|
|
عندكم معالج نفسي؟
و الله بنات أتكلم جد … تعرفون معالج نفسي زين و موثوق
مشكلتي إن ريلي مو نوعه اللي يدور الخراب
مشكلتي إن كل ما أطيح على ريلي يخون
أتتبع القصة يطلعون ربعه مالت عليهم مددلين على بنات اللذين
و على إنه الحين تاب و خلاص على عاف ذاك الطريج
ربعه مازالوا يطرشون له صور خلاعية
و واحد داز له بال بي بي .. تعال أزوجك مسيار فلسطينية بالجهرا
عاد أنا من القهر
كل يوم أبجي .. لأن كل يوم أشوف هالشياطين يطرشون له أشياء وصخة
هو يقول لي أنا ما تأثر فيني هالأشياء و أصلا ما أبطلهم
بس ما أصدقه .. يعني اللي خان مرة و مرتين عادي يصيرون ثلاث و أربع
غير هذا …. كثر الدق يفج اللحام
من القهر قمت أدعي عليهم جدامه ليل و نهار
يا رب توريني فيهم واحد واحد عجائب قدرتك
يا رب واحد يطيح مريض عمره ما يتشافى و الثاني يتزوج وحدة أردى منه لي درجة يربي عيال مو عياله
مو بس جذي عقب ما يصرف عليهم دمه يكتشف على كبر إنهم مو منه عشان صج يموت قهر
و الثالث يا رب يارب عمره ما يتزوج يعقد جذي معلق عزابي .. كل ما تقدم رفضوه لي يصك الأربعين و صاعد
يا رب .. لا تخلي أحد فيهم يتهنى بشبابه و خرب بيوتهم مثل ما خربو بيتي
آمين
و اليوم دعوتي كانت خطيرة
ما أدري طارى عرس الجهرا ببالي
قلت له / يا رب باجر كلهم بالديوانية مرة وحدة يحترقون و نفتك منهم
اللي يقهر يصحح لي
مو بس بالديوانية حتى بالدوام
جان أكمل دعوتي
و اللي بالدوام يا رب كلهم كلهم بيوم واحد
صج .. بديت أفقد
خلاص .. شوي و أين
كل الثوابت عندي اهتزت .. أحس كل شي جذب و ماله طعم
مو زين جذي و الله مو زين
شسوي؟؟؟؟؟؟؟
حرام يتزوجون سنعات ما يستاهلون
زين !!!
@@
يصير يضحك
أقرا اللي كاتبته فوق و أضحك
مو أقولكم صج ينيت !!
كل ادعي اللهم من اراد بي وبزوجي السوء فاصرفه اليه والهه بنفسه
وعليج بقيام الليل ترا دعاء الثلث الاخير من الليل شي عجيب
عسـى الله يبعدهم عنه ويفكهم من شره
انا ماالومج وحاسة فييييييج
بس انصحج
تدعيلة وتقعدين تتفاهمين معاة
على هالموضوووع
وتتفقووون على حل وتنتهي ان شاء الله المشكلة
والصبر والصبر
حبيبتي
والله يفرجهااا علييييييج
يااااااارب
الله يعييييييينج بعد عمري
بس لا تدعين عهليهم ترى ترد عليييج
قولي اللهم اشغلهم بانفسهم
رد كيدهم الى نحوورهم
واستر علي وعلى زوجي وعيالي
واكفينا شرهم
يارب يصبر قلبج
بعدين خلي ريلج يغير رقمه
ياخذ تلفووون كلش لا كامره ولا حتى مسجل
ذكريه دايم بالله دوري قصص الناااس اللي عصت الله وشنوو صااار فيها
الله يهديهم
ويهدي ريلج
ويصبر ج على اللي انتي فييييييييييه
ويكفينا شر انفسنا
اقري قرااااااان
يهدي نفسج ويريح اعصااابج
وينشر الطمانينه ببيتج وعلى قلبج
صج قهر ماتنلامين صج شي يبط الجببببببببببببببببببببببببببببببببببببببد
مالج الا هالدعاء (( اللهم اكفنيهم بما شئت،، اللهم ارني عجائب قدرتك فيهم،، اللهم من اراد بي وبزوجي سوووء اشغله بنفسه،، و رد كيده في نحره))
الله يكوووووووون بعونج ياقلبي
وترى وحده اعرفها تزوج عليها زوجها ودعت عليالريال الي شيشه بالسرطان ودارت الأيام وصار فيه سرطان ومات
وعقبال ربع زوجج لوووول بس صج مالومج يبطون الجبد
و على التفاهم .. يقول هذول ربعي ما راح أغيرهم
مو راضي حتى يبذل جهد و يتعرف على ناس سنعة
!!
يحياتي لا تسوين بروحج جذي صحيح شي يقهر بس الي عليج انج تدعين ربج انه يوخر عنكم الوساويس وبنات ابليس واصحاب السوء ودامي على الاستغفار هذا علاجج ان شاء الله ياقلبي ., والله يصبرج ويريح قلبج ,
بس حاولي تشغلينه شوي عن ربعه السوء
مالج إلا تدعيين أن ربي يحفظ زوجج
ويكف عنه الحرام ويغض بصرره ..
