صديقتي مفصوله من الجامعه مده . ساعدوها

قوه بنات …

صديقتي و بنت جيرانا .. مفصوله من الجامعه .. بسبب المده ..

معدل التخصص كان عليه إنذار و رفظو يعطونها كورس ترفع فيه المعدل … و إنفصلت ..
إجنازت كل المواد ..

و كلهم ناجحه فيهم ..
لولا دكتور حسبي الله عليه ..
مارضى يرفعها عندا فيها … وو إنفصلت…

ألحين المواد اللي خلصتها تروح عليها ؟!

ويين تعادلهم إذا مواد علميه ..

في جامعات تعادل موادها…

بنات ساعدوها الله يخليكم .. والله لادعيلكم .. بس لا تنسونها …

الله يعينها وحسبي الله علية .. ماسعدها معنة لو وراها مصلحة " اسم اهلها " او من يايبه عندة واسطة جان يابت درجة زينه ختقدم تظلم و تطلب اعادة قيد وتروح عند مساعد العميد لشؤن الطلابية او العميد وتشرح له الحاله وحرام تخرجت بس ترفع المعدل يعطونها اعادة قيد وتصير حاله استثنائية .. لا تخليهم كل يوووم لازم تروحلهم وتسأل شصار .. وتنشب فيهم ياللله يردونها..

بعدين الكورس الصيفي يحق لها لان الكورس الصيفي تبع الكورس الثاني تاخذ صيفي مواد وحداتها وايد ..

هلا حبيبتي .. تقدر إذا عندها فلوس و إمكانية ..

إنها تقدم بالجامعة المفتوحه .. وكل كورس ترى ما يكلف .. كل كورس يمكن 250 . دينار .. أو 300 .. حسب المواد ..

وإنتي تقولين إنها مجتازه مواد واجد . يعني بإذن الله ما يبقى عليها شي … بس إنتي تقولين معدلها نازل وفي جامعات تشترك الإي و البي .. عشان تاخذ الماده يعني سي ودي … حتى لو معديتها ما ياخذوها ..

يمكن ما تمشي معاها هالسالفه لأن معدلها ضعيف على قولتج مو ؟؟ خل تروح بسرعه للجامعه المفتوحه أو الجامعه العربيه تشوف … بسرعه قبل لا تصير موادها قديمه ولا ينفعونها بشيء ..

حرام ..

وإلا بتضطر ترجع تنقبل من جد و جديد و موادها اللي خذتهم تاخذهم مره ثانيه قههههههههر ..

الله يعينها ..

أو أي جامعه بالكويت عندهم تخصصها .. ما أقدر أفيدج بهالأمر لان ما عندي خبره .. بالجامعات الخاصه..

دقي تلفون و سأليلها إنتي ولج الأجر إنشالله .. وفعلا شوفي واسطه عان ترجع .. كحاله إستثنائيه .. تمشي هالأمور

قبل هالحوسه ودفع الفلوس .. عالخاص ..

الله يسامح بعض الدكاتره مايساعدون البنات

إهي مفصوله الصيف اللي طاف …. 2024 …

و هالدكتور ما رضى يساعدها …. و لما جابت واسطه …. قالها ما تلوين ذراعي .. ( إهو يقبل واسطات … بس حطها في راسه)

و للأسف الشديد … أبوها توفى الكورس الأول و ما كانت تقدر تراجع الجامعه أصلا نست السالفه …من الحزن…

بنات .. إهي أكبر خواتها و خوانها و آخر سنه لها أبوها تدهورت حالته …. حيل و فجأه طلع فيه الخبيث … و سبحان الله تخيلو حالتها .. المسكينه لا ليلها ليل و لا نهارها نهار…

ألحين إذا مرت سنه على الفصل .. يصير تسوي تظلم ؟

ليش انفصلت انذارات معدل ؟

البنت في اي جاامعه

والفصل بسبة شنو بالضبط

خلها تروح الجامعه تسألهم أحسن لها،يمكن يلقون لها حل

خلها تروح العماده بالشويخ وتسأل..

أو تروح التطبيقي يمكن يعادلون لها

أنا أعرف وحده إنفصلت من الجامعه بسبب المعدل، وراحت التطبيقي وعادلولها مواد طبعا بمساعده الواسطه

والحين تخرجت وصارت مدرسه!!

الله يعينها خل اتصلي صلاة حاجه ان شاء الله ربي يسهل امورها ويسخر لها من يعينها

اللوم مو بس عالدكتور اهي لو شاده حيلها من الاول جان ما احتاجته لا اهو ولا غيره ليش ماتقدم لجنه يمكن ردونها؟

أول شي الي اعرفه معدل التخصص ما يفصلونها عشانه
لكن اذا جاوزت المده الاعتياديه و الاضافيه يفصلونها او يهددون بالفصل الا اذا خذت استثناء يعطونها كورسين زياده

الاستثناء اذا ما سعت فيه كمعامله عاديه و مألوفه مع ادارة الجامعه ،يفصلونها

الي عليها الحين تروح سكرتارية القسم و تقعد مع وحده فاهمة هناك لعل ربي يطيحها بيد من تعطي من قلب و تساعد و تعلمها شتسوي.

أو اذا تبي تقطع عرج و تسيح دم..و انشالله تصيب ما تخيب ، تكتب كتاب رسمي تشرح فيه ظروفها و ليش محتاجه تمدد و تصور معدل آخر كورس و تدخل على عميد الكليه مباشره و يفضل اذا كان معاها احد(اخو عم خال) احسن لها.

و قبل كل شي تقيم الليل و تدعي الله بالسهاله و عسى الله يفتح لها ابواب الخير و البركه

حبيبتي

خل تروح جامعه خاصه ..

يعادلون كل المواد اللي ماخذتها

ويعطونها بس الماده اللي ماخذتها

ويعطونها شهاده

وخلاص كان الله غفور رحيم

وطز بالدكتور الحقير