طول الصيف احاتي بكل قلق وخوف .؟؟؟

السلام عليكم ورحمه الله وبركاته ……..

صباح الخير …. مساء الخير …
والله احبكم كلكم وانا ابكتب الموضوع لأني احبكم وابي منكم كل النصح والأرشاد والتشجيع بليز
انا السنه الجايه بروح رابعه ثانوي ادبي والحمد لله بس حدي خايفه لأني ناويه بأذن الله اتفوق
السنه الجايه بس اللي مخوفني اني ولا عمري بحياتي تفوقت حتى اولى ابتدائي ما تفوقت فيها وانا من اولى متوسط وانا احاول اتفوق بس عجزت
تدرون ليش والله انا ما فيني نقص قدرات ولا شي بالعكس حيل ذكيه واحفظ بسرعه ودايما احط في بالي اتفوق بس اول اسبوعين اكون اشطر وحده بالصف بعدين اطخ ما ادري شنو اللي يغيرني في ابلات يستغربون ويزعلون ويكلمون امي لأ بنتج كانت من اشطر البنات عندي بالصف ليش تغيرت بس حيل اتكاسل بالدراسه وعمري ما كنت اطبق هالشي اني ادرس يوميا كنت ادرس يوم الأمتحان وعلى الله السلام
انا ابي اجيب نسبه 99 او 100 لا تضحكون انا بكسر كل عبارات المستحيل ابيكم تنصحوني خصوصتا ان ما عندي خلفيه كلش بالقواعد وانتوا تعرفون انها تراكميه فودي ادرس قبل لا تبدى الدراسه طوول العطله وانا بقلق وخوف الله ايسر ان شاء الله آآمين وادعولي بليز
ما بقى الا شهر وابي نصايح ومشكوره اللي بتشجعني وانا لا خلصت السنه ببشركم

شدعوه ولا كلمه وحده ؟؟

حبيبتي ذكرتيني فيني لمن كنت بالمتوسط والثانوي …
كله اشد حيلي اول الايام واقعد جدام وحالتي حاله بعدين اطخ هههههههههههههه
تدرين شسبب؟ لان نضغط على روحنا اول شي بعدين نتعييز ..
الحل انج تحددين وقت ولاتضغطين على نفسج سوي شي بسيط وخليه دووم تسوينه وماياخذ وقت قسمي وقتج ..
يعني اول ماتردين تتسبحين تتغدين اذا تبين تنامين .ساعه تقعدين تفتحين كتبج تحلين واجباتج اول شي وبعدها تراجعين الي خذيتوه واذا في حفظ حفظي علشان لا يتراكم .. وحضري حق الدرس الي بتاخذونه حتى لو ماعليج هلماده باجر وبس كل هذا ياخذ ساعه او اقل .. وبس سكري كتبج وعيشي يومج وعادي لاتضغطين على روحج علشان لاتملين وطخين ,…والتزمي بصلاتج والله ترا اهيا الي توفقج .. وذكري الله واتكلي عليه والله يوفقج انشاء الله

لا تقولين ماكو شي مستحيل
خلي ارادتج قويه و بأذن الله كل شي بيصير
شدي حيلج
خلاص بس باقي هالسنه
حطي كل قوتج فيها …
هالسنة اهيا اللي راح تحدد مصير حياتج حطي هالشي طول الوقت في بالج

يسلمو بنات على المرور ونستوني ببجي

احب اشوووف ناااس طموحه مثلج…..تبين 99 ؟؟ ليش لا مافي شي مستحيل اذا الاراده موجوده

اهم شي تحطين هالهدف بين عيونج وان شاء لله بتحققينه لانه غيرج سوواه وحققه

بالتوفييييييييييييييييييييييج ان شاء لله

آآآآآآمين احققه وانا كلي أمل يا شغف وبتوكل على الله سبحانه وتعالى
وتسلمين لي دمتي بود حبوبه الله يوفقنا كلنا

ابي بعد تشجيع وينكم يا حلوات

اب اب اب اب اب اب اب اب اب اب

حبيبتي ماشالله عليج كافي هالارادة اللي عندج

نصيحة حبوبة لازم تقسمين وقتج وتسوين لج جدول <<< نصيحة مجرب

والله يعكيج على قد نيتج

يسلمو ووو حبوووبه نورتينا والله ما قصرتي
هذا اللي بسويه والله يعين

حبيبتي شتقولين عني انا نفسج راح اروح رابعه ادبي و المشكله انا عندي عيال و الحمد لله جبت بثالثه نسبتي88%
ولا بعد كنت بالشهر السادس حامل بالامتحانات. انا ما ادرس الا يوم الامتحان بس انا اقولج اقرا الدرس عدل عدل شوي شوي و افهمه مو بس قراءه و ان شاء الله يوفق الجميع.

حتن اناا برووح رابـــــــعه ثانوي
ههههـ اناا لا الحمدلله بالابتداائي والمتوسط كنت ايب متيااز
بس الثاانوي :@:@
اوولــ شيــ
الحييينـ راجعيـ كل شي بالقرااعد قبل المدرسه 2 سبوعين
وحطييلج نظاام بالدراسهـ تراا والله هذي اخر سنة لناا ( جنطة ومدرسه)
وتوكليـ علي ربــ العالميين
واناا راضيه بس فووق 95 راضيه ,,

روحي مكتبه العجيري
اكو كتب التفوق حق نجيب الرفاعي .. اكو واحد متين عجيييب فيه طرق التخليص والدراسه قريته وايد عجبني ايام الدراسه

نصيحه اشتريه وعساج متوفقه يارب

على فكرة بنات .. اكو كتب تتعلق بالقواعد العربية

دورو عليها بالمكتبات بس قبل لا تشترون الكتاب فتحوه واقرو فيه .. اذا حسيتو انه الكتاب مفهوم بدون وجود مدرسه تفهمج اخذوه

معورين قلبي