج حق ليبرو و لا تحطين لها بودر مع الحفاظ ترى هذا اللى يوقف مفعول الكريم اللى تحطينه علشان تحافظين عليها و اختى نصيحه جان بنتج تتكلم قطى الحفاظ و علميها على الحمام تكرمين صج بتغربلين من التبديل بس اهون من الالتهابات
حطيلها كريم سيباميد مال الحفاظ وغيريلها الحفاظه وبعدين زين سويتي مالبستيها حفاظه ومن باجر الصبح وديها حق اي دكتور اطفال ودايمن غسلليها يعني لا تمسحيتها لما اتغيرين لها الحفاظه
مشكورين بنات ماقصرتوا … احس اليوم خف والحين مخليتها تتفرفر بدون حفاظه .. فطنتوني اني ماستخدم الكلنكس الرطب … بحطلها ماي وقطن
اللله يعيينج ,,,, بس غيري توع الحفاااظه … يمكن اهي مسببتلها الالتهاب … وعندج شي ينباع بالحواااي عجييييييييب اهو بودر برتغالي فسفوري قوليله حق التهاب اليهال انا مادري شسمه نسيت ….. بس انا جربته عجيب وحده بوحده حطيلها بليل وشوفي بار الصبح الفرق… وايد زين وماتشوووووووووف شر
شنو نوع الحفاضه يمكن ما يصير لها
نفس حاله بنتي لما غيرت لها الحفاضات من بامبرز ل دارلينغ يالله ارتاحت
استخدم لها لايبرو …. ان ورق عنب داشه بنك اختي خجوله هههههههه