ضرسي ذبحني من العوار ساعدوني

السلام عليكم خواتي انا حامل ببداية الخامس وصار لي فتره وضرس العقل ذبحني بالعوار طالع بس راسه والباجي يقول الطبيب مستحيل يطلع لان مافيه مكان وعوي والطبيب يقول عادي شيليه منو شالت ضرس وهي حامل اخاف البنج ياثر جاوبوني بلييييز والله يهون عليكم ويرزقكم بالذريه الصالحه

والله ماعندي فكره عن ضرر البنج بس انا اعرفلج وحده شالت ضرسها بدووون بنج ماشاللة عليها قوية

مشكوره ملاك بس لو اموووت ما اشيله بدون بنج انا اكبر خوافه مع البنج ويالله .. وباجي البنات ردو علي

هلا ختي غردينا ما تشوفين شر حياتي
انه في الشهر الرابع ضرس العقل شب علي شبه ما اقدر انام ابدا وجربت كل بندول الصيدايات المهم رحت حق دكتورتي وسألتها قالت شيليه ببنج خفيف شلته عند دكتوره الاسنان لا تطوفج دكتورتي خاصه اذا تبينها ادليج عليها يابت لي دكتور حط لي بنج جل خفيف شفاف وعطاني ابرتين لثه خفيفه الابر قالت لي داخل وايد الضرس لازم دكتور هندي متخصص اهيا مو تخصص شيل وشلته قتلهلم لو اموت عوار ساعه بستحمل بس شيلوه كنت ابجي شهر ونص وريلي مات مني شوفي الابر خفيفه بس والله استحملت الم 6 دقايق وشاله الله يعافيه ويسلم يارب الحين ضرسي هم شاب علي والعقل بعد بس اكلت دوا اسمه اوموكسيل فضيع لا يطوفج

ماتشوفين شر واي استفسار حاضره

جزاج الله خير الكويت حياتي بس ياليت تقولين لي وين العياده وحسيتي بعوار لما شالوه؟؟ ولا كنتي مخدره؟ انا مابي احس بشي

افا عليج واجب العياده لا تنصدمين بالمهبوله تخيلي انه بيتي بالسره واروح لها عياده الدكتوره عاليه الفضلي وبكتب لج رقم العياده واسم الدكتوره لاتا بالنسبه الى العوار اي حسيت بس ضحيت من اجل الراحه والعوار كله ربع او عشر دقايق وفكه قتلج تخديري بس جل وابرتين خربوطه لاني حامل كنت ؟؟ اذا ما تبين تحسين لا تروحين وحااضره لخدمتج

23732343

يسلموو حياتي وانشاء الله اتشجع واروح

الله يسهل دربج

الله يعينج ياقلبي والله مادري بس صج الضرس يذبح

حبيبتي روحي الطبيب بس قوليله انج حااامل و اهواا راح يعرف نسبه البنج الي تحتاجينه

انا توني شلت ضرسي العقل وانا بالشهر السادس
شب علي مره وحده واي مت من العوار خدي كله وضروسي ولثتي كلها متخدره من العوار ماتتخيلين العوار الي يالي رحت الراشد عند الاسنان قتله حامل قالي هذا ضرس العقل وطقاني ابرتين بنج وشاله اقل من 5 دقايق مايطول بس صارلي 6 ايام وللحين يعورني ضرسي الي يمه مادري شسوي قلت اخاف الي يمه فيه عصب ومايدري وشال العقل الله يستر ويعيني وعطاني بس بندول لان مايقدر يعطيني شي غيره بس مايسوي شي البندول مايوخر العوار بس الحمدالله اهون من العوار الي يالي قبل

الله يشفيج

مشكورين وجزاكم الله خير بروح باجر الطبيب

حبيبتي خمالي اللي طاف سويت ضرسين عصب بالراشد كنت بالرابع و خذيت بنج حوامل اللي ما فيه ادرينالين
والله حمدلله بنتي ما فيها الا العافيه

الله يشافيج ويسهل عليج شيله الضرس