صج هالخبر !!

السلام عليكم حبايبي , الصراحه ىنا وايد خايفه وبغيت أسألكم صج التعيين اليديد كله يودونه محافظه الأحمدي

آنا تخصص تربيه فنيه

وياليت تقولون لي أيهي أحسن وأرقى منطقه بمحافظة الأحمدي وأحسن مدرسه فيها وبسألكم يصير أدرس روضه أو ثانوي؟

سوري على كثر الأسئله لإن صج متوهقه

لا مو صج

لاني انا قاريه خبر بالجريده مو بس محافظة الاحمدي

اي صج دايما رياض الاطغال والفنيه يعينونهم بمناطق بعيدةهذا اللي اعرفه

لا ماعتقد كل سنة يقولون جذي وتطلع اشاعة

حبيبتي اي صج انا تربية فنية والكورس اللي طاف شتغلت اذا كان بيتكم في منطقة حولي تعينج بالأحمدي واذا بالعاصمه راح يكون بالجهراء ولا تحطين في بالج واسطة لان ولا واسطة راح تنفع ان القرار وزاري موقعه عليه نورية الصبيح يعني محد يقدر يغير شي وتقدرين تروحين متوسط لان انا الحين ادرس متوسط والثانوية والله ماسمعت راحو على طول بعد التعيين شوفي اذا اخترتي متوسط راح تكون المناططق قريبة انا بيتي في بيان عينوني في جابر العلي لاني متوسط لو اني ابتدائي جان فحيحيل او ام الهيمان ولا تخافين المتوسط وايد اسهل من الابتدائي منهجهم مثل الكلية حزف خشب تصوير تصميم وانتي تختارين شنو تبين درسينهم يعني ماكو خطة تمشين عليها

على حسب تخصصج والمنطقة التعليمية إللي انتي فيها

مثلا ً خريجات رياض الأطفال بنات المنطقة الرابعة " الفروانية وضواحيها " تعيينهم بالجهرا التعليمية لانه الفروانية اكتفاء

كل تخصص غير بس صح سمعت تخصص فنية أول شي تعيينهم بالأحمدي

موفقه ان شالله لو المكان بعيد أهم شي يكون زين ومرتاحه فيه

الله يعينج

وحده اعرفها فنيه كان تعيينها بالصليبيه مسكينه سنتيين تخيلي !!

لاعت جبدها وصارت معاها مواقف ماتنقال

اممم انتي بس ادعي انه تكونين بمدرسه بنات مو صبيان

وصج صج الله يعينج

حبيبتي كلنا جذيه اول تعيين يقطونا بالمناطق البعيدة مثل الاحمدي و الجهراء وبعدين تطلبين نقل وتشغلين الواسطة
لاني مثلج وكان عندي واسطة قوية بس قالولي استحملي اول سنه وبعدين ينقلوني
والله يعينج وسعي صدرج وحاولي تروحين امبكر عشان اتنقين المناطق الاقرب وترى موبس تخصصج كل التخصصات

امبيه خرعتوني ,, لا كلش ولا الصليبيه والله أقعد في بيتنا أبرك ولا أروح للمصايب حتى لو أنفصل !!

انزين ما تدرون إذ يصير أدرس روضه ؟؟

عاد انتي وحظج
انا تعيين السنه اللي طافت ونفس تخصصج
كل اللي تعينوا معاي قطونا بمحافظه الاحمدي

حبيبتي في الوزارة عندهم قرار كل تخصص وين يقطونهم
عشان تتطمنين أكثر روحي وزارة التربية قسم التنسيق عندهم القرار

من صجكم ؟؟

التعيين حسب الحاجه ..

شلون يعني توها متعينه تروح للاحمدي و بيتها مو في الاحمدي ..؟ اذا جهراويه يعني شلون ؟ تؤجر بالاحمدي ابرك لها من المشوار ..

الله يعين ..

ههههههههههههه الظاهر سيتم صرف عبائات سوبر مان للطيران للمناطق الخارجيه وياقلب لاتحزن شنقول بس

طيب بنات تدريبكم كان باى منطقة نفس منطقة التعين ولا منطقة السكن

التدريب الميداني على اسم المدرسه اللي تبينها , كل وحده ودوها المدرسه اللي اختارتها يعني بمنطقتج أو غيرها كيفج ,,,

آنا بيتي بمشرف اشلون أروح الأحمدي …!!!!!!!!

بنات إذ سحبت أوراقي وقدمت الكورس الثاني يودوني هناك بعد