|
|
السلام عليكم ورحمة الله وبركاته
.. اول مشاركه لي في المنتدى وعساها ماتكون الاخيره
خواتي حابه اتناقش معاكم بموضوع وابي عرف وجهات نظركمـ
انا طالبه بالثانوي بالصف العاشر
ولله الحمد بدت عطلت ماقبل الاختبارات .. من اليوم
المهم عطلتنا تقريباً 12 يوم
موضوعي او بمعنى اصح مششكلتي هي
اسئلة الـsetBook لمادة الانجليزي
طبعاً نظام الاسئله تغير عن قبل يعني قبل يجي تقريباً 10 اسئله بالاختبار ياخذون الـ8 الصح منهم
الحين لا يعطوننا فقره عن كل unit وعليها سؤالين
طبعاً معانا احنا من اليونيت 1 الى اليونيت 6
بالامتحان راح يجيبون 4 units تقريباً.. وياخذون ثلاثة اسئله بس يعني اربع وحدات وكل وحده عليها سؤالين تصير ثمانية اسئله بالاخير ياخذون ثلاثه منهم
المشكله مو هني المشكله بعدد الاسئله 109 هذا غير اسئله القصه
تخيلوا نفسكم تحفظون 109 اسئله وتدشين الاختبار جايبين لج بس 3
طبعاً ( الكبار ) لاتقعدون تفلسفون ويوم كنا كبركم وماادري شنو ترى حچيكم ماخوذ خيره
عطوني رايكم
وهل احنا مظلومين ولالا .. والله حتى شفوي بس ثلاث درجات والاختبار عليه 210 درجات تتقسم على اربعه يمكن وتصير 52 اتوقع
تحياتي
غلا
وبالاخير ثلاث اسئله
الله يعييييين بس
انتوا سووا اللي عليكم والباجي ربنا يسهله ولا تقعدون تقولون انظلمنا انظلما يعني انتي تخلين نفسيتج تتعب بايدج
اهما خلاص احسموا امرهم
و يارب وفقنا
ويسلمو ع الموضوع العسل اللي نفس صاحبته
بس لما قمت اترجم الاساله وافهمها صاااااار سهههلللل حييييل حيييييل والكلمات ترا تساعد
والاساله اللي بالامتحان ما اكتبها الا على فهمي والقصه نصيحه لادخلين الامتحان الا وانتي مترجمه القصه وقاريتها ….. ومني لج رااح تضمنين الدرجه ولاتقولين فوشيه ماقالت
وبالتوفيق حبيبتي