ظواهـــر سلبيــه في العروووس !!! .دعوه للنقاااش حياااكم ^_^

0
0
0
0
0
شلونكم بنات

بصراحه في موضوع ودي اتناقش فيه معاكم واشوف ارائكم

ظاهرة العرايس اللي تشتري لها نفنوف لايقل عن الالف وطالع ..!!

يعني العروس تشتري نفنوف على الفين دينار او 3 الاااف والمشكله فيه بعــضهم تأجره بهالسعر ؟؟

الحمدلله كلنا عندنا خير ونعمه ونقدر نشتري بهالسعر بس السالفه انه حرااام وتبذير ..,,

لاتقولون لي ( البدله فخمه وتستاهل ) ( هذا الموجود بالسوق ) ,, والله ماخرب المصميين وطير اسعارهم الا بعضكم صراحه ما يحسبون حساب لشييي
يعني تجي وحده تقول ماااااااااااااهمني السعررر اهم شي البدله ؟؟.!!!

وياليت الاخت اللي تشتري بهالسعر يكون مستواها دايما جذي يعني دايما لبسها ضارب بالعلالي ولاشفتيها بعد العرس بشهرر لبسها اقل من العادي او من مشاغل وخامات تشييب ( عاد المشاغل هذه سالفتهم سالفه ) ماعلينا مانبي نطلع عن صلب الموضوع
اشياء واجد سلبيه في هالسالفه اولها الرجال صدقيني لو يدري قاطه على البدله الفين بينصصصصصصدم ….يبا ماهان تبارك .. وما اقولكم اخذوا شي تشييب او خاايس

والله المسأله مسألة ذوووق وصح هم السعر مهم لكن بشي معقووول

في وحده اعرفها تقووول عاادي اقط هالسعر مايهمني لاني راح اأجرها ورا عرسي واستفيد من وراها ,,,؟؟؟ وانتي اشدراج بالله ما تأجرت وطاحت بجبدج
ووالله اشوف بدلات على 3 الاف حق العروس ووالله ما تسوووووووووووى سعرها حراام شنو هذا ؟؟!!! ادري الناس اذواااق بس مايسوى … تور ومقصصينه ودانتيلات شنو الشي الغالي او الغريب فيه ؟؟ مركبين المااس مثلاا ؟؟

وسالفة ثانيا بعد: التصوير ؟؟!!!!!!!!!!!!!!!!!!
تصوير العراايس على 1000 و900 ؟؟؟!!
صدقوووني اعرف بنات واااااااااااااجد مايهمها التصوير كثر ما يهمها السعر عشان تتشيحط او " تهايط " عند رفيجاتها …" والله تصويري الفلاني.. او تصويري الفلنتاااني
التصوير حلووو يكون فيه حركااات ويكون ذررب وكشخه بس مو بهالسعررر يعني مايصير حلوو الا لاضرب بالعااالي

سالفه ثالثه

الكشاشه خخخخخخخخخخخخ هذه عاد سالفتها سالفه

اول شي تعريف مصطلح الكشاشه حق بعض اخواتنا العزيزات

الكشاشه : تكون وحده او ثنتين يحطونهم اهل العرس ينظمون عرسهم ويرتبون الحريم ويقعدونهم على الكراسي وتكون من
جنسيه عربيه او من بعض الممثلات خخخ

ليــش يعني هل معازيكم همج ؟ سووري على اللفظ بس صراحه شي يبط الجبد تشوفينها تصاارخ وتنظم الحرريم ومادري شتسووي ؟؟ يبا اكيد الناس بيقعدون بالكراسي .. وحريم كبار مو جهاال …تنظيم العرس يكون بالبطاقه ممنوع الاطفال والكاميرات وخلاص حطيلج مصريين عند الباب اللي مامعاها بطاقه مااااتدشش واللي معاها جاهل هم ماتدشش كيفها هذا تنظيمنا ؟؟! صح او انا غلطانه
طبعا عروس ناس اروح لهم بفنادق وذربين بس اللي يخرب عرسسهم هالكشاشه خخخخخ

وسالفه اخيرا <<< بسج تراج قرقتيهم

اممممم سالفة جديده الحين طالعه وهابين فيهااا تلبيس الصالات ؟؟!!!

يعني الناس اللي ما يلبسون الصاله يصير عرسهم وووع ؟!!!!

اوكي التلبيس حلوو بس مو شرط اساسي اني البس الصاله

والله تكاليف العروس كل مالها وتزيييد وتزييييييد والمشكله تتشكون من المصاريف وياليت الدوله تزييد وياليت فيه زيادات ومادري شنو؟؟؟اي شوفوا الخرابيط اللي تقطون عليها فلووسكم

بــس والله احس الكلام مو مرتب بس ياليت تتضح لكم الصوره واللي اقصده من الموضوع واتقبل كلامكم بصدر رررحب

مشكوره ع الموضوع الحلووو

كنت اتمنى من زمان نفس هالموضوع عشان يصير فيه توعيه بصراحه برا النت مافي توعيه ياليت بالنت نوعي البنات

الحين تشوفين بنات عمرهم 22 و23 مطلقاااات

والسبب … غرتهم مظاهر الدنياااا

عبالهم العرس تجهيز وتصوير ولبس وتشري

بالعكس ياما بدلات عروسات شفتهم مايتعدون الـ900 وفضيعه وفي بدلات والله مفصلتها او مأجرتها بـ3 او 4 الاف

بس قمممة الهلاقه

عندج ذوق؟؟ … والله مو مهمه الماده لو تشترين بدله بـ 200 دينار بتطلعين احلى عروسه

وبالنسبه للكشاشه .. ياما صارت هوشات بالعروس والسبه هالكشاشه علي قولتج

وتلبيس الصاله شي عادي بس مو ابالغ واقط ماوراي ودوني عشان خلاقين اعلقها ع الطوفه

ازين الكراسي والممرات وكل شي بس بسعر معقول

مشكلتنا يا اهل الكويت الجـخ والجيب فااااضي

طيب شحادنا ع المظاااهر هذي

شنو بيزيد فيج لا قالو عرس ام فلان حلو بيتغير اسمج؟

وصدقوني اول يومين من العرس بيسولفون بعدين بينسون اخر همهم انتي وخسايرج

<< — قرررررقه سوري :$

بس صج منقهره كل مالنا وتفكيرنا يصير دوون

وماهمنا الا المظاااهر وفلانه سوت وفلانه حطت