ظاهره منتشره استغفر الله العظيم بينكم يالمتزوجات .

بسم الله الرحمن الرحيم

هذيل بنات مو شايفين خير انا متزوجة بس الصراحة اغار على زوجي وجذية وسمحولي بالكلمة اللي بتسمع سوافي بتخيل على زوجي من كلامي عنة فمستحيل اسويها

صاجه

وانا دايم اقول المفروض البنات

ما ادش هالمواضيع

لان ما في رقابه على اللي ينكتب

قلة عقل وتربيه وماكو وازع ديني للأسف

والله كل كلامج عدل

عندنا وعندج خير ومنتشره حيل يارب استر علييينا

اللي يبط جبدج البنات اللي قاعدين معاها وتسحب في هالمدمغه ولا وحده تقول كلمة حق وعلى بالها ماكله الجو بسوالفها

وبالاخير ترا لا يحترمونها لا يحترمون ريلها … مكشوووفه ع العالم

وشبها الرسول الكريم صلى الله عليه وسلم (مثل الشيطان لقي شيطانه في طريق فغشيها و الناس ينظرون .).

يعني كانها اهي وريلها بوضع خاص بالشارع اشكرة جدام الناس

اللهم لاشماته الله لا يبلينا ويرفع عنهم

وهذي ورده مني لج لانج قلتي كلمة حق بويهااا ولانج نزلتي هالموضوع الحلو

أستفغــر لله ولله عييب اللي تحـــت اللحـــاف المفروووض مايدري فيييه الا لله وماله داعي كل هذا مافيه الا تفتح العيووون

استغفر الله اي والمشكلة تسوي جذي بعدين تقول عطوني عين وقامو ما يحبوني ما اقول الا استغفر الله العظيم

لا عاد مولهدرجه انا اذا اتصل زوجي علي على طول اقوم مستحييل اقول شي جدام احد حتى اهلي استحي منهم …

استغفر الله يااربي .. الحمدالله اللذي عافانا هذوول بنات موشايفين خير ومومصدقين انهم متزوجيين ..

صح لسانج بكل اللي قلتيه

اي والله صاااجه
الله يهديييييهم ان شاءالله

أنا مؤيدة لج

في أسرار زوجية عيب نتكلم فيها

بس البنات الله يهداهم

الله يهديهم بس طبعا مو الكل يسوي جذي وهذا من التربيه والبيئه تاثر طبعا

له كوووم وسبيكر وقولي كلام حلو كوم ثاني … !!!!
شكو اشهشفاحه !!! الشرهه على الريال اللي يقولها حجي حلو ويدري إنه سبيكر
عاد اتصدقون يا بنات .. أكثر اللي يتكلمون ويمثلون إنهم هيمانين في بعض وعايشين نفس روميو وجوليت
عندهم مشاكل
وقاعدين يعوضون النفص اللي فيهم جدام الناس
عن تجربه صارت لي ريلي السابق جدام الناس كان طاير فيني وبس يمسك ايدي ويلمني بالمطاعم والأماكن العامة يوكلني وساعات يلمني وإحنا قاعدين نمشي ( كنت أستحي وأفتشششل) و اللي يشوفني يحسدني على اللي آنا فيه
وبس يتسكر علينا الباب يعطيني ظهره وينام ولا يدري عن هوى داري
حلاته كل شي بينج وبين ريلج ما يطلع عن حدود غرفه النوم
واللي يسوي غير جذيه معقد ومريض ومشفوح

اي عادي هالايام كل شي صار مو حرام لدرجة ان صار مافي فرق بينا وبين الديانات الثانيه الي تحلل كلشي

في وحده سمعتها تقول انها تشوف افلام اباحيه مع زوجها..قلتلها حرام ..جان تقول ريلي راضي وعادي عنده؟؟؟

الظاهر ان الريل اهو الي يحرم ويحلل هالايام مو ربنا..استغفر الله..

اما عن سوالف المتزوجات فكل شي صار عادي ينقال والمشكله انهم بنات اصغار والحريم الكبار يتكلمون جدام اعيالنا الصغار طيب الياهل بيتعلم وبيفطن اشوي اشوي ولا في حيا والمصيبه لي قلتيلهم هالكلام عيب ازعلوا!!!