طمنونى ؟ولاده بالشهر السابع شنو نسبه ان الطفل يعيش؟؟

بنات طمنونى شنو خطوره الولاده بالشهر السابع يعنى تقريبا30 اسبوع لان انزيمات الكبد مرتفعه وقالو لازم ولاده هل ممكن يعيش الطفل ؟؟هل فيه احد صارله جذيه؟؟ والله يبعد الشر عن كل مسلم يارب

اول كل شي ع الله بس اللي اعرفه ان اللي بالسابع يعيش بنت عمتي ولدتها امها على سبع شهور والحمدلله هذي هي كبرت وهطول لسانها ماعليج لاتحاتين بو سبع شهور يعيش بس يحطونه بالحضانة ليما يكمل

ان شاء الله وكل شي بامر الله اعرف وحده ولدت بسادس مو بسابع وهذا ولدها اطول منها ماشاء الله
الله يكتب اللي في خير لج

جزاكم الله خير

بأذن الله وهو قادر على كل شي
انشالله يعيش
الله يحفظة ويحفظك

الخطر في الثامن اكثر من السابع

يعني السابع باذن الله يعيش

اخذي ابره الرئه عشان تكتمل رئه البيبي

والله يقومج بالسلامه مع البيبي

حبيبتي ان شاء الله ماكو شي وايد ولدو بالسابع ومافيهم شي كبرو وصارو رياييل وحريم

اهم شي الحين في ابره مالت الرئة تاخذينها وبعد الولاده عنايه بالشيشيه لين يكتمل وزنه

وان شاء الله يكتب لكم السلامه ويفرحج فيه

لا تحاتين حبيبتي انشالله البيبي اعيش بس احطونه بالشيشه لين يكتمل

أخذي ابره الرئه .. والله يقومج بالسسلامه
وان شاء الله مافي خطوره "

\

لا تحاتين حبيبتي ان شالله البيبي يعيش بس يحطونه بالشيشه لين يكتمل

ولا تنسين ابرة الرئة

حبيبتي ما عليج الا العافيه ان شاء الله

انا ولدت بأول اسبوع من السابع والحمدلله بنتي كانت بالحضانه شهرين وطلعت والحين اسم الله عليها ,, الله يخليها لي عمرها 3 سنين

مع البنات ابره الرئه وتوكلي علي الله والله يقومج بالسلامه يارب

الي ربج كاتبه بيصير وكلي امرج لربج وادعي ربج والله يتمم عليج يارب على خير

بسم الله عليج ,, شنو النسبه يا قلبي
تفائلي بالله وهو يكتب لج الخيره من امره .. والسابع ترى عادي والثامن عادي
انا اعرف وحده فيها سكر بسم الله عليج يابت توأم بالسادس وكاهم
يهبلون ربي يحفظهم من الشر .. ارقي نفسج واقري على بيبيج وماعليج شر باذن الله

حبيبتي انا جبت اولدي البكر في السابع ولدوني لان كان عندي تسمم بالحمل الحمدالله قعد بالحضانه 20 يوم وبعدين طلعناه والحمدلله الحين عمره 9سنين