|
|
السلام عليكم بنات
شنو تتوقعون طرق علاج عصبية الريال الي علي اسباب تافه شلون الزوجه تقدر تغير من هالاسلوب الي عندها طريقه تقولنا 
والله ماعندي طريقه بس اذا شفته معصب ماشد بلكلام معاه واسكت موذيك السكته اللي تدبل جبده لاء اسولف معاه بهداوه
وامر وسم وياقلبي بس لاتعصب من نفسه يطخ ويتحسف وبس
وتقبلي مروري ياقلبي
وقت ماهو معصب
ولما يهدة حاولي تمسكين ايدة بحنية واتفاهمي معاه
وساعات يسوي من حبه قبه
والحمد لله كاني ماشيه مع طبعه الاقشر بتسأليني اشلون ؟ بجاوبج بكل اختصاااار
1 – امسك اعصابي واقول حق نفسي بدخل الجنه من باب الصبر ان شاء الله
2 – ما ارد عليه كلمه بكلمه واحط راسي براسه يعني اسمع واطالعه ويعيني كلها علامات دهشه واستغراب من الموقف من غير ولا كلمه
3- واذا بالغ بالاعصاب ادعي بصوت المسموع (( سلام وقول من رب رحيم )) هذا الدعاء عجييييب لطرد الشيطان
4- اناقشه في الموضوع عقب ما يهدا ويطخ من اعصابه
5- وساعات اشتغل عليه بدموع التماسيح عشان اكر خاطره
6 – اذكر بكلمة (( كما تدين تدان )) يعني مثل ما تسوي فيني تأكد ان خواتك راح يعانون نفس معاناتي لتأنيب ضميره
اسفه على الاطاله بس اتمنى اكون افدتج من واقع تجربتي حبوبه
الله يوفقج ويسعدج ويهنيج ويسخر ريلج لج
نبي السكوت اللي يبين انج تستمعين له وتخلينه يخلص ولما يهدا .. خليه بروحه شووي لو عساها نص سااعه .. بعدين
سمي بالرحمن واقري آآيات المحبه والخير .. ودشي عليه
وانـــــــــــــــــــــــــــتي مــــــــــــبتـــسمه ابتسمامه حناان .. ابتسمي وميلي راسج شووي على صووب على اساس انج حابه تكلمينه
وانج تحبينه وماتحبين اشوفينه معصب ..
بعدين الله يسلمج قعدي يمــه وامسكي ايديه واضغطي عليهم للي ما تحسين بنبض قلبه وقلبج في اياديكم ..
او ادا تبين حضينه حيل , وامسحي على ظهره وقولي له ماحب اشوفك معصب حبيبي ..
وتقدرين على هالوضع تفاتحينه بالموضوع وتتناقشين ويااه .. او انش تقعدين قباله وتجودين ايده وتتفاهمون
ونصيحه : لاتسكتين عن اي هوشه او مشكله وتاجلين حلها لبعدين لان المشااكل تتراكم حتى لو ابو الشباب سكت وسو روحه مو هامه وعادي الامر ..
بالعكس ادا لاقدر الله وصارت مشكله راح يعيد لج الحجي الا صار قبل وبتكتشفين انه ماكان راضي عليج ديج المره ..
من جدي حاولي انج تحلين المشاكل اول باول وياه وبطريقه حضااريه وتفاهم ودكتاتوريه .. بعيده عن الصراخ والصياح ( الا ادا استعدى الامر ) وعن الالفاظ القبيحه والاستهزاء
وناطره منكم دعواتكم لي بالخير والتوفيق
ام عبدالله
وحنا لازم انتحاشه ها العاصبيه عشان ماتزيد
حاولي تبتعدين عن الاشياء اللي تزعله
و اذا عصب
الصمت ثم الصمت
لا تراددينه وهو معصب علشان لا يوصل الموضوع للطق!
غالبا العصبي يكون سريع الرضا ومو حقود يعني قلبه طيب
وهذي نقطه لصالحه
والخوات ماقصرو بالردود
