— ضغـــــوط ,, ماألحق . —

بنات

انا الصبح وظيفه
والظهر تعبانه وفوق هذا ماانام من العيال

صراااااااااحه تعب
اهم سمالله عليهم 3 ومتعبين وصغار وورا بعض
والحين العن الساعه اللي جبتهم فيها ورى بعض
واكفخ نفسي اسطاراااااات يوميا
لاني حيل ماكله هـــــــــــــــــوى عدل مدل

تعبانه ومرهقه

وفوق هذا عصبيتي زادت عن اول وصارت فيه الغده الخامله
نفسيتي تعبااانه

زوجي ما يساعد
لا مبالي
ما يعاون
ما يخفف علي من الضغط اللي انا فيه

مع العلم
(( مايروح لوظيفته يعني مرتاح طول السنه ))

وما يعطيني مصرف لعياله
تعبت منه حيييييييييل

يشوف انه موفرلي هالشهر سايق والعين عليه كلن يبي هالسايق بعد
وخدامه

حسباله محد بالكويت عنده خدامه وسايق

ولا انا اللي ادفع للخدامه مع العلم المفروض اهو لانه ماعنده التزامات وانا يالله بعمري والتزاماتي

والسايق مااكلمه بعد الساعه 6 المغرب لانه يكون مشغول بالدوانيه!!!!!

ياربي شسوي

كله اوسوس اني اخلعه وارجع للعز والراحه اللي كنت عايشتهم عند اهلي

حتى زوارتي لاهلي منعني منها

على الرغم من كرفي بالمدرسه طول الاسبوع وكل الناس رايحه لاهلها
حاسدني على هالروحه وانا مره بالاسبوع عندهم يعني مو مثل خواته 24 ساعه عند خالتي!!!!!

راحتي عند اهلي والله مااشوف عيالي عندهم وامان وراحه وغرفه العاب

انا حيل حيل ارتاح عند اهلي

بشقتي ماارتااااااااااااااااااااااااااااااااااااح
بشقتي مارتاااااااااااااااااااااااااااااااااااااح

كله اكرف

والله تعبت
وزوجي ما يحاول ولا كلف على عمره يقولي امشي اوديج اسفرج اطلعج
وفوق هذا توه يحس بالغلطه وهي انه انجبنا ورا بعض
زكنت اقوله حرام عليك العيال مسؤوليه

يتعب ويتحلطم لما يوديهم الطبيب
شسوي امنع المرض يعني!!

يتشكى من طلباتهم
الفقارى ما يطلبون كل شي اشريه لهم اناطيب وينك لما قلتي احملي ورا بعض!!!!!!!!
الاعمار 4 سنوات
3سنوات
والصغيره 1سنه
——————–الله يعيني حتى ماانام

ونزله تحت لخالتي ما عندهم مع اني ودي ينزلوووووووووون ارتاح منهم شوي

والله يابنات
صرت اخاف لي كلمتني بنتي الكبيره احس بمشكله بتصير تعبت من العيال وتعبت من الرجال

ابي ارجع لاهلي لانه راحتي عندهم

انا ياناس مو مرتاحه والزواج بنظري حطم حياااااااااااااااتي
————————————–

والله قلبي مليان لحد يلومني
انا تعبانه من الحياه الزوجيه

واااي بعد عمري الله يعييييييييينج
والله لو في ميزه بريلج جان قتلج قعدي واستحملي

بس صج انا مادري شالحل الله يعيينج

الله يعينج واستهدي بالله
الله يفرج همج ويريح قلبج ياااااارب

والله ماأدري شقولج أحمدي ربج إن عندج خدامه وسايق والله لو أكلمج عن حالتي حاليا"شقول وشخلي الله يعين يابنت الحلال أقعدي معاه وصااارحيه باللي بقلبج وقطي عليه جم دمعه>>>دموع التماسيح<<<وأبجي وتدلعي وترجيه يمكن ينفع معاه والله يفك ضيقتج ياااارب

الله يعينج ان شاءالله و يفرج همج

الله يعينج ياقلبي ويرزقج براحة البال قوليله باخذ راحه نفسيتي تعبانه بروح لاهلي جم يوم وارد

الله يعينج صراحه بس قولي الحمدلله ان الله ؤزقج بالعيال و العيب ترى مو فيهم لا تحطين اغلاطكم ومشاكلكم انهم السبب
الولد ينولد ورزقه وياه سبحان الله و غير ال50 اللي تمشي من الحكومة لهم , بس اسمحيلي العيب في ريلج اللي شايل ايده من المسئولية وقاط كل شي على ظهرج !!
والا اليهال ترى نعمه غيرج مو حاصل لها واحد !! الف الحمدلله و الشكر والله يعينج اختي حاولي تدعين و تكثرين الاستغفار عسى ربي يفرج يهمج .

حبيتبى انا ترى يبت عيالى ورا بعض بس قوليلى عمرى بيتج هادى ولالا مرتبه امورج ولالا خليج من الريال , لان طالما ريلج قاط امور البيت عليج ماعليه انتى نظمى امور بيتج وعيالج مثلا خلى امور الماجله عليه لاتشترين انتى شى او خلى السايق لا يصير دخلة الجمعيه يوميا حددى يوم او 2 يوم بالاسبوع , بعدين العيال ثم العيال حكمى عليهم بيد من حديد لا طاوعينهم ابدااااااااااااااا يدشون فرشهم الساعه 8 حتى لو ماينامون موبكيفهم سكرى اضاءات البيت كلها بس على الاباجورات ومافى اصوات عاليه وانتى بعد يبيلج راحه من اللويه لاتنسين جونا حار حتى السيارة مايمدى تبرد لين توصل البيت يعنى دمج يغلى , رخى اعصابج والله سمعينى اخذيلج بالوقت اللى يروحون ينامون فيه دووش دافى مولازم سوالف التنقع بس تعرفين العطور القويه مثلا الجنجر مع البرتقال والسوالف اللى حق الاسترخاء عند بودى شوب فى الكويت اعتقد من شامبو وخلافه تالى اضائة خفيفه بغرفتج وفى سى ديات اللى بس تعطى اصوات البحر قمه انا لاحظة لما اسوى مساج الاجواء مالتهم نفس الشى
اللى اقولج عنها جربى ولاتاكلين وجبه دسمه هم الاكل له عامل بعد
وماعليج الا العافيه عمرى

في بدايت موضوعج ضغط من العيال وبالنص رجلج
ياقلبي شنو افكر اروح لهلي هذوووول عيالج وهذا رجلج اللي حملتي منه انتي اذا مو قد المسؤاليه ليش حملتي
قعدي مع رجلج وفهميه ان الوضوع جذي 1+1=2
قولي انت مقصرر وانا انساانه ضغط على شوفلي حل لو ما جبتي عيال الحين تركضين ادورن الحمال
كلناااااا جي ضغط وتعب
الله يعينج وعليج بالصبرر وربي عيالج وانسى سالفت اروح لهلي وارد مثل اول لان اول راسج انتي الحين انتي و3 ومن غير الخدامه
يعني عايله كاامل الله يحفضكم

سبحان الله نفس سالفة وحده اعرفها
الله يعينج انشالله ويهدي ريلج ويحفظلج عيالج

يعني شنو تبين تتطلقين و تقطين عيالج عنده هذه معنى السعاده عندج ؟؟

حبيبتي خلاص لا تقولين احنا غلطنا و يبناهم ورا بعض ..الي صار صار ….و ادري انهم مسؤوليه ..بس تقدرين توفقين اذا انت عدلتي جدولهم ….مثلا ليش ما تشركينهم بنادي العصاري تقدرين ترتاحين فتره معينه يطلعون طاقتهم …….و بعدين انا اغلب الي اعرفهم اذا عيالهم راحو حضانات ولا روضه ينومون عيالهم مبجر ….يعني 7 او 8 بالكثير ….ووراها يرتاحون …

ريليج ليش ما يساعدج بالمصاريف ؟ قوليله بس بدون صراخ ….انت مدام كل شي قاعده تسوينه …هو اكيد راح يرتاح …

وليش مانع نزلتهم حق الخاله …؟؟؟ مدام في بيت واحد ….ناقشيه …^^

والله يكون بعونج هدي انت شوي ….وحاولي تنظمين حياتج و صدقيني راح تمشي ^-^

كل هذى عيوبه وعايشه عنده شنو مخليج متحمله هاللضغط اكيد في شي مسليج يمكن تحبينه عشان جذي صابره بس انتي مضغوطه عشان جذى انفجرتي ولو ماتحبينه ماجبتي منه ورا بعض اكيد له مزايا بس مع الضغط نسيتي مزاياه لاتفكرين بالكماليات والسفرات ومهايط الحريم ترى كلهن مضغوطات ويهايطون عالفاضي واغلب الحريم يصرفون من معاشاتهم على كشختهم ولبسهم اما الخدامه والماجله وعياله والسايق من مسوؤلياته حبيبتي موملزومه وسيلة النقل على الرجال يدبرها لعياله ولا يوديهم بنفسه للمدارس ولا يشركهم بباصات ويدفع كيفه يشوف اللي يريحه لا عاد هني وقفيه عند حده يصرف عليهم غصبن عنه وبعدين دام انه فلاتي دوامه ليش مايودي عياله المدارس ليش متحملتهم لحالج عيالج بروحج هم واذا بغيتي اغراض الجمعيه اكتبيها بورقه وخله يجيبها هذولا عياله وين المسؤوليه الله يعينج نوعية زوجج مومال عيال ومسوؤليه شوفي قايلج جيبي ورا بعض عشان يشغلج بنفسج ويفتك من حنتج وماتلقين وقت تناقشينه بشي لاتورينه انج قد المسؤوليه ان مرض الجاهل خله يوديه لحاله ليش تصرفين على الجهال غلطانه وربي اعرف وحده لاشرت لو تيشيرت ب9 دنانير حق ولدها تحفظ الفاتوره وتعطيها الرجال ويعطيها ال9 دنانير معلمته ان عيالك عليك انا علي بنفسي اما عيالك عليك فهمتي شفتي الحريم القويات امهات الوجه العريض شلون دربيه على شوي شوي والله يعينج اما الطلاق صعبه حيل حيل معاج كوكش وين تروحين لاهلج باجر الجهال يتهاوشون ممع عيال اخوانج وتشوفين الوجه الاقشر لاخوانج وتذكرين طيبتهم قبل وياج يوم كنتي متزوجه وتزورينهم يوم بالاسبوع وتقولين الله يرحم حالي على الاقل قبل معززه حاكمه نفسي في بيتي ..الله يهدي الامور يارب وعندي بنت خالتي نفس حالتج لها في بيت اهلها اللحين 9 شهور وعندها 4 عيال كارهه الحياه ومنفجره من الضغوطات لاعت جبدها منه وكرررررهته وتبي الطلاق الله يصلح حالج وحالها وحال كل مسلمه يارب

حاولي تنتمين العصر شوي ترا ترتاحين , خليهم عند يدتهم العصر والخدامه معاهم ونامي ساعتين ولا 3 عشان يصر فيج طاقه لي بليل و ترا مو بس انتي جذي والله 99% من الحريم جذي كل شي على روسهم و الرياييل الله بالخير عادي حبيبتي استحملي عشان عيالج

حبيبتي انتي غلطاان مخليف كل المصاريف علييج !!!
انتي معلمته على الربااده وعدم تحمل المسؤوليه

جربي شيلي اييدج من هالمصاريف وخلييه اهو يتحملها ,يمكن يحس ويتغيير

والله يهدييه ويسخره لج

الله يعينج ويفرج عنج