صلات الاستخاره ؟

قوه بنات شلونكم

ذاك اليوم كتبت موضوع عن صلات الاستخاره و انمسح حتى بدون ما يذكروولي السبب

الحين ابي اعرف متى انسب اصليها ؟

مشكووره قلبي
انا اعرف شلون
بس مادري اي وقت يناسبها ؟
قالولي قبل لا تنامين
هل الكلام صحيح ؟

اي انا سمعت يفضل انج تصلين صلاة الفير بعدين تصلين صلاة الاستخارة

حبيبتي contessa
صلاه الاستخاره باي وقت تصلاينها وتصلاينها لمن تحتارين بين أمرين واذا تبين تتأكدين سألي المشايخ

لا يشترط قبل النوم
اي وقت اصلينها
طبعا غير الاوقات المنهي عنها

السلام عليكم اللي اعرفه عن صلاة الاستخارة مو اذا الواحد احتار بين امرين اللي اعرفه انه الشخص يقرر اللي يبيه و يستخير رب العالمين بالقرار اللي اهوا خذاه فرب العالمين اهني اهوا يا انه اييسر الموضوع اللي انتي تبينه او يوقفه لج و يوعوضج خير منه … و الاخت اللي قالت تصلينها عقب صلاة الفير مايجوز الواحد يصلي عقب صلاة الفير يعني عقب الشروق بعشر دقايق ندش وقت الضحى بهالوقت اوكي … بس انا بالنسبه لي اصليها قبل لا انام عشان يكون بالي مرتاح وماافكر بشي اصليها و انام … و يصير تصلينها باي وقت بس مو الاوقات اللي منهي عنها الصلاه … و شكرا

لوسمحتو بنات أبي دعاء الإستخاره لاهنتو

بارك الله فيكي يا اختي وجزاها الله تعالى كل الي ترد عليكي

السلام عليكم
مشكورة اختي contessa
بنات انا توني متخرجه من الثنوية الحمدلله
ومحتاره بين كليتين وابي اصلي استخاره
بس مو عارفه اشلون
كل ما اسأل احد يقولي كلام غير عن الثاني
يعني ناس اتقول لازم ورا صلاة العشا
وناس تقول عادي بأي وقت
وناس تقوول ما يجوز اصليها اكثر من مره لازم مرة وحده وتمشين عالاحساس اللي حسيتيه اول مرة
وناس تقول لا لازم تصلينها اكثر من مرة لأن المرة الاولى يمكن يكون الشيطان موسوس
دخت صراحه

الله يخليكم اللي تعرف الطريقه شلوون تقولها
وراح اكون شاكرتلها
ويا ريت بأسرع وقت لأن تسجيلي عقب باجر

* دعاء صلاة الاستخارة
عَنْ جَابِرٍ رضي الله عنه قَالَ :-
كَانَ رَسُولُ اللَّهِ صلى الله عليه وسلم يُعَلِّمُنَا الاسْتِخَارَةَ فِي الأُمُورِ كُلِّهَا كَمَا يُعَلِّمُنَا السُّورَةَ مِنْ الْقُرْآنِ يَقُولُ :-
إذَا هَمَّ أَحَدُكُمْ بِالأَمْرِ فَلْيَرْكَعْ رَكْعَتَيْنِ مِنْ غَيْرِ الْفَرِيضَةِ ثُمَّ لِيَقُلْ :
( اللَّهُمَّ إنِّي أَسْتَخِيرُكَ بِعِلْمِكَ , وَأَسْتَقْدِرُكَ بِقُدْرَتِكَ , وَأَسْأَلُكَ مِنْ فَضْلِكَ الْعَظِيمِ فَإِنَّكَ تَقْدِرُ وَلا أَقْدِرُ , وَتَعْلَمُ وَلا أَعْلَمُ , وَأَنْتَ عَلامُ الْغُيُوبِ , اللَّهُمَّ إنْ كُنْتَ تَعْلَمُ أَنَّ هَذَا الأَمْرَ (هنا تسمي حاجتك ) خَيْرٌ لِي فِي دِينِي وَمَعَاشِي وَعَاقِبَةِ أَمْرِي , فَاقْدُرْهُ لِي وَيَسِّرْهُ لِي ثُمَّ بَارِكْ لِي فِيهِ , اللَّهُمَّ وَإِنْ كُنْتَ تَعْلَمُ أَنَّ هَذَا الأَمْرَ (هنا تسمي حاجتك ) شَرٌّ لِي فِي دِينِي وَمَعَاشِي وَعَاقِبَةِ أَمْرِي , فَاصْرِفْهُ عَنِّي وَاصْرِفْنِي عَنْهُ وَاقْدُرْ لِي الْخَيْرَ حَيْثُ كَانَ ثُمَّ ارْضِنِي بِهِ , وَيُسَمِّي حَاجَتَهُ )

مشكورة حياتي على الدعاء

^^
العفو
دعواتج …

ماقصروو البناات