|
|
السلام عليكم
شلونكم انشالله الكل يكون بخير
انا متزوجة صارلي 9 سنين زوجي الحمدلله مافيه شي .. انا كان عندي تليف وكيس دم والحمدلله شلتهم قبل فترة وكان فيني قرحة بعنق الرحم وعالجتها بس المشكلة ان الانابيب مشوهه وماينفع معاي الا طفل الانابيب .. سويت طفل انابيب مرتين من قبل وماحملت .. الحمدلله على كل حال
والحين بسوي طفل انابيب للمره الثالثة بس هالمره غير لاني بسويها بظروف سيئة وضغط موطبيعي
زوجي قالي اذا ماحملتي هالمرّه راح اتزوج ومكلّم أهله .. يعني الموضوع جد
من قالي هالكلام وانا ضايق خلقي .. ادعولي الله يخليكم ان الله يرزقني وأحمل .. والله ذبحتني الكوابيس ونفسيتي تعبانة وايد الدكتور يقولي اهم شي النفسية بس شسوي ياربي مو بيدي
يوم الخميس كان ثاني يوم لي بالدورة وسويت تحليل هرمونات و خذيت ابرة Decapeptyl cr .. ماقالي الدكتور اخذ فوليك اسيد أو فيتامينات وانا بصراحة نسيت اسأله بغيت اعرف شنو المفروض اخذ ؟
ومشكورين مقدما
وكلوكوفاج <بس هذا حق اللي فيهم تكيس ميايض>
واهم شي النفسية
الله يوفقج ويرزقج ويسهل امورج
البقرة يس الرحمن الحاقه مريم الحشر
وكثري من الاستغفار
اكثر من صيغه
استغفر الله
استغفر الله واتوب اليه
سيد الاستغفار < اللهم انت ربي لا اله الا انت خلقتني وانا عبدك وانا على عهدك ووعدك ما استطعت
اعوذ بك من شر ما صنعت ابوء لك بنعمتك علي وابوء بذنبي فاغفر لي فانه لا يغفر الذنوب الا انت>
استغفر الله العلي العظيم لي ولوالدي والمؤمنين والمؤمنات الاحياء منهم والاموات
مشكورة حبيبتي .. جزاج الله كل خير
انا معاها لا تنسين الاستغفار و كل يوم اقري قرآن
وقيام الليل
وانصحك باتريك عملياته مضموننننننننننننننننننننننننننننننه عن تجربه
لو الريال اهوه اللي فيه شي جان صبرت عليه المره 20 سنه
ما عليه حبيبتي عسى الله يرزقج و على طول حطي اببالج اتج بتحملين انشالله و خلي تفكيرج ايجابي و تفائلي
وبوقت العمليه حتى يوم الترجيع كثري شرب الماء وعصير التفاح الاخضر الطازج والخيار وكوب حليب طازج
ويعينج على مابلاج
واهم شي يعمري لاتفكرين ولاتتضايقين
انسي كلام زوجج
لان هالعلاجات تبي لها نفسيه كويسه
وانتي لازم تكوني متفائله ومريحه نفسج
وربي يرزقج وتبشرينا
وميعرس عليج و لاشي
أخذي فوليك أسيد