|
|
طلبات الحريم بترتيب حروف الهجاء ..
السلام عليكم
حبيت أشارك وياكم بموضوع وصلني على الايميل
الالف :ابي فلوس بروح معزومة على شاى ضحى
الباء :بكرا ابيك تودين لبيت اهلي عندهم عزيمة
التاء :ترى اليوم انا ماني مسويه عشاء روح للمطعم جيب عشاء
الثاء :ثلاث اسابيع ما طلعنا للملاهي يالله ودنا اليوم
الجيم :جيب خدامه تساعدني بشغل البيت………(والبيت نص شقة) قهر
الحاء :حبيبى..ودى بساعة شوبارد ,مليت من ساعتى الاوميغا(شوفواالنفاق..توها تذكرت هالاسم)
الخاء :خل الشله اليوم..انا عازمتك نتعشى بره, بس على حسابك
الدال :دور لنا فله على 3 شوارع وفيها سرداب (الراتب 2500 ريال من وين ياحسرة)
الذال :ذيك السنة (قبل 10 سنوات) قلت لك اشتر لنا سيارة فان اوسع وما شريت
الراء :روح قدم على اجازة خلنا نسافر لاوروبا ,,اووف حر
الزاء :زيد مصروف البيت هذا ما يكفي اغراض البيت (ومعظم البيزات عليها
وعلى خرابيطها)
السين :سجاد البيت صار قديم ….غيره يا اخي (السجاد ما كمل له سنتين)
الشين :شيل ولدك شفه يصيح هناك,انا تعبت من العيال..
الصاد :صفف الملابس هناك منثرة,مليت وانا القط وراك
الضاد :ضبط اوضاعك..ترى كبرت المسؤولية..(توها والدة)
الطاء :طالع السيارة سكراب تفشل قديمة, نبي شبح
الظاء : الظاهر انك ما تحبنى..ليش ما شريت لى العقد الالماس اللى بغيته!(حب بالالماس بس)
العين :عيوني..اليوم شفت نفنوف عند زوجة اخوي يجنن…خاطري بواحد مثله
الغين :غير يا اخي اسلوبك معاي…كله برود..حسسني بحبك شوي
الفاء :فديتك حبيبي وين تبينا نسافر هالصيف؟
القاف :قدر يا اخي شوي…كل شغل البيت على راسي…تكرم وساعدني شوي
الكاف :كفاية ملينا من هالبيت متى راح تسوى لنا بيت اكبر من هذا
اللام :ليمتى بنتم محبوسني في هالبيت لا نطلع مثل الخلق ولا غيره
الميم :متى بتوديني لبنان مثل ما وعدتني قبل؟؟؟؟
النون :نبى نحجز شاليه شرم الشيخ طول الصيف ..لا تنسى!
الهاء :ها عاد..ترى اروح بيت اهلى! اذا مو قد الزواج وتكاليفه ليش تخطبنى؟؟
الواو :ورني شطارتك رح عند اخوك خذ منه الورث( راعية مشاكل)
الياء :يالله ايدك على 2000 ريال رضاوة..لانك زعلتني وكسرت
خاطري
والسموحه
فديتكن لا تبخلن علينا بردوودكن الحللووووة.. 
و الله عاد ما طلبنا الا حقنا ههههههههههه
مشكوره عالموضوع
تسلمين نجمة سهيل **
تهقون ينفذها
.. و هالحرف وااايد ينطبق علي ..القاف :قدر يا اخي شوي…كل شغل البيت على راسي…تكرم وساعدني شوي
طبعا لا حياة لمن تنادي 
تسلمييين حبيبتي (( نجمة سهيل** )) على الموضوع اللي دمه خفيف
فديتكــــــــــــــــ ـــــــــــــــم
|
المشاركة الأصلية كتبت بواسطة نفيشه
يزاهم واقل من يزاهم بعد
|
لييييييييييييييييييييييييش 
حياج الله