|
|
السلام عليكم حبايبي انا عندي بنت عمرها سبع شهور
والحمد لله صحتها زينه بس كل من شافها وعرف عمرها
يستغرب ويقولون لي حرام عليك البنت صغيره مره
مع ان وزنها سبعه كيلو والدكتوره قالتلي زين
ورحت مره عند حماتي ولدها اصغر من بنتي بشهرين
ومافي فرق بينهم بالحجم انصدمت فقررت اني اهتم
بأكلها اكثر وادور على لكلات مفيده وتسمن
وانا احووووس بالنت لقيت طريقه حلوه وسهله
وهي السمسم وان شاء الله من اليوم ببدا معاها
شريت سمسم حب وطحنته بمكينة القهوه وحطيته بعلبه قزاز وخليته بالثلاجه وراح احط منه ملعقه صغيره ثلاث مرات باليوم
مع اي اكل مثلا بطاطس بهرسها وحط ملعقه سمسم مطحون معاها
وبعد الطحينيه توني هرست كمثره وحطيت معاها ملعقه طحينيه وجربتها طلع طعمها حلو ولسه ما اكلتها بنتي
ان شاء الله تعجبها الي كتبت طريقه السمسم قالت ان ولدها سمن بعد اسبوع
بجربها من اليوم والجمعه الجايه بعطيكم النتيجه
الي عجبتها الطريقه تجربها لأن السمسم مفيد وما يضر بس بالاول عطيه كميه صغييييره باليوم عشان تطمنين انه ماعنده حساسيه
الحمدلله مدام ان صحتها زينه ووزنها زين ليش تبينها تمتن
ترى الناس ماتعطي خير
ومالج شغل بكلام الناس اهم مو ادرى منج بصحتها
خلي البنت طبيعيه
واذا كلامي ضايقج انا اسفه
|
المشاركة الأصلية كتبت بواسطة زين ودلال
 شتبون بالمتن حق عيون الناس !!!!!
الحمدلله مدام ان صحتها زينه ووزنها زين ليش تبينها تمتن ترى الناس ماتعطي خير ومالج شغل بكلام الناس اهم مو ادرى منج بصحتها خلي البنت طبيعيه واذا كلامي ضايقج انا اسفه |
والله كلامك صح ياقلبي وكنت مقتنعه فيه بس
حتى الملابس ماتطلع حلوه الا على المتن بس طبعا
مو بزياده يعني تكون شوي مليانه وعندها خدود
وطريقه السمسم صححححح سمعتها يقولون نتيجه حدهااا واضحه شكلي بجربها
بس موعارفه شلون اشتري سمسم اي نوع بضبط
والله راح تدعين لي
بس تدرجي بالتمره اول مره عطيها نص رقم وبعدين رقم عشان لاتتحسس منه
ولدت ناقصه والناقص دايما يكون ضعيف
فاستلمتها من عمرها اشهر توكل فيها تبيها تمتن
وكانت توكلها غصب وفعلا البنت متنت وبزياده
لان اذا عودتي الياهل عالاكل بعدين ما تقدرين تسيطرين عليه
الحين عمرها ١٤ ما شاء الله بس متييييينه
عشان جذي ديري بالج والله سبحانه يختار لج الافضل
الله يحفظها لج ويبلغج فيها