|
|
مرحبا عرايس
انا الاحظ بحنان دشتي كل عرايس يطلبون نظاره
شنو هو يعني يسون ابره ولا كريم نظاره ولا شنو؟ واذا ابر غريبه شلون يمدي وتشوه وجهها وودم وهي عروس..
اخاف مو زين نفس الفنانه السوريه الي خرب وجهها وتشوه سونيا
وودي اسوي ابر نظاره بمكان زين
لان جربت عند ميسون ابوشاويش الي بيلا كلنك ب150 وخرطي
مر اسبوعين ومامن نتيجه وقصت علي مبلغ كبير وخرطي الله يسامحها
فتنصحوني شلون ابي بشرتي نظاره شلون
انا بشرتي زينه بس ابيها نظاره لان باهته بليز
اب
كل اللي طقو ابر تبييض ونضاره مانفعتهم بشي
كله خرابيط و خساير ع الفاضي
نصيحتي لج اهتمي بأكلج الصحي و حافظي ع جسمج بالخلطات الطبيعيه و شوفي الفرق
بلا عيادات بلا بطيخ :/
موفقھ ;*
بس يا بنات السلطه وما ادراك ما السلطه!! جد يا بنات مرت علي فتره كنت مشتركه بنظام غذائي كان مع كل وجبه سلطه وكنت اكلها من الجوع هههه
بس صج بسرتي صارت حلوه و خدودي حمرت! !!!!!!!!!!!!
بس الحين ما صرت اكل سلطه وردت بشرتي خربت (:
كل يوم اكلي سلطه على كل وجبه و بتشوفين الفرق. .
و اذا على الابر مفكره اسويها و هم نفسج محتاره وين اسويها! ! بروحها الميزانيه لج عليها هالنوب اقط فلوسي على شي ما منه نتيجه!!
انا مرة سمعت دكتورة بالراديو تتكلم عنهم .. تقول يظلون فترة بسيطه و بعدين تخترب بشرتج و تصير باهته
وقريت عنهم اكثر من بنت مجربتهم هم قالت نفس الكلام
صح اول ما تغزينهم تفرقين على بشرتج و كل من يسألج شمسويه
بعدين تترادى بشرتج و تصير اردى من اول و يصير شكلها تعبانه
ف انصحج تغيرين نظام اكلج لان اذا تبين تعالجين اي شي في جسمج لازم تصلحين الاساس مو بس القشره علشان يدوم
و تبين الصراحه ..
كل شي بالجينات لووول
والله صج ماشالله ساعات تشوفين اللبنانيات و حتى الفلبينيات ويووهم تلق تلق و اهما مو مسوين شي
كله جينات
ف لا تتعبين نفسج هههه
بس العنايه راح تساعد اكيد يعني
فقط لاغير
ابر نظاره لا تسوينها بصالون عندج الكويت متروسه عيادات
بالعكس تعطي وجهج رونق ونضاره وانتفاخ بسيط ماشاء الله روووووووووووعه والكل راح يلاحظ
انصحج لا تطوفينها اذكر سوينها ب 35 دينار
اضمن لج الامبولات اذا تبين