طالبه الحل منكم والراي السديد

شلونكم وشخباركم يا أحلى بنات المنتدى

خواتي الحبيبات بقولكم قصة حياتي ومشكلتي مع زوجي وابي منكم الراي والشورة العدله والله يجعله في ميزان حسناتكم

انا متزوجة زواج تقليدي لا اعرفه ولا يعرفني ولا حتى من اهلنا يكبرني ب 8 سنوات وانا دبلوم وايضا هو كذلك

الحمدلله الله يتمم علينا زواجنا اللحين احنا بنكمل سنتين على زواجنا والله رزقنا ببنوته الله يحفظها لنا يارب وتبلغنا فيها اللهم امين

شوفوا يا حبيباتي زوجي بصراحه طيب حنون / متواضع / على اخلاق وادب الحمدلله الكل يمدحه ويحب يقعد معاه

اولاً المشكله انه حيييييييييييييييل عصبي بسرعه يعصب على اي شئ حتى لو بالضحكة معاه يعصب ويحرق اعصابه واذا ما رديت على تلفون البيت او الموبايل مشغوله او لا هيه او ماسمعته بسرعه يعصب ويسوء الظن اني احقره او اني باردة ما احسن بالتلفون لو احد يموت يقول ما تشلينه

ثانياً اذا عصب يغلط ويرفع صوته ويجرحني بالكلام

ثالثاً يحن اذا بغى الشئ خلاص لازم يصير بهالثانية انا ماني مقصرة والله مبديته حتى على بنتي عشان لا يحس بالفرق او النقصان

رابعاً اللحين كله يقولي معنى انا مو مقصرة على حمايه بنتي وتربيتها كله يقولي
1/ديري بالج على البنيه
2/لا تشيلها اختي الصغيرة اللي برابعه ابتدائي
3/لا تزينينها الناس تشوفها وتحسدها حتى من اهلي واهله يخاف من العين
4/لا تخليناه تبجي
5/حتي اذا بربيها مثلاً احقرها اذا بجت ماكله وشاربه بس عياره يعصب شيلها لا تخلينها تبجي
6/اذا خليتها عند امي يسألني منو معاه منو يوكلها منو ينومها لا تجيسها اختج ومن هالقبيل والاسطوانه معنى انا ما اقطها على الخدامه يا امي او خالتي الله يخليهم لي وا اخذها معاي بمشواري
7/يدخل باكلها عطيتها رضعه يقول لا تعطينها توها ماخذه رضعه

خامساً يدخل في شغل البيت هذا وسخ هذا خربان يكلم الخادمه ويعطيها اوامر اقوله انا اقولها يقول انتي باردة مراح تقولين الا بعدين

سادساً حاااااااااااااار يبي الشغل بسرعه يخلص بسرعه بسرعه حتى ما ينام العصر ولا يرتاح عشان يخلص شغله

سابعاً يسوء الظن وايييد مثلا على ابوي يقولي اي يفرق بين احفاده هذا غير وبنتي غير معنى العكس والله مو عشان ابوي بس اهو تفكيره كله جذيه

ثامناً وسواااااس وايييييييييييد يخاف من العين مثلا اذا زوارتنا كشخت ولبست بنتي يقول شحقى باند شحقى ذهب ليش يطالعونها ويسكونها عين

تاسعاً ماعنده شئ اسمه تخطيط كله يصير خير اذا سولفت معاه خلنا نسافر بالصيف يقول يصير خير
انزين خلنا نخطط نحجز لا انتي لا تحنين اذا نبي نروح نرروح لا تحنين شاليه خلنا نحجز للصيف ماكو حجز الناس تحجز من اللحين لا ماكو يصير خير ما يعطي كلمه ثانيته

عاشراً يحب يدخل بالامور اهلي كله يسال وين راحو وين ردوا شنو غداكم شنو بيسون وين بيروحون كله جذي

وحادي عشر يصلي وكل شئ بس مايصلي بالمسيد تيه فترة يروح ويقول صج ارتحت لما صليت بالمسجد ويرد كالعاده وصلاته بسرعه مثل البرق من كثر ما اهو حار وعيل حتى بصلاته

والله تعبت من هالاشياء التافه مليت نفسيتي تعبت

ولا انا اذا صارخ اضل ساكته وارد عليه انت الصح واحنا الغلط وماكو يجرح
وعقبها اذا رحت وزعلت اخليه احوس بالبيت ييني ويتأسف مني ويعترف بغلطه بس شنو اسوي تعبت معاااااه انا بشر عندي احساس ومشاعر ماقدر ما تحمل

بس اللي مصبرني انه ريلي بسرعه يطخ ويعرف غلطه ويعتذر بس كل يوم يغلط ويسب ويجرح وبعدين يراضيني مابي جذي انا تعبت ماقدر

وبعد هاب هالايام لا ينام نوم مثل الناس كله يفكر ببنته او انا طحت مريضه ماكو نوم سنع اقوله ليش ماتنام يقول ماي النوم له ويفكر بكل شئ يحاسب نفسه انا هذا سويته صح ولا غلط ومن هالحجي تشوفينه مهموم

ادري طولت وااايد وقرقت وااايد بس والله مقهورة وتعبت كل يوم حياتي نكد بنكد

يالله شنو اسوي