صديقتي بالعمل ربت ساعدوني

السلام عليكم صبايا شلونكم

بغيت اسالكم معاي صديقه بالعمل هي مش صديقه صديقه لا تعرفت عليها من خلال العمل وياي وصارلنا سنه تقريبا للحين وهي اكبر مني ب7او 8سنوات بس المهم هي اكبر مني ام عيال ماشالله
وانا صغيره بالعمر 24ومب متزوجه اصغر وحده بالشغل والكل معاي اكبر مني بسنين
المهم هذي صديقتي ربت من اسبوع تقريبا اللي بعرفه يصير اروح ازورها بالبيت مع امي
ولا لا اخاف اتركها وتاخذ باخطرها بعدين واخاف اروح يضحكون علي يقولون هاي صغيره ومن هالكلام وماعليها سرهه

المهم ساعدوني شسوي الكل زارها اللي بالمستفي والي بالبيت طبعا كل اللي زاروها بنات الدوام معاي كلهم كبار امهات عيال وانا اصغر وحده بينهم عشان جي توهقت اروح مع امي ولا ؟؟

ياليت ماتطنشوني بليزززز او تحذفون موضوعي

السلام عليكم
حبيبتي ما فيها شي تزورينها مع امج

واذا مستحيه من الحريم تقدرين تدزين لها بوكيه ورد وجوكليت حلو وراقي وتدقين عليها تتحمدين لها بالسلامه

مع انه انا ما اشوف فيها شي لو تروحين مع امج جدا عادي
وانا مثلج يعني قبل لا اتزوج كان عندهم عيب اطلع ازور زميله ولا رفيجه بس مع امي ما يقدرون يقولون شي

حبيبتي عادي روحي لها مع امج

هالمناسبات والوصل مطلوب تكسبينها وتأدين اللي عليج وحلو الواحد يزيد معارفه حتى لو هي اكبر منج مافيها شي تمرين عليها اذا تحسين انها بترحب بج

السالفه مش سالفه عيب
لا عادي
بس انا كتفكيري هل يصير اروح واوجب الزياره بحكم اني مومتزوحه وهي اكبر مني بست او 7سنوات عادي ولا ؟؟

مشكورررين حبايبي علي ردودكم

وانا قررت اروح بس قولو لي شعطيها
اكتفي بالفلوس ولا اعتمد علي القهوه والجاي والفواله
ياليت تساعدوني

مشكورين حبايبي علي ردودكم
وانا قررت اروح بس قولو لي شعطيها*
اكتفي بالفلوس ولا اعتمد علي القهوه والجاي والفواله*
ياليت تساعدوني

اخذي فلوس بمبلغ حلو مع بوكس حلو فيه ميكس سويتات شغل مرتب
وبلعكس شنو فيها اذا زرتي رفيجتج اهي اكبر منج بجم سنه وانتي بعدج بنت وتقدرين تاخذين الوالده عادي

حبيبتي انا باخذ فلوس وسويت بس الفلوس احطه بضرف واسلمها لها ولا احطه عند المولود

شوفي الخاص حبي

هم بعد تحطينه بظرف مرتب وتحطينه عند المولود

عادي اشدعوا

وانتي منتي صغيره بالعكس روحي واهديها فلوس مع هديه

وتردها باجر لج بأي مناسبه لج

ترا مو شرط انج متزوجه او غير متزوجه

معاها 👌

حركتج وايد حلوة اذا يتزورينها مع الوالده بالعكس لو انا مكانها وايد راح افرح
انتي بلغيها ان ودج تباركين لها و تبينها تحدد الوقت اللي يناسبها
بجذي سويتي اللي عليج والباقي عليها
ويعطيج العافيه خوش حركه منج

لا عادي زوريها مافيها شي