|
|
السلام ان شالله تكونون باحسن حال ييارب
انا بقولكم سالفتي باختصار عشان ماامللكم واهي
انا متملكه واحنا من بدو الكويت وتعرفون السستم عندنا شلون ان ماشوفه ولا اسمع صوته الا بعد الزواج وتبون الصراحه احسن فكه لاحقين عالهم
المهم ابي اخذ رايكم فيه هو بقولكم
اهم اول شي اخطبوني انا واختي انا قلت مابي الحين بس اذا بعد سنتين افكر بالموضوع لاني ابي اكمل دراستي هذا الكلام كان بالتليفون المهم واختي وافقت دايركت عاد بعد جم يوم ياااو يا ابوه والي بيتزوج اختي والي يبيني مايا المهم قامو اخطبونا الثنتين وقالو اهلي ان الزغيرا ماتبي الحين قال ابوه عادي بس ملكه وبننطرها لين تخلص بعدها يسير العرس عاد ييت من الكلاس وقالولي وعادي ماعارضت هذا اول غلط انه مايا اوك
بعدها ياو اهله وطلعت لهم لانهم مايعرفوني ولا قد شافوني ولا مرا فقلت دامنا للحين خيشوفوني عشان مايقولون بعدين ماشفناها ولا شي المهم لما طلعت عينهم مانزلت عني احرجوني عاد طلعت دايركت
فلما ردو البيت يسولفون له عني كان يسكتهم وايقول للحين ماسارت حلالي وتوريه اخته صور الاوراق كان يعيي يقول لا بعدين انجرحت بصراحه من هالشي علا ان اهلي مدحو هالشي فيه
المهم وقت الاوراق مااوراق تعرفون السوالف هذي الي قبل الملكه ماكان يطق علينا ولا يسال معتمد علا اخوه بكل شي لانو ملكتي انا واختي مع بعض تخيلو كل شي اخوه الكبير يسويه عنه وعن اخوه ماتلحلح وتحرك الا يوم الفحص شفته وكان مدنق ومستحي وحالته حاله اصلا اهله كانو يقولون اخنه خجول وحياوي المهم يوم الملكه احنا تاخرنا عليهم عبالكم دق لا كلا اخوه المهم لما جينا قامو احجزولنا وخذو بطاقاتنا اهو عطاهم مادري شياخذون منها وجانا علاطول يرد البطاقه اما اخوه خلا بطاقة اختي معاه شوي انقهرت هذا يدل علا انه ماشافني قهرنيييي
عاد حلل وراااااااح دايركت قال مع السلامه وتوكل الله يحفظه لي ان شالله
اما اخوه تحس شخصيته قويه وواثق من نفسه حتى بعد التحليل مشى سيدا ولا كنه يشوفنا وراز عمرا اما رجلي ظهرا محدب من السحى
المهم وخلصنا بعد شهر من عنوة اوراق الدوام عاد تعرفون مايحتاج المهم في يوم الملجه لما ياا القاضي يشوف الاوراق عاد تييي الطامه الكبرا طلع ناسي الاوراق الي من شهر وهو يضبط فيهااااااا يلهههههههههههوي
عاد راح يابها وسارت الملكه والحمدلله
واهلي مايشوفونه وايد خصوصا هو عاد اول مرا يشوفونه فيها يقولون انه ساكت ومستحي وماتكلم
ها شرايكم شلون تحسون شخصيته خصوصا انه مايقربلنا ولا لي علاقه مع احد من قريباته كلش فقاعده علا اعصابي
الله يوفقكم ويصلح ذريتكم ويشرح صدوركم اللهم امين ليش انكم عطيتوني من وقتكم وقريتو موضوعي الطويل والممل شششششششششششششششششششششششششششششششششششششششششششششششششش شششششششكرا
وجعلها الله في موازين حسناتكم ويوفقكم لما فيه خير وسداد اللهم اميييييييييييييييييييييييييييييييييييييييييييييييي يييييييين
دعوتكم لي
وتكفون عطوني رايكم بصراحه عاااااادي ماازعل ولا انجرح بس لاتجاملوني تكفون
واحسه انسان يخاف الله . لان مارضى يسمع الوصف ..
اما سالفت ان نسى الاوراق هذي عادي .. في وايد ناس يطلعون وينسون اغراضهم
وإذا تزوجتو راح تحسين ان هذا طبعه
والله يوفقكم
الشيطان لادخل بالموضوع يخليج اتشوفين الايجابيات سلبيات
كل الي قلتيه ميزات وريلج مافي شي
الحيا حلو ومصيركم بتتعودون على بعض ويروح الحيا
واذا اعتمد على اخوه عادي واذا نسى الاوراق كل الناس ينسون مو مشكلة
وحمدي ريج على النعمة
بس تدرون احسكم رفعتو من معنوياتي هه
بقولكم السالفه الي خلتني اتوتر انه انتشر كلام انه كان يبي بنت عمه وهي تحبه ومن هالكلام وهالكلام انتشر بين البنات الزغار فماخذيته جد بس سمعته وحز بخاطري بعد بس شور انه مو مغصوب علي والي محيرني انه ليش ماخطبها طيب دامه يبيها علا قولتهم بعدها عرفت ان البنت ابوها قايل ماتاخذ الا ولد عمها فهنيه انا خلاااااااااااااص احس انه عشان جذي ماخطبها او يمكن تكون بس غيرت بنات والله مااااااااااادري ماني عارفه
شفتي هالمستحيييييييييي ومدنق رااااسه باجر بحيل الله بتشوفين جراءته ,الله يوفقج ويسعدج.
والله يوفقج انتي واختج ياااااارب
ثاني شي اختي ديري باااااااااااااااااالج من المقارنااااااااااااات ترا هي من الاسباب الرئيسية للمشاكل بين الازواج
وزوجج عاااااااادي يمكن صح هو طبعه خجوووووووول بالعكس ليش ما تاخذينه من باب ثاني انه ثقيييييييل
وبنت عمه ما اتووووووووقع لو صج كااااااان خطبها وخذاها والبدو احلى شي عندهم ا جا ولد العم يخطب على طووووووووول يعطووووون
وبعدين انتوا الرجااااااال اكييييييييد سألين عنه فلا تحاتين وتعوذي من ابليس وعيشي هاللحظاااااات الحلووووووووووه
وبكررررررره تتذكرين هالوساوس وتضخكين على نفسج
ادعيلي بالزوج الصالح
حبيبتي كل الي قلتيه عنه ميزات مو عيوب
وبالعكس احس حياوي ولا جريء
وبعدين اخوه يراجع بالاوراق مو مشكله مو لازم يكونون اثنينهم مع بعض شدعوه
وبعدين لانه صغير وهذاك كبير ويمكن بعمره ماراجع باوراق فأخوه تكفل بالموضوع
وبعدين حبيبتي منو الحين يتزوج بالغصب!!!
شيليهالامور من راسج واستمتعي ببهالفتره لانها ماتتكرر بالعمر غير مره وحده عيشي الللحظه وموفقه ياقلبي
والله يبااااااااااااارك فيكم ويعطيكم علا قد نيتكم
والله يكتب لج الزوج الصاااالح يايليل مطوووووووووول الي يكون طبق الاصل من زوجي هع
الله يوفقكم جميعاااااااااااااا
دعواتج لي بالزوج الصالح
ونصيحة مثل ماقالولج البنات لااااااااااااتقارنين جذي بتتعبييييييين حيل
ريحي مخج ورضي بما كتبه الله لك
وموفقة
و الله السالفه ما فيها شئ بس لا تخلين الشيطان يوسوسلج ….
و مبروك
الله يوفقج وييسر أمورج إن شاء الله ..
الوسواس والتفكير شي طبيعي بهالفترة أهم شي إنج تصلين استخاره وربي يكتب لج إلي فيه الخير ..
..
والله يوفقج ان شاء الله
و عسى الله يووفقج يا قلبي ..
أول شيء لا تبدين حياتج بالمقارنات ..!
لا تقولين ليش أخوك و ليش فلان ..
خلاص مالج شغل ..
أنتي شخصيتج مثل أختج ..؟ مثل رفيجتج ..؟
كلنا نختلف ..
و عادي آنا زوجي بيوم الملكة ناسي ورقة ضرورية هههههههههههههههههههههههه
دق على أخوه بالبيت و جابها ..
من الربكة عادي يصير كل شيء ..
و سووالف الحريم شبعانين منها ..
ابسرعة طلعوا سوالف و أفلام من الغيرة ..
لا تحطين ببالج بنت عمه ..
تلقين هم خاطرهم فيه بس ما خطب منهم ..
والله العالم ..
قطيعة نفس الي عندي ..
بس آنا أكثر من بنت يقولون خاطبها لوووووووووول
وكله جذب ..
فـ طنشي يا قلبي هذا كله من الغيرة ..
يكفي إنه اختارج من بين كل البنات ..