ضروري تساعدوني اليـوم بخصوص الليزك

السلام عليكم ورحمة الله وبركاته

بنـات ..انا بسوي عملية لعيوني .. ودقيت على مستشفى دار الشفاء ..ومستشفى السلام ..

بدار الشفاء ..الدكتور محمد وجيـه ..

والسلام الدكتور محمد بدر ..

فـ اللي عندهم تجربة وخبرة بالموضوع بمنو تنصحوني أسوي عنده ؟

باجر ان شاء الله لازم أحجـز ..وبصلي استخارة اليوم ان شاء الله ..

قلت مافي شي يمنع استشيركم ..

ساعدوني بارك الله فيكم

ييتي ابوكتج

عاد كنت بكتب موضوع : اليوم كنت رايحه اسوي فحص ويوم الخميس عمليتي الله يستر ادعووووولي

بس انا بسويها عند محسن ابل لان وايد من رفيجاتي واهلي امجربينه

حبيبتي مغروره الله يوفقج بعمليتج ان شاء الله ..وعاد هااا مو تنسيني عقب ما تسوينها تعالي قولي لي أخبارج ..

أنا كذا بنت من جماعتنا مسوين عند دكتور محمد وجيـه وحيل يمدحونه بصراحة

بس انا قلت اشوف البنات بشنو ينصحوني ..

شكله محد بـ ينصحني !!!

انا انشاء الله بسوي عند د محسن ابل حدي خايفة

حبيبتي انا قبل 9 اشهر مسويتها عند الدكتور محسن ابل هالدكتور وايد ممتاز ومشالله ايده خفيفه والحمدلله اني افتكيت من العدسات ورفيجتي الاسبوع اللي طاف مسويه عنده واللحمدلله الحين ارتاحت والله انا اقول حجزي عنده وتوكلي على الله اهو مكانه بالرقعي مركز البدع الطبي روحي حجزي وتوكلي على الله والعمليه ماطول 20 دقيقه

يمدحون سلطاان المطيري بنت خالتى سوت عنده

السنعه بجم يسويها حسن ابل؟

انا هم ودى اسوي

محسن ابل الفحص سويته اب 40 دينار وانشالله يوم الخميس اقولج سعر العمليه

انا مسويه عند امل دريني….ريال مو مره
في بوشهري كلينك

سويتها عند محسن ابل قبل سنه خوووووووووووش دكتور واهو استشاري
سويتها ب 440 تقريباااااااا

بس تدرون صج ارتحت من نظاره وعدسات بس عيوني صارت حساسه حيييييييييييل وتسببلي صداع بعد العمليه ليزك ومو بس انا سالت كذا وحده مسويه ليزك نفس اعراض تحس فيها الظاهر عمليه تخلي العين حساسه

انا مسويتها والله راااحه
انصحج فيها
ودكتور محمد وجيه الديب وايد شاطر اثنين من اهلنا مسوين عنده

وموفقه انشالله

أهلين حبيباتي جزاكم الله خير على المساعدة !!

شكله خوش دكتور محسن أبل !!!!

والله أنا أمس صليت استخارة واليوم دقيت على دار الشفاء حجزت موعدي باجر ان شاء الله

فـ باجر عندي الفحص ..مادري عاد متى يقررون لي العملية .. دعواتكم

صج بنات عندي سؤال … يمكن يكون عبيط هههه

عقب العملية ان شاء الله راح أشوف ..مثل شوفي الحين وأنا لابسة النظارة أو العدسات !!؟

اتشووفييين احسن من وانتي لابسه نظاره وعدسات

لوووووووول صج والله انا نفس حالتج بس انا باجر عمليتي الخميس الصبح

ادعيلي وادعيلج لوووول
وخنشوف بعدين منو دكتورها الاحسن

اي صح نسيت اقولج ترى قعدت احووس بالنت وشفت محمد وجيه اللي بدار الشفا زين في بنات بالمنتدى امسوين عنده

ليش ماتسوين عند محسن ابل ؟؟ وياي

والله قاعده أفكر فيج مغروره لوووول ..الله يسهلها لج ان شاء الله
سهالات يا بنت الحلال ..وحدة من رفيجاتي تقول ما تحسين فيها كلش مجرد حكة بسسسيييييييطة ..

والله مادري أنا سويت أستخارة واللي فيه الخيرة ربي بيوجهني له ان شاء الله