ضعت بين وزارة التربية ووزارة الصحة

السلام عليكم
انا بنتي صار فيها H1N1 والحين صارت زينة والحمدلله بس الحين المشكلة ان المدرسة دقوا علينا جم مرة ان ما اتداوم بنتكم الا ومعاها ورقة من الطبيب انها سليمة من المرة وهذا قرار من وزارة التربية وتم اعلان هذا القرار في التلفزيون وكل المدرسات في المدارس اعتقد انهم عرفوا هذا القرار من بداية السنة لاني مدرسة وسمعت القرار
المهم الحين رحت الخميس المستوصف ابي التقرير انها صارت زينة والحمدلله لكن الطبيب رفض يعطيني الورقة رغم ان قال ان حالتها الصحية ممتازة وتقدر اتروح المدرسة انها عدت المدة المحددة سبعة ايام من بداية اكتشاف المرض يقول ان وزارة الصحة وقفت اصدار هذا التقرير وامنعت ان اي دكتور يعطي تقرير حق الطلاب ورحت حق رئيسة المركز حضرتها طالعة مع ان الساعة عشر ونص الصبح حتى الدكتور نقد قال اليوم الخميس يوم قتلا تو الناس مسكين ارتبك اشوي وحب يرق لها قال اي اهي عندها شغل برة المستوصف انزين ما اكو احد ينوب لا ما في شنو الحل انطروا يوم الاحد لما حضرتها اتي ويمكن اتوافق والا لا شالمركزية بالعمل اذا اهيا طست ما اكو احد بدالها وان شاء الله باجر بنروح وانشوف صاحبة الجلالة تعطينا والا لا لان اذا ما عطتنا ما ادري شنو بسوي اذا وحدة عندها حل اتقولي لاني محتارة ومالي خل نجرة وما اقدر اسكت يعني البينت ما تقدر اتداوم المدرسة واحنا ضعنا بين التربية والصحة الي كل وحدة اتطلع قرار بدون ما ترجع حق الثانية

الله يعينج بصراحه والحمدالله على سلامة بنتج

حاولي تروحين مستشفى الخاص وتقدرين تطلعين تقرير عن حالت بنتج

الحمدالله على سلامة بنتج حبيبتي والله يعينج عالدوخه هذي

يعطيكم العافية ومشكورين والله يسلمكم من كل شر ويحفظ اعيالكم يا رب

لحمد لله على السلامه
انا مثلج ولما رحت للطبيب اول مره لي وما لوش داع
قلتلها هذا قرار التربيه قالت معنديش علم(صح النوم)وقامت دقت على الدكنور الثاني وضليت متنحره لمن كتبتلي على طبيته انه تماثل للشفاء
والحمدلله اي تربيه واي صحه

روحي خاص وسويلها تحليل لانفلونزا الخنازير وان شاءالله النتيجه سلبيه وحطي التقرير بعينهم عشان لاحد يتحجى خاصه انها بتاريخ يديد