صديد الجيوب الأنفية واللوز

السلام عليكم ورحمة الله وبركاته..

ابي اسالكم انا باللوز والجيوب الانفية يطلع منها صديد
وحيل متأذية منه لأن ريحته تلوع الجبد
واحيانا يعلق الصديد باللوز مهما اسوي غرغرة ما تطلع فتخلي ريحة الحلج مو حلوة
ومو عارفة شسوي
منو مثل حالتي وشنو سوت ولقت حل نهائي للمشكلة ولا لأ

ابي افتك من الصديد اللي كرهني بحياتي

والمصيييييييبة الكبرى اني بتزوج عن قريب؟؟؟

حبيبتي لااازم تروحين دكتور متخصص بالانف والاذن والحنجره
علشان يوصفلج مضاد حيوي ولا ترى الريحه تزيد وتتعبين اكثر

مشكورة ي الدلال والله يجزاج خير
بس المضاد الحيوي اذا استخدمته ما يرجع الصديد
ومنو دكتور انف واذن وحنجرة تنصحوني فيه ؟؟

بالعكس المضاد الحيوي يعالج الالتهاب من جذووره

وانا ولدي نفس سالفتج كان بس كان معاه لحميه ولوز وشلناهم

عندج د.عبدالله العلي ممتاااز حق هالسوالف
وفي دكتور بالهادي انف واذن وحنجره ووايد ممتاز اسمه جمال, هذا احسن شي عندهم بالهادي