|
|
حبيت اعرض مشكلتي وابغى تعطوني نصايحكم
ولدي الله يحفظه عمره 3 و10 شهور يعني تقريبا 4 سنوات
وللحين اعاني معه من تعويده عالحمام اعزكم الله
علمته حين كان عمره سنتين وارجعته عالحفاض بعد شهر
وبعدين لما حاولت ارجعه بدونه مو راضي يتعلم
احسه يعاندني لانه هو فاهم الحمام
وفاهم كل شي عن نظافته بعلامة انه نظف قبل
انا صرلي اكثر من سنة وانا اعاني معه
احس انه انتكس بالتعليم
وماني عارفة شنو اعمل لانه زهقني
وللحين مو راضية احمل لانه مو راضي يتعلم
يااااااااااااليت تفيدوني بتجاربكم
ترى انا مو بعيدة من الجنون
شوفي شنو الشي اللي يبيه و قوليله اذا قطيت الحفاضه و رحت الحمام اشتريلك اياه و حددي مده . يعني حطي لج لوحه و لا ورقه و سوي جدول اذا راح الحمام حطي مثلا نجمه و لا علامه صح و لا اي شي و اذا ماراح الحمام حطي علامه غلط. و علميه و ذكريه كل ما زادت علامه الصح او النجمه راح تشترين الهديه او الشغله اللي يبيها.
انا ولدي وقتها كان يبي كيكه فقلتله اذا قطيت الحفاضه اشتريلك اياها و اخليك تختارها.و الحمدلله نجحت. ولدي الحين قاط الحفاضه بس اذا طلعت مكان و انا اعرف مثلا صعب القى حمام البسه الحفاضه ووقت النوم بعد.
وفعلا انا كنت ناسية طريقة اللوحة والنجمات
لان هذي طريقة سوبر ناني
وانا لسى ما افكر بالاطفال بعده بسبب الحفاض يعني مو قبل ما يصير نظيف تماما
خلج صارمة وبلشي بس يدفى الجو كل ساعتين وديه الحمام
اشتريله قيصرية حلوة
كل ما سواها بالحمام كافئيه
ولو سواها برة الحمام لاتصرخين ولاتعصبين بس قوليله مرة ثانية نروح الحمام
ودغيه لايستبرد من التكييف وخلج ورته اسبوعين ولا انتي خالصة
حاولي ماتشربينه اي سوائل قبل النوم ب4 ساعات على الاقل ومثل ماثلتلج لايستتبرد من التكيف
ولاختي ام دعيج انا لما رجعته للحفاض خفت عليه من البرد قلب الام شنو اعمل
والحين احاول معاه وانشالله يتعلم عن قريب
سوي نفسي… حق عيالي شريت قيصرية و كل نص ساعه اوديه و اقوله اذا سويتها هني احط لك نجمه بيدك
سواء بالرسم او ستيكر او طباعه. و عيالي يستانسون اذا ايدهم انترست نجوم
بس اذا سواها على نفسه تحملي و لا تهاوشينه
بس قوليله بهدوء ميخالف اكيد انت نسيت
و موفقه
والله ودي اخذ اجازه واتفرغ لها
لعوزتني خلاص الحفاظه قطعناها تقريباً
بس اللهم بالليل لكن مو راضيه تقولي ابي الحمام
انا كل شوي اوديها كل نص ساعه وانصدم تكرمون من كميه
البول وااايد بفتره بسيطه واذا كنا مو بيتنا املج تروح للحمام
تسوي مناحه وقصه تعبت الله يهديها ويطول بالي عليها
آآآب
اذا شفته يبي يسويها اقوله حماام واذا قلتله بطل وقام يلعب مايبيني ادري ان عنده شغله ويغطي عيونه علشان لا اشوفه اخاف يصير عنده عقده