صج هالحجي بنات قانون يديد ممنوع زواج البنت الاقل من21 سنة ؟؟؟؟ق

قوه بنات .. شلونكم ..

هالايام قاعدين ندور لاخوي بنخطب له ولقينا بنت عمرها 18 يوم يينا نخطبها جان تقولنا وحده ممنوووووووووووووووع الحين القانون اليديد ما يزوج البنت الا الي عمرها 21 وفوق ؟!!!!!!!!!!!!!!!!!!!!!!!!!!!!!!!!!

انصدمنا صدمة عمرنا .. قلت لها متى ما سمعنا بهالحجي ؟؟؟ جان تقول امبلا توني حاظره زواج بنت حماي مخطوبه قبل لا تكمل 21 بشهرين ما رضو يملجون لها قالوا لازم 21 سنة ونطرها الريال لين كملت 21 يالله ملجو ؟؟!!!

صراحه مو داشه مخي السالفه يريت الي عندها الخبر الاكيد تفيدنا ..واذا كان هالحجي صج .. شنو هالمسخره .. احنا عندنا يالخليجيين 21 سنة لعمر البنت وايد ؟؟ تعتبر كبيره ؟؟ صراحه ما عندهم سالفه لو حطوا هالقانون .. معناها الولد الي عمره 21 وبيتزوج ماله امل ياخذ وحده اصغر منه ؟!!!!!!!!!! يا كبره يا اكبر .. يا ينطر جم سنه يالله يتزوج ؟؟؟؟ منصجهم !!!!!!!!!!!!!!!!!

وتسلمون ..

الي قريته بالجريده اليوم ان اذا الفحص طلع مو سليم
ما يحق لـ ولي الامر انه يوافق لازم البنت نفسها توافق على الزواج .. وطبعا ما يصير توافق الا بعد ما تكمل الـ21
بس اذا طلعت نتايج الفحص مو سليمه !!

هذا الي فهمتـه ..

وهذا الموضوع الي قريته ..
https://www.alwatan.com.kw/ArticleDetails.aspx?Id=10401

اول مره اسمع !!

جآن زين..

صراحه هليام الي عمرها 18 احسها ياهل مو مال مسؤوليه ولو تفكرون جان لقيتو جواب البنات بسن 18 توهم فاجين عيونهم على طلعات وروحات ولبس يعني ما يفكرون مسؤوليه خير شر الا قليل منهم

كلش ما اتوقع يحطون قانون جذيه شالسالفه حتى بالزواج يبون يتدخلون !

اتوقع مثل ما قالت الاخت {pink}

اشوه حسبالي القانون صج .. لا وتقولي خلااااااااااص طبقوه خرعتنا ..

البنات صح في بنات عمرهم 30 وعقلها عقل ياهل واي مسؤلية ما تقدر تتحملها .. وفي بنات صغار ما شاء الله عليهم عقل وثقل وسنع ولو انه صارو قله بهالزمن ..

ان شاء الله تطلع البنت مثل ما نبيها لاخونا والله كريم ..

بصراحه اختي انا كلش مو معاج بكلمه ان البنت عمرها 21 كبيره

انا عمري 19

بس في بنات يوصلون 25 حتى مطبخ ما تعرف
شلون بتتحمل مسؤوليه ريل

وحتى الشباب عمره 21 انا ما اعتبره ريال ولا عنده مسؤوليه خصوصا هالجيل

على العموم الله يوفقهم يارب ويتمم عليهم

مادري والله اول مره اسمع فيه !

بسمه انا معاج .. بس اذا بنت عمرها 25 ماتعرف شي وما تمسك مسؤلية بيت فالشرهه مو عليها الشرهه على امها الي ما سنعت بنتها .. شنو هالمسخره ؟؟؟ انا هذا الي حارني بنات الكويت شفيهم صايرين جذي تخيلي رفيجاتي يخطبون لاخوانهم من دول الخليج تدرين ليش .. يقولون بنات الكويت ما فيهم سنع وهم نفسهم كويتيات بس لما يخطبون لاخوانهم يدورون من بره ..

وانا اعارض هالشي بس بيني وبينج معاهم حق من الي نشوفه ..قلة قليله الي سنعه اغلبهم لاهين بطلعات مع رفيجاتهم ومطاعم وتحاجي مليون واحد .. ليش جذي .. وين بنات العوايل المحافظه وين راحو ؟؟؟ لا ويتفيخرون البنت الي تحاجي قبل تسكت ما تبي احد يدري عنها الحين اشكره تحاجي جدامج ولا تقول انها تحاجي ؟؟؟؟؟؟؟؟؟؟

زمن اغبر والله ..

الله يعين صراحه بهالزمن البنات الله يهديهم صارت سمعتهم ما تهمهم بالمره وبس اهم شي مكياج وطلعه وفراره كللللليوم ..

بالنسبه للشباب في شباب صغار ملتزمين من الصغر ماعندهم خرابيط .. فاذا خلص دراسته واشتغل شالي يعطله عن الزواج ؟؟؟ هذيل اغلبهم رياييل سنعه لانهم يماشون ناس سنع ومتربين عدل تلاقينه صغير بس ريال ويعتمد عليه .. هذا تزوجينه وتحصنينه من الخرابيط وتكونين غلطانه اذا اخرتي زواجه ..

وتسلمين