ضرورى الى النفاس تحط على راسها صبخه عن الهواء

بنات الى بالنفاس ضروري تحط على راسها صبخه بهالفتره عشان تمنع الهواء والا لا

شنو يعني صبخة ؟؟؟

لووول اول مره اسمع كلمة صبخه ؟؟؟

لا حبيبتي مو ظروري بس اذا تبين بعد النفاس احسن .

مو ضروري … بس انا ودي اصبخ بنفاسي لان راسي بيتفجر

راسج بينفجر ……يابرد يا من الكمام
اخذي زيت زيتون وحطي عليه حبه البركه مطحونه ودفيه بحيث انج لا حطيتيه فوق راسج تحسين بحرارته بس عاد مو حار حيل افرقي شعرج وابدي من نص الراس وصبيه صب بتحسين بدفا وريلاكس ولفي راسج بشيله ثقيله شيله تدفي وبترتاحين انشالله
الصبخه ما انصحج فيها الحين

تصدقين قطوه انا ماعرفت عوار الراس الا عقب ولادتي الاخيره اللي خذيت فيها كمام

وكانت اول مره اخذ كمام ومن يومها ماشفت العافيه .. الظاهر اني من الناس اللي ماتتحمل المخدر

وانا بشهري الحين وقلت اذا ولدت بنفاسي بحط صبخه يمكن يخف

والحين افكر بأبرة الظهر لان الكمام اثر علي والله يستر جان ما هالابرة سوت فيني شي بعد لوول

بجرب طريقتج ان شاء الله مشكوره حياتي

أخاف اللي فيج فرررررررررررري الله لا يقوله ….بس ..اذا فري اصبخي لا خلصتي نفاستج
وإبره الظهر تخوف لا تستعجلين راجعي قرارج واستخيري

لا غيوض موضروري الصبخه حق ألي رأسها فيه فري أويعورها حيل وماينفع فيه البندول أو ألي تحس بصوت بأذانيها وراسها.

السلام عليكم ورحمة الله وبركاته ..

الحين الموضوع عن شنو بالضبط بس ياريت توضحون الكلمه هي صبخه وله لبخه وله شنو ؟؟

لان في لبخه هذي الي اعرفها الي يحطونها وقت النفاس علشان تبرد الراس وتسويها لج الرداده بطريقت الشاش وتربط راسج وممكن تسويها نفسها تحطها لج اخر الظهر منطقت " لعزيزوا " تسحب الحراره والتعب "

هذا الي اعرفه اما صبخه ياريت تعلمونه شنو يعني ؟؟

وحق شنو ؟؟ وشنو فايدتها ؟؟ وشنو طريقتها ؟؟

وجزاكم الله خير

اي والله وات ذا ميننق اوف صبخة ومنكم نستفيد

شنو صبخة وشنو فري
ممكن بليز نعرف

نفس الوضع
ما فهمت لا صبخة ولا لبخة ولا فري

حسب معلوماتى البسيطه الى قريتها عن الموضوع بالمنتدى الفرى عوار يحوش الراس مثل الصداع بس يكون مستمر وتتحس الوحده من الاصوات العاليه وشغلات وايد وعلاجه اللبخه في حريم يسوونها بصراحه ماادرى شنو يحطون باللبخه تمص الهوا الى براس كله وبعد تقيس لج الراس قبل اللبخه وبعدها راح تحسين ان القياس قل لانها سكرة الراس …… بس الصبخه ماادرى شنو

بنات عفيه ضروري أبي أسأل عن خبيرة الأعشاب أم خالد بخصوص النفاس