عادي اوكل ولدي بدايه الشهر الرابع وشنو اوكله

عادي اوكل ولدي بدايه الشهر الرابع وشنو اوكله
يليت تفيدوني حبايبي لان ولدي ضعيف وابيه يمتن

حبيبتي وكليه تفاحه بس اخذى بالقفشه من التفاح ووكليه

واهرسي له بطاط اشوي او موز لا تكثرين منه عشان الامساك

اي شي عندج بس علي خفيف لا تفولينه لانه معدته ما تتحمل

وكثري بالفاكهه انا قبل كنت اخلط بالخلاط حق عيالي ربع برتقاله مع تفاح ربع بعد وموز ربع موزه

واحط معاهم البسكوت المدور مال اليهال نسيت اسمه

واخلطهم كلهم مع بعض واحطهم بصحن واوكله بالقفشه ..

وعسى الله يخليه لج ان شاءالله

مشكووووره ويعطيج الف عافيه يالغاليه

أنا مثلك حبيبتي بنتي لسا فأول الشهر الرابع بس الدكتور قال لي ما اوكلها للشهر السادس .. اذا تبي تمتنين ولدك ممكن تعطينه حليب سيميلاك هذا يمتن و هو مخصوص حق اليهال ناقصين الوزن و الخدج أما تحت الست شهور الأكل مو زين حبيبيتي و الله يحفظلك ولدك و يسلمه

مشكوره يالغاليه

حبيبتي لسه صغير لا توكلينه سويله شوربه خضار اسلقي بطاطس وجزر وملح وفلفل ودبه وبعدين اطحنيهم ووكليه اياه لا توكلين شي قاسي بس سوائل ولسه صغير ما يبنات اذا نحيف اول لا

الدكاتره كلهم يقولوون لين السادس .. والله هذا احنا وكلنا عيالنا الحمدلله ما فيهم ال العافيه .

انتي اهم شي لا تكثرين عليه الاكل يا قلبي خليه علي خفيف بس يستطعم جم لقمه يعني ..

يعطيكم الف عافيه حبايبي

اثبتت الدراسات ان الاكل للطفل قبل الشهر السادس يسبب انواع من الحساسيه ممكن تصيب الطفل طول عمره

حتى الاكل اللي بالجمعيات تغير كله الى 6 شهور

ابدي ب الشهر السادس

اول 5 ايام سريلاك رز

عقب 5 ايام ابدي دخلي وجبه ثانيه اللي اهي الفاكهه ( تفاح – عرموط – خوخ ) كل يومين دخلي نوع يديد

ليش كل يومين نوع عشان لا قدر الله لا صار حساسيه الا انتي عارفه شنو النوع اللي سببها

بعد 5 ايام ابدي دخلي وجبه ثالثه اللي اهي الخضار ( قرع — بطاط – كوسا – جزر )

ونفس الشي كل يومين نوع يديد

انا كنت اقصصهم مكعبات وبالفريزر

واطلع كل يوم اسلقهم وبالخلاط

الممنوعات : القمح – الموز – الحمضيات

وبالعافيه

يعطيج العافيه

الله يخليه لج

دايما اذا تبين تبلشين ابدي بالخضار المسلوقة

عندج البطاطا الحلوة والقرع والجزر والكوسا افضل شي

او شوووية سيريلاك مع عصير برتقال بدال لاتحطين الماي

والفواكه لاتبلشين فيها الا لمن يدش بالشهر السادس

واذا تبين تستفادين اكثر عندج كتاب ريم قنواتي عن اكل الطفل .. في وصفات من الاشهر لي 12سنة
يهبل ومعلومات روعة وماتحتارين بالاكل