. طريق السعاده

بسم الله الرحمن الرحيم

نستكمل موضوعنا اللي هو الرضا

كانت قصتنا كالتالي اذا امج يابت لج نفنوف قيمته كبيره وانتي ما تدرين وفي شغله بالنفنوف ما عجبتج

هل راح تردينه ؟
ولا ترضسن فيه كما هو ؟
ولا ترضين فيه وتعدلينه ؟

واغلبية الاجابات كانت الاجابه رقم 2

الرضا بالشي كما هو

وهذا كلام جميل

بس تعالو نطبقه على نطاق اوسع

امج اللي تحبينها يابت لج الفستان وربج عطاج نعم كثيييييييييييييييره اللي منها الزوج

ولا تقولين الزوج مو نعمه ولا هبه من الرحمن

الزوج هو اللي ياج لي عندج مو انتي سعيتي له صح ؟

اذا فهذا نعمه من نعم الله عليج وهديه عطاج اياها وفي ناس محرومه منها

اذن انتي قبلتي هدية امج المتواضعه لان امج غاليه عليج وهل ربج سبحانه اللي خلقج وميزج وعطاج جمال وصحه و……………الخ

اقل غلا من امج ؟

هدية امج كانت غاليه من غلاة امج

ليش ما تكون هدية الرحمن غلاتها من حبج له وامتنان منج على نعمه عليج ؟

ليش الزوجه تبي زوج تفصال واذا ما يا على هواها قالت ( ياربي ليش عطيتني زوج عصبي انا شسويت بدنيتي ؟!

ليش كل غلطه تصدر من الزوج حتى ولو كانت صغيره نعتبرها كبيره

تعالي نفكر شوي اكيد امج لما شرت لج النفنوف خذت لج احلى نفنوف بالسوق عدل ؟

لانج بنتها ما تييبلج الشي الشين ؟
ولا راح تييب لج شي ما يناسبج عدل ؟

الله سبحانه اللي خلقنا وكتب لنا رزقنا بالدنيا معقوله راح يعطيج شي ما يناسبج او شي موزين ؟؟؟

هذا هو الموضوع

اي شي من الله سبحانه زين ونحمده عليه

الرضااااااااااااااا بما اعطا

ارضي بكل شي يقدر لج اياه ربج ( زوج _ عيال – مصيبه – ابتلاء – فقر ………………………الخ )

ارضي وبقناعه ان ربج ما يقدر الا الشي الزين

في وحده من العضوات قالت في ردها

البس النفنوف وانا اضحك من كثر الرضا

ليش ما نرضى عن ربنا باللي عطانا اياه

قال الرسول عليه الصلاة والسلام : (( من سعادة ابن آدم رضاه بما قضى الله , ومن شقوة ابن آدم سخطه بما قضى الله )) رواة أحمد والترمذي

شوفو قمة السعاده بالرضا

صج جربتي يوم من الايام ترضين بزوجج مثل ما هو ؟

قلتي بينج وبين نفسج ( ريلي عصبي _ ولا مبالي – وما يقول كلام حلو ) بس انا راضيه فيه مثل ما هو واحمد ربي اني خذيته

وصلتي هالمرحله هذي اسما مراحل الرضا

واللي يرضا عن اللي عطاه اياه الله
الله بعد يرضا عنه

والرضا باب الله الاعظم

والرضا هو استقبال اقدار الله بسكون وطمئنينه وعدم الاعتراض على الله في ملكه

جم وحده تقول بينها وبين نفسها ليش انا ريلي فقير وريل فلانه غني

ليش فلانه عندها عيال وانا ما عندي
ليش فلانه من ( جنسيه غريبه ) ماخذه كويتي وانا لأ

ارضي وهذا كله ملك الله بالنهايه

سمعو هالقصه ( قمه في الرضا )

لما قدم سعد بن أبي وقاص رضي الله عنه إلى مكّة وقد كُف بصره , جعل الناس يُهرعون إليه ليدعو الله لهم , فجعل يدعو لهم , قال عبد الله بن السائب : (( فأتيته وأنا غلام , فتعرفت عليه , فعرفني , فقلت له : يا عمّ , أنت تدعو للناس فيشفون , فلو دعوت لنفسك أن يردّ الله بصرك , فتبسم وقال : يا بُنيّ قضاء الله أحبّ إلي من بَصري )) مدارج السالكين : 2 / 227 .

قال رسول الله صلى الله عليه وسلم ( ارضا بما قسم الله تكن اغنى الناس )

وفي سورة الضحى
{ وَلَسَوْفَ يُعْطِيك رَبّك فَتَرْضَى }

يالله نرضا عما عطانا اياها ربنا ( زوج -عيال – رزق – ابتلاء ) ارضي وقولي اللهم لك الحمد على ما رزقتني ولك الحمد عما منعت عني

اللهم ان راض على كل ما تقدر لي وترزقني

وراح تعيشين مستانسه وسعيده وانتي تحسين ان اللي عندج هو افضل شي بالدنيا واللي عطاج اياه ربج سبحانه وتعالى

حطي بغرفتج كرت حلو وكتبي فيه ( يارب قدرت لي افضل شي ورزقتني من حيث لا احتسب اللهم اني راضيه بحكمك وقدرك برزقك وعطائك لا اله الا انت لك الملك ولك الحمد وانت على كل شيء قدير

واذا انفتح جدامج موضو الزوج والذم فيه قولي انا الرحمن عطاني هديه من عنده وانا احبها من محبته واسأله ان يقبل رضاي ويرضا عني

موفقة خوش موضوع صح كلامج

درر درر تسلمين

قَالَ رَسُولُ اللَّهِ -صلى الله عليه وسلم-
« مَنْ أَصْبَحَ مِنْكُمْ آمِنًا فِى سِرْبِهِ مُعَافًى فِى جَسَدِهِ عِنْدَهُ قُوتُ يَوْمِهِ فَكَأَنَّمَا حِيزَتْ لَهُ الدُّنْيَا ».
اللهم رضنا بماقسمت لنا واجعلنا من الشاكرين
يامال الجنة ياقلبي

امين اجمعين حبيبتي ولاهنتو الباقي مشكورين عالردود

الحمدلله اهم شي الرضا والقناعه
وهذي بحد ذاتها نعمه ..
اللي موراضي ومومقتنع بحياته الله يعينه ع نفسه

صاجة
وان ييتى الحق
الرضا والقناعة يحل 99 % من المشاكل الزوجية

لكن احنا بشر
والبشر يبى ويتطلع للأحسن دايما

بالنسبة لى
للأسف انا ما تقدرين اتقولين انى انى من النوع القنوع
لكن قاعدة احاول

الرضا لا يتعارض مع الطموح الرضا انج ترضين بالاشياء اللي راحت والاشياء الحاضره المستقبل هذا باب ثاني التطلع للاحسن هذا طموح

عيل احنا ليش ندعي ونقول يارب ارزقنا يارب سخر لنا …………………………..

لان هذا طموح وهالشي بعده ما يا فنتمنا ان يكون زين ومثل ما نبي

الرضا انج ترضين عاللي ياج وتطمحين للافضل وتدعين بهالشي

واحلى كلمه قلتيها انج بتحاولين ترا كلنا تيينا عرات ولكن نحاول بعدين نرجع لصوابنا

مشكورين عالتفاعل

كلامج وااايد حلو ماشالله
وصج لازم الشخص يرضا بالشي الي عنه من كل الاشياء

الحمدلله لك يارب على كل شي

ردودكم الاحلى حياتي

جزاج الله الف خير
على الموضوع القيم
صج صج
الحمد الله على كل حــــــــــــال
وانا راضية بلي كاتبة لي ربي
لك الحمد والشكر يارب العالمين
مشكووورة حياتي ياجعله بميزان حسناتج

يا ربي لك الحمد على كل نعمك

اللهم ارضنا بما قسمت لنا واجعلنا من الشاكرين

شكرا لمروركم