عروسات تعالو شوفو هالفساتين الناعمه والراقيه للملجه والاستقبال

قــــــــوة حبيباتي العروسات
شـــلونكم وشلون التجهيز معــاكم
ادعـولي بالتوفيج أنا راده الكويت الاسبوع الياي حق ملجتي

المهــم نرد حق موضوعنا

كلنا نعرف انه العروس تحتاج وايد نفانيف ( فساتين) للملجه وبعدين الاستقبال وبعدين العزايم واليمعات بين الاهل والرفيجات .. وشي مهم يكون اختيارج للنفنوف مناسب على حسب المناسبة الي عندج
يعني حلاته باستقبالج أو اذا بتسوين عزيمه حق رفيجاتج واهلج بعد العرس انه تكون بدلتج نــاعمه .. كل ما كانت البدله ناعمه كل ما كــان شكلج أرقــى وأحــلى مع ميك اب ناعم خفيف وتسريحه حلوه واكسسوار بسيط تطلعين روعه ولو تشوفين صورج بالالبوم بعد عشر سنين ما تتحسفين على الشكل الي طلعتي فيه
هاذي فكرتي بهالامور ودايما اسوي جذي و فعلا ماشيه معاي الناس يعجبهم البساطه بس الرقي بنفس الوقت
يبتلكم صور فساتين حق هالمناسبات …. حـلوين وناعمين وانتو الي راح تحلوونهم طبعا يالله شوفو معــاي :
نبلش بالنفانيف الطويــله

عجبني هذا المخطط ستــايله مو دارج وحلو معاه الحمرة الحمرا واكسسوار الماس او فضه والابيض الي يمه تخيلت معاه حمرة ورديه وشادو زيتي او ذهبي وايد حلو

وهذول نفانيف قصــيره وايد عجبوني احب الالوان الفــاتحه:

شفتوهم شـلون ناعمين بس بنفس الوقت راقيين .. انتي تحلين النفنوف بال اكسسوار والتسريحه والميك اب والشوز وكل ما كان الفستان ساده وفاتح يصير احــلى معاه الميك اب الغامج والعكس اذا كان الفستان في وايد شك وتفاصيل الميك اب لازم يكون هادي وفاتح وتقدرين تستغنين عن الاكسسوار اذا كان الفستان في وايد تطريز .. وطبعا كلنا نعرف انه الفستان القصير يطــول البنت ف اذا انتي قصيره وودج تطلعين أطول لبسي قصير راح يطولج …
طبــعا هالمره يبتلكم نفانيف من محل موجود بالكويت عشان أحس اني صج فدتكم هذول كلهم من BCBG وموجود بمجمع الرايه بالكويت …
شــاركوني بآرائكم ….

الله يوفقج حبيبتي وانشالله تطلعين احلى عروس
انا دايما هذا رايي
ان الملابس كل ماكانت بسيطه وناعمه كل ماكانت ارقى واحلى

يعطيج العافية
بس الموديلات مو باين انها حق عروسه توها

حنـــاين
مشـــــــكورة بعد عمري على المشاركه ورايي من رايج كـــلج ذووق
الحزن مخاويني
يســلمو علمرور بالعكس حبوبه الموديلات ناعمه حق العزايم والاستقبالات بعد يعني تخيلي نفسج مع التسريحه والميك اب والاكسسوار راح يطلع وايد راقي وفخم لا تعتمدين على الفخامه بالبدله بس في اشياء ثانيه تكمل اما اللبس حلاته يكون هادي وناعم

في احلى حبيبتي

يعطيج العافيه

بس موستايلي احسهم واااااااااااايد ناعمين

نــــــــــــــورتو حبيباتي

يعطيج العافيه

مشكوره حبيبتي

والله يعطيج ألف عآفيه …~َ!

يسلمووووووووو
في محل ثانيغير اللي بالرايه ..؟

الله يوفقج ياقلبي

واايد احب الناعمين وتسلمين ياقلبي ماقصرتي

mashallah althoug 3ajeeeeeb
7ail na3meen w kash5a nfs alwgt
allah ytmm 3laich enshallah :**
etha chthii brd alkuwait ana ba3ad 3shan a7’6er mlchetch

الله يوفقج

والله ياقلبي احسهم مايصلحون لعروس اوكي بساطه ونعومه بس مو مره وحده الوحده تبي تلفت الانتباه احسهم مايناسبونا وارجع اقول الناس اذوووواق