تخطى إلى المحتوى
الرئيسية » عااااجل . تصحيح العمليات الجراحية

عااااجل . تصحيح العمليات الجراحية

السلام عليكم ورحمة الله وبركاته

صبحكم الله بالخير / مساكم الله بالخير

شلونكم كويتيات شخباركم .. يريت تساعدوني حيل مغموته ومتضايقة

انا بشهر 6 من السنة 2024 قمت بعملية تحويل مسار وزني كان 140
طبعا مع الوقت نزل وزني ولله الحمد لين ما وصلت 95 قبل سنة بالضبط الي اهوا شهر 4-2011
طبعا من هذاك الوقت ليمن الحين وانا مانزلت شيء انزل كيلوين واصعدهم انزل واصعد

قبل شهرين او ثلاثه تقريبا صارت فيني حالة نفسية ما قمت اكل كلشش ونزلت صرت 90
بس لا يخفى عليكم التعب الي تعبته والدكتور الله بالخير يقولي عادي

والحين انا رجعت صعدت ووصلت 92.4 والوزن الطبيعي لطولي الي اهوا 168 يكون 70
فالحين انا باقيلي 22.5 كيلو تقريبا !!!
انا سويتها عند د. موسى خورشيد بمستشفى الهادي ودايمن يطمني عادي وطبيعي

وانصدمت بوحدة مسويتها عند د. الجارالله بالهادي بنفس وقتي وزنها تبارك الرحمن 68 خليجية

!!
الله يتمم عليها يارب وطبعا انا معاها سويناها بنفس الفترة
بس جنها قبللي بيومين على ما اعتقد ووزنها كان 138..!!!

المهم قالولي ان العملية محتمل ما تكون ضابطة 100% وان ممكن تسوينلها تصحيح
ونصحوني بدكتور الجارالله وهمن دكتور ميشيل جانيه بالسيف

شرايكم بالدكتورين وهل في بنت مسوية تصحيح للعملية
يعني كانت نفسي وما نزل وزنها وسوت التصحيح ونزل وزنها

يريت تفيدوني وسامحوني على الاطالة الله يباركلكم بوقتكم يارب خليجية
ومشكورين على الرودو ويريت ترفعونلي الموضوع

سامحوووني على الاطالة … احبكم ويريت تساعدوني خليجية
انا فعلا بحاجتكم كويتياااااات خليجية

والله ماعندي فكره عن هالموضوع …..
بس ماحبيت اطلع بدون لا ارد عليج
up up
فديتكم
ربي يرفع قدركم ياااااااارب

منتظرين خبرات البنااات

انزين شلون كمية الأكل معاج ؟؟ من أول العملية كنت تاكلين وايد ؟؟
يا هلا وغلا يالغلاا

لا والله بالعكس اكلي شويه

وبحكم دوامي لين ال٤ ما اكل

بس للامانة اخربط كاكاو بس مو وايد

مادري شسووووي يااارب وحدة تعرف وترررد علي

اب اب اب

شوفي حبيبتي لازم طبيب يساعدك يحدد سبب عدم نزول الوزن .. يعني من الجراح ولا من طريقتك بالأكل أو نوعية اكلك .. عالعموم نصيحة أخت لا تروحين لأي جراح ترى منهم مستعدين يطبون ببطنك علشان الفلوس .. نصيحتي روحي للدكتور أسامة الصانع برويال حياة
صباح الخير

فديتج ما تقصرين يالغالية

انا الي قلت بروح حق د. ميشيل جانيـــه بمستشفى السيف

وان شاء الله بشوفه شنو يقولي خليجية

لله يسهل يارب ..

بس معقولة ماكو احد يعرف احد مسوي عملية تصحيح للعمليات الفاشلة ..,,,’’’؟؟

طبيعة تحويل المسار صعبه انج تسوين عمليه فوقها علشان تصححينها عكس التكميم ، علشان جذي نادر ماتشوفينها تتسوى بالكويت و بره الكويت
نصيحتي انج تلتزمين ابنظام غذاءي تطيحين فيهم الكيلوات الباجي بس اذا مصممه تشوفين دكتور عندج الدكتور محمد الهيفي.
والله يكون ابعونج خليجية
فديتج ماتقصرررين حبيبتي

انشالله باخذ موعد عند د. ميشيل بالسيف واشوف
مشكورة يالغاليه

مشيل جانييه؟؟

موجود بالكويت لان اهو كان زائر؟؟ اذا موجود انا معاج اكييد روحيله لان رائد هالعمليات ماراح تحصلين احسن منه

خليجية موفقه اختي

الله يوفقك أختي ويا ريت تقولين لنا شنو صار معاج
روحي الدكتور خالد العنزي بالاميري كل ثلاثاء موجود شوفيه شيقولج
وموجود بتويتر سأليه ويجاوبج
واعتقد وزنج يزيد من اكل الككاو ماتاكلين شي بس ككاو والككاو بروحه دسم شلون بتنزلين؟؟؟
لازم رجيم ورياضة
ررررررررررررررررررفع لعيووونج
اقتباس:
المشاركة الأصلية كتبت بواسطة دال.الكويت خليجية
مشيل جانييه؟؟

موجود بالكويت لان اهو كان زائر؟؟ اذا موجود انا معاج اكييد روحيله لان رائد هالعمليات ماراح تحصلين احسن منه

خليجية موفقه اختي

حبيبتي د. ميشيل موجود بالسيف ليمن تاريخ 21-04 وراح يرد بعد شهر تقريبا
وان شاء الله بروح وبشوف يارب سهالات خليجية

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.