|
|
شلووونكم ابلااااات
ادري دوختكم اليوم بمواضيعي
بس هذا اليوم الوحيد اللي فاضية فيه مكروووفين بالثانوية 
ابلاااااااااات ابيكم تساعدووني
ودي الاقي حل لمشكلة صف من الصفوف اللي ادرسها
صف مشااااااااااغب بصورة مو طبيعية
ما يفيد فيهم اي شي
كل المدرسات يشتكون منهم
ويبنا اولياء امورهم
وهم ما تعدلو للحينهم على حالهم
الحمد لله لا يركزون ولا يخلون الشطار اللي معاهم يركزون حتى الشطار بلشوا يختربون من وراهم
صف ما يهمه الا انه يخلي المدرسة تعصب
تصورو بمادة من المواد والابلة تشرح قامو يطلبوون ويغنون
ولا فارقة معاهم بالمرة
شرايكم شنو نقدر نسوي فيهم؟؟
لا تقولون فصل هذول حتى الفصل ما يفيد فيهم
اي صف انتي تدرسين
هل هو عاشر او حادي عشر
لان هالبنات النسبه تنشال معاهم
بعدين في فصول مشاغبة تزيييييييد بالصراخ والتهديد
وفي فصول لما تسايسينهم بطريقه ( غييييييييير مباشرة ) يمشون معاج
في البدايه لما ادخل على الصف
اوقف الى ان احصل شويييية هدوء
وابتدي اشوف كل بنت بنظرة طويله لحد ماتخاف وتسكت
عقب ابتدي اقول لهم
الرسول الكريم اللي ناخذه مثل لنا في حياتنا وقدوة في اخلاقنا شنو قال في حديثه الشريف ؟؟
ردو التحية بمثلها او ….
واخليهم يكملون خل يذكرون الرسول
وقولي لهم انا الحين واقفة ومحترمة وجودكم
فيا ريت توقفون مثلي وتردون التحية مثل ما انا اقولها
وانطر الى ان يوقفون
وقولي اللي تبيني اقول لها التحية بطريقة محترمة تستعد
اما اللي مو عاجبها حديث الرسول ولا طريقة تحيته فيا ريتها توقف ورى شوية عشان ما نفرض عليها شي ماااااا تحبه
طبعا هذي طريقتي في اول حصة لي معاهم
بعدها
المجموعه المشاغبة ابدا ابدا ابدا ما اهاوشهم كلهم ولا اعاقبهم كلهم
اخلي وحده تكون كبش الفداء
واكلمها بطريقة انتقاد تفشلها شوية يمكن يحصل مرادد بس ابتدي اقولها فرضا امج قاعدة تسولف وتجي زميلتج فلانه وتقاطعها وتشتت الناس عنها وتفشلها
ترضين عليها ؟؟؟
اشلون ما تبيني ازعل وادافع عن حصتي وحقي في الكلام؟؟؟
في النهاية اوقف البنت ورى واروح حق دفتر الدرجات واحط ملاحظة عند اسم البنت
وعلى هالطريقة استمر مع المجموعه المشاكسه وما انسى امدح البنات المميزات
تصدقين عندي بنات في الحادي عشر علمي وفي هم مشاغبة سويت هالطريقة معاهم
وفي حصة العملي ما يخلصون بسرعه ، سويت معاهم سوالف ابتدائي وجبت استكر مكتوب عليه You’re the best وقلت لهم الشاطرة العاجل اللي تخلص بسرعه راح تاخذ هالستكر
ما توقعين شنو صار حتى انا ما توقعت يصير تنافس جذي حتى من البنات اللي عايدين السنه !!!
والله يعينج
ولا تنسين البنات اللي معاج ينفع معاهم اذا شفتيهم برى الصف خصوصا المشاغبات امدحي شي في شعرهم ولا موديل المريول عشان يستانسون عليج
وقولي لهم انتي مبين عليج ذكية بس للاسف حييييييييييل ماشية ورى البنات ومدوهينج عن الدراسه
الحصه اللي بعدها طالعيها وانتي تشرحين وابتسمي وقولي معلومه وعيدها بعدين اطلبي من البنت تقولها
واشكررررررررررررري فيها وقولي لها ياشاطرة
وكرري الخطوة مع غيرها
والبنات اللي يقرقون ورى قولي لوحده منهم بالحصة تعالي عندي جدام استانس على شكل البيبي فيس اللي عندج
وهالشكل بس لا تنسين اللي تشيطن خليج حاااازمة معاها
وقولي لي شنو يصير معاج
ردج وااايد حلو ومفيد
والله انا اول السنة كنت واييد زينة معاهم ودايما اضحك معاهم بس بعدين تمادووا حيل
الصف الوحيد اللي عمري ما قدرت عليهم
حتى بالصراخ مو فايد معاهم
بس بجرب معاهم وبسوي نصايحج اشوووف شيطلع معاهم
ان شا الله يتعدلوووون
ادعيلي
اهم بنااات عاشر مو حادي عشر حادي عشر كلهم زينيين معاي صج فيهم شطانه بس وقت الدراسة دراسة
يعطيييج العافية
وبميزان حسناتتتج ان شا الله