طلعت الهديه من خشمي

يمكن بنات بيقولون شنو الفايده من الموضوع
و انا اقول اولا هذي فضفضه
ثانيا ابي اتجاوز هالموقف
ثالثا ابي ارفع معنوياتي بمساعدتكم
رابعا ابي استفيد من تجاربكم و حلولكم

اليوم افتريت بالسوق و فجأه لقيت ساعه يدور عليها ريلي من سنه
سنه كااااامله و يدور عليها
لقيتها فما قدرت اني اطوفها و اصلا شريتها و انا طاااااايره من الوناسه لاني ادري انه بيستانس

المهم خلصت من السوق الساعه 6
رحت بيت امي و قلت له تعال ابيك بموضوع
شنو الموضوع شنو صاير ؟
قلت له بوريك شي

الساعه 8 دقيت عليه
فلان وينك!
احلق
مو قلت لك تعال ؟
عصب و قام يخربط ان انتي علقتيني امس و ما طلعت و اليوم نفس الشي
انا مو فاضي حق سخافات و لعب

و سكت و قلت تعال والله بوريك شي و روح
الساعه 8:30
طرش لي مسجات اني انا نرفزته لاني ما قلت له شنو الموضوع فتهاوش مع امه و ربعه

الساعه 9 و شي وصل قال انا ما راح ادخل البيت ادق عليج طلعي
على ما البس شيلتي و اروح الحوش ولا داق مره ثانيه : امشي يعني ؟ بطول وايد ؟ في ريال بره ناطرني

طلعت و انا ودي ابتسم
بس ضيق خلقي كل شي قاله و ما رديت عليه

سلمت و طلعت له الساعه من الجنطه
انا : شفتها و ما قدرت اطوفها ادري خاطرك فيها و تدور عليها
( ابتسم و بعدين طنقر و خزني )
من صجج ؟ نلعب احنا ؟ ما ابيها !!
( دموعي نزلت بس بدون لا باجي مادري شلون )
خلاص قطها
انا علبالي فيج شي سبعين الف سبب اسود فكرت فيه مريضه اكتشفتي فيج شي اهلج فيهم شي مسويه حادث و ما تبين تقولين رايحه الطبيب
( ساكته )
جذي احد يقدم هديه ؟
علبالي بتسانس
( ساكت )

ضاق خلقي و ساكتين ما ادري شلون فصخ ساعته و لبس اليدييده و باس راسي و شكرني
و طلع

امبيه ما طيب خاطري احس نفسي تافهه
كرهت الهديه ويع خلاص ما ابي اهديه
فشلني و كسر فيني

لاااااا و بعد قبل لا يمشي قال : الي ادور عليها اطارها برونز مو سلفر

فمشكلتي الحين
ما ابي منه اي هديه ولا ابي اهديه
كرهت نفسي حسيت نفسي سخيفه
اهنت نفسي ؟

واي حبيبتي الله يعين شتسوين هذيلي الرييايل ياية و مجهزتلة و أخر شي يقولج بس هذا

عادي لا تظيقين خلقج

لوووووووووووووووووووووووول

امبي على شنو شايفين رووووووووووووحهم

متروسين شعر وريحتهم زقاير وياكلون بدفاشه بعرف انا بعرف على شنوووووووووو طايرين يامااااااال ….

والله حبيبتي ماعندي شي اقوله

نفس مشكلتج انا قبل يومين

سكتي عنه لمن يهدا وبعدين لزقي يمه وابتسمي وراضوا بعض

الله يعينج حووووبي

يا حياتي انتي ما تنلامين بس تري طريقتج اسمحيلي مو حلوة في اشياء غير جذي صعب ادقين على ريلج تعال والحين ومسجات ولويه تري اهم مو نفسنا رومانس والله و تشوق لا اهم ابيه شصاير اكيد في شي ويتوتر والف فكره براسه اخر شي يشوف هدية بيتضايق لانه حاتاج وتوتر عرفتي تري تفكيرهم جذي لا وفي يايل يحذفون الاغراض بالوي ويقولون انتي من صجج ؟؟؟

طاااااااااااااااااف لا تكبيرين الموضوع لانه صج الشغلة تحز بالخاطر وحاسه فيج بس الريايل جذي تفكيرهم انتي جان نطرتي الليل وانتوا سهرانين او بالفراش او انتي بالبيت تدلعين عليه جان اختلف الموضوع او بمطعم جذي جان شوي غير اهو اعصابه تكون مرتاحه وانتي بعد

تقبلي مروري واتمني اني ما اكون ضايقتج تري مو قصدي اتفلسف بس قمت احس افهم عقليتهم الافلاطونية

كلامكم صح
بس انا الليله نايمه عند امي
و مافيني صبر لباجر
انتو ما تدرون شلون كان يدور عليها ما خلينا محل ما دخلناه علشانها

اي اي صح كلام NareNH ماشاء الله عليها

قعدت افكر بمشكلتج وترى صج تفكيرهم غير عنا وانتي لعوزتيه وخوفتيه يبه طاااف

واجهية بصراحة بالتصرف الى ماعجبك ووضحى لة مدى القسوة الى مستهعملها معاك على الرغم من الهدية الى تعنيتى عشانها 000 وصارحية انة لااااااااااااازم يتعامل بلطف معاك خصة وانك مفكرة فية برة ومالازم يدقرك هالدقرة 0000بس الى مانى راضية افهمة الحين اهو ليش يوم عرف ان مافيك شى وانك يايبة لة هدية ليش يكسر قلبك بان الاطار برون مو سلفر 000صج مو شى اسلووبة

حبيبتي لا يضيق خلقج ادري كسر فيج شي تحسين قلبج بينفجر بس تحملي مرده بيي ويقولج اسف مو قصدي او تلقينه يضيع السالفه وجنه ما صار شي بس يحاول يستخف دمه المهم انتي لا يضيق خلقج اكيد كان في شي وحط كل شي عليج الله كريم مرده بيج عاد حزتها تدلعي وتغلي بس وشوفي اشلون يطيب خاطرج
دزيله مسج قوليله عادي نقدر نبدل الساعه وناخد الي عاجبتك وبس الله يمسح على قلبج لا تحترين

ههههههههههههه
الله يعين اذا اشتريتي ولا ماا اشتريتي نفس شي فلا تعبين نفسج ..

ما نصحج تواجهينه لانه راح يكره الهديه لا طوفي الموضوع عادي بس اذا شفتيه لابسه قوليله حياتي واااااي اتينن على ايدك يوم الي شفتها بالمحل قلت بقلبي لازم اشتريها حق بوعيالي حبيبي وسوري كان مافيني صبر بعطيك اياها حدي كنت فرحانه فيها
ولميه وبوسيه ادري انج ودج تعطينه بوكس على عينه بس لازم اتعلمين تمسكين اعصابج

شوفي اللبنانيات والسوريات ليش يموتون عليهم ريايلنا لانه لو يمسح فيها الارض تأبر قلبي على لسانهم حتي لو منقهرين
نصيحه جربي الي قلته صدقيني شوي شوي بيصير مثل ما تبين وراح يحس

وطمنينا

حياتي

ياما بتشوفين من الرياييل

ولا تضيقين خلقج

لو على كل تصرف منهم بنزعل جان الحين تشوفن الشيب تارس راسي وعني الضغط والسكري والجلطة بعد

طوفي حياتي

مسكيييييييييييييييييينه بغيتي تكحلينها عميتيها

بس فعلا اهم طبعهم جذي كلها على بالهم انهم رجال اعمال ووقتهم من ذهب والمره بتضيع هالوقت

الله يعينج الحال من بعضه كلهم جذي

بس بمووووووووووووووت واعرف شنو ماركة الساعه وشكلها؟؟؟؟؟ ادري شي سخيييييييييييييييييف صح؟

عادي والله عندنا وعندج خير
انا قبل اسبوع عيد زواجنا تخيلي من شهور وانا ادقق عالفنادق ابي شي حلو احجز فيه ولقيت الفندق وحجزت قبل عيد زواجنا بيومين جان يقولي بسافر قلتله جذي وجذي انا حاجزة فندق ومتزهبه وحالتي حاله ابتسم وطنشني وسافر وخلاني
عادي هكونا متاتا
كلهم جذي

مشكوره على التأيد والله يريح بالهم وبالنا