طريقه لانضباط الاطفال

مساكم الله بالخير .معلمات

انا بقولكم قصتي من طقطق الي سلام عليكم
في كثير من المعلمات اللي واجتهم يعانون من الانضباط مع الاطفال وانا كنت واحده منهم
كانوو مشاغبين بشكل مو طبيعي وحييل حييل تعبت منهم لدرجه انهم يمدون ايدهم عليي وااي تعذبت وياهم بشكل مو صاحي .. حتى لما تجيني المشرفه من الوزاره كنت اخمهم كلللللهم لصف رفيجتي اخليهم عندها > شسوي غصب عني يفشلوون
المهم بعد ما حضرت لي المشرفه سوت وياي اجتماع وما قصرت علمتني طرق حيل روعه
جنها حاسه اني اعاني
اقولكم شنهي
اجيب صوره وجهه يوحي للهدوء وانا جبت هذا

وحطيتها بصوره اكبر من جذي طبعا واغلفها تغليف حراري واقص الفيس
واعلقه بعود ومتى ما صار ازعاج ارفعه وانا ساكته .ويسكتوون تحسون انهم يتفاعلون مع هالشغلاتـ واللي ما يسكت اجيب كرسي احطه عند الجدار واحط وراه فيس حزين نفس هذا

وطبعا بحجم اكبر ,~
والزقه بالجدار والصق على الكرسي فيس يفكر بس انا جايبته جاهز من رفيجتي لو عندي وريتكم وتخلين الجاهل قاعد ع الكرسي 5دقايق وتروحين تسألينه ليين اهوه يقول انا سويت كذا يعني يشرح لج شنو سوى وقبل كل شي اول ما تدشين الصف تذكرينهم بقوانين الروضه تحفظينهم صم ليين خلاص يستوعبون وعرايس المسرح لما تسون مسرح وجذي قبل تبدين الحلقه مثلا قولي عندنا ضيف بيحضر ويانا وجذي سبحان الله يصدقون ويصيروون عقال لوووول واي واحد يشاغب لا انتها يومنا عاد العروسه تتكلم > اللي هي انا بصوتي تقول منو الشاطر اللي كان يسمع كلام المعلمه والمشاغب

والله والله ي بنات فادت ويانا حيييييييل وصرنا نمشي على خيال الاطفال الله لا يغير علييهم ياررررررررررررررب قولو آميييييين
وانشالله موضوعي يفيدكم ويعجبكم بعد وان شالله اشوف تجاربكم وياهم تصيب مو تخيب خخخخخخخخخ

ووشكررا

ثااااانكس حبوووبه

الله يجزاج خير

اانا تربية عملية وجننوني الجهال موصاحين العقال استخفوو

لاني امسكم 3 مرات باليوم كل يوم فالمدرسات اللي معاي انحاشو يبون الفكة مع انهم 3 وانا الرابعه

واخر شي يقولون لي من شخصية المعلمة مومنضبطين

لاوالله انا جديدة يعني شسوي بعمري

المهم صرت اصااارخ لان الموصاحين خربو على العقال وصار الصف فوضي

صرت ماضحك ولا ابتسم شديدة حيل

تعبت والله نفسيتي صارت دمار حتى بالنشاط الجماعي فضيجه لوحه المسابقات يطيحونها من على الستاند

موعارفة شسوي احس اني ودي اسحب اوراقي

خصوصا ان معاي مدرسة لما اشرح تضحك تخرب علي مع ان موجهه الكلية قاعدة عاد الجهال لاشافوها تضحك يقلدونها

يستعبطون

حسبي الله ونعم الوكيل الله يجزاج خير يالغالية اانا جربت كرسي العقاب

ماكو فايدة

بجرب الوجه هذا

وان شاء الله خير

تبين تضبطينهم لااااااااااااااااااااااااااا تصرخين
الصراخ يطيـّح هيبتج !!
أول شي خليهم يحبونج قربي منهم وعلقيهم فيج بالكلام الحلو والتشجيع والهدايا
وبس يزعجونج عطيهم نظرة زعل وغضب
النظرة تخوفهم أكثر من الصراخ !!
والطفل المزعج قوليله إنج ماراح تكلمينه ولا اطالعينه
وطبعا لأنه يحبج ماراح يزعلج وبيصير مؤدب عشان تردين تضحكين وتلعبين معاه

ويعطيج العافية أختي ماقصرتي عالموضوع ..

عشان تضبطينهم لازم اول الايام تكونين شديدة لا تضحكين معاهم ولا تعطينهم وجه عشان يهابونج بس علميهم على السلوكيات داخل الصف وطريقتج
شوي شوي فجي بس اهم شي الضبط يعني لاتخلين فوضى وانتي موجودة حتى لو محد عندج او محد داخل علي وخلج ثابته بكلمتج لا تغيرينها يعني قلتي اللي بيزعجني اليوم بحرمه من ركنه وقت الاركان خلاص سوي اللي قلتي عليه ونفس الشي التشجيع

وفرقي الشياطين عن الهاديين لانه مرات واحد بس شيطان يجنن الصف كله تنتقل العدوى للباجي وبعدين كل طفل عنده نقطة ضعف ههههههههه يعني هالسنة عندي ولد هبل فيني مايفهم الكلام ماكو شي جاب نتيجة معاه مره طفرني صج جان اخذ بطاقته بلوحة الحضور والغياب واوديه الصف اللي جمبي قلت خلاص ماتقعد عندي مابيك .. انهار المسكين ههههههههههههه عرفت نقطة ضعفه قمت اهدده فيها اذا ازعجتني بوديك صف ثاني

تدرين لو اسوي طريقتج كرسي العقاب وفيه صور اللي انتي حاطتها بيستانسون عليها عيالي وبيتعمدون يزعجوني عشان اعاقبهم لانه العقاب يونس هههههههههههه اعرفهم عيال صفي هالسنة مو طبيعين

بس ما نصحج بطريقتي لو تشوفج المشرفه بتصير علوم ههههههههههههههه

فكرة رووووووعه
جزاج الله خير

يعطيج العافيه

ي عمممري الله يكوون بعوونج ,,~
كرسي العقاب خليه يكون مختلف عن الكراسي اللي بالصف
مثلا لونه غير وحكي عليه صور فيس زعلان وحطي عليه اكس ومن هالشي واذا قعد خليه يتكلم عن الخطأ اللي سواه اسأليه شنو التصرف الخطأ اللي خلاك تقعد هنا واذا اعترف بغلطه قولي انت شاطر وانت ماراح تسويها مره ثانيه من هالكلام اللي يخلييه يتعزز بنفسه
واذا مافااد حطي نفس الشي كرسي ثاني جمليه حطيه عليها اشياء حلوه ولون حلوو وزيني الكرسي قد ما تقرين وجيبي شعار او تاج او وشاح والطفل المؤدب والشاطر خليه يجلس عليه وقت ما يبي وبنهايه الدوام قدمي له هديه غلفيها وحفزييه وخلي الاطفال يصفقون له صدقيني اليوم الثاني بتلاقين ثنين ولا ثلاثه مقلدينه

واذا عن الملعمه ما يصير يكون فيه تناقض بينكم لازم يكون فيه تشابه بالتصرفات وبالاسلوب عشان الطفل ما يتشتت اذا ما فاد وهي قاعده تخرب عليج لا تسكتين روحي تكلمي مع مشرفتج لان بالاول والاخير كل شي بيطيح فوق راسسج
واتمننى لج كل التووفيق حبيبتي

*
يعطييج العافيه حبيبتي

هههههههههههههههههههههههه انا الي يسووي ازعاج اوديه فصل الاطفال اللي عمرهم 3سنوات نسميهم فصل الحفاظات خخخخخخخخخخخخ
بس اقول بويديك فصل الحفاظات ييهدووون بس والله كرسي العقاب يخافوون منه ما يقربون حووله ولا بعد اعطيييه ورقه مكتوب عليه اسمه وعليه اكس كبييييييييييييير بس ياخذ الورقه يعم الهدوووووء واذا جا وقت اللغوي ارسم ع الصبوره فيس كبييير وزعلان اي واحد يسوي غلط ينحط اسمه مع هالمجموعه

الصور والاشكال بشكل عمومي وسيله تتفاهمي فيها مع الاطفال