طالبات تخصص العربي تربية بجامعة الكويت

السلام عليكم ورحمة الله وبركاته
شلونكم بنات انشاالله بخير ؟؟
بلييز بنات انا محتاارة واايد وأبيكم تساعدوني انا بكلية التربية جامعة الكويت تخصصي لغة عربية _ دراسات اجتماعية وهذولا المواد كلها اختيارية عندي ومحتاره شاخذ فاللي مجربة وحده من هالمواد لاتبخل علي بالنصيحة وتقولي منو احسن دكتور اخذت عنده هالماده
تاريخ العرب الحديث
مبادىء الخرائط
مدخل في علم الجغراقيا
تاريخ الأندلس
الجزيرة العربية في العصر الحديث
اتمنى انكم ماتبخلون علي بالردود …
وشكراا

شدعوة ولا رد ؟؟؟
بلييز ساعدوني

هــآآآي حبووبه

انا اخذت مبادئ خرائط حدها مليغه كلا مسائل و قوانين وحفظ و فيها لاب وامتحانها مقالي وموضوعي
وكتابها يغث معني كنت ماخذتها عند احسن دكتوره بالقسم كله ((مها الفرج)) بس طلعت فيها بـ D وكانت اول دي اخذها بالجامعه بس مو الاخيره
اذا انتي كنتي ادبي ومالج بالرياضيات لا تقربين يمهاااا
فيها بعد لاب كمبيوتر ولاب رسم والمعيدين عاد انتي وحظج !!

باجي المواد مادري ماخذتهم بس مدخل جغرافيا ازوينه

اوو الله يوفقج

مشكورة حبيبتي على الرد والله يوفقج ياقلبي
وللان انتظر باقي الردود

عطيني اسماء الدكاتره الموجودين واقولج
بس انا عربي دفعه 2001 غير عنكم في بعض المواد

ام عفاف حبيبتي انا ماجيكت على الدكاتره اللي منزلين هذي المواد
لانهم كلهم مواد اختياريه والزامي اني اخذ مادتين وانا ابي اعرف شنو اسهل مادتين من هالمواد
شاكره لج مرورج ..