|
|
السلام عليكم،،،
بنات انا ايوون وايد ناس يخطبوني بس ماأفكر أتزوج زواج تقليدي ماأحب أحس اني راح أظلمه ماراح أحبه أبي أعيش قصة حب بعدين أتزوج اللي حبيته وكلمته.. والمشكلة ان كل تجاربي فاشله.. بس والله انا قصدي شريف وزواج.. المهم انا حبيت واحد لمدة 3 سنوات وآخر شي قالي انا ماأبي وحده متحجبه.. واليوم رايحه عند رفيجاتي قاعدين يسولفون يقولون ألحين اللي يتزوجون عن حب أغلبهم يبون مومتحجبات.. ووحده من رفيجاتي يوم الأربعا ملجتها مومتحجبه خذت اللي كانت اتكلمه وتحبه الله يتمم عليها يارب ويوفقها.. ووايد بنات أعرفهم نفس السالفة الله يوفقهم يارب..
انا متحجبه يابنات بس هالمعناته ماراح أتزوج عن حب؟؟؟
بنات اللي متزوجين عن حب ردوا علي قولوا لي
الصراحه قصتج غريبه
يعني اهو استوعب انج متحجبه بعد 3 سنوات !!!
اهو يدري ان صعب تفرطين بحجابج فحط العذر اهني
والا لو يحبج يبي لج الستر وتكونين له بروحه
اما اذا تقدم خطبه عاديه وهو شرطه جذي عادي كيفه هذه افكاره وانتي بكيفج بعد تقبلين والا ترفضين
مثل الي يتقدم ويبي منقبه او تلبس عبايه الناس اجناس
واخر شي اقوله لج لاطاعه لمخلوق في معصيه الخالق
ومن يتق الله يجعل له مخرجا
واعتزي بنفسج وبحجابج ولا تشكين بروحج
شالافكار الله يهداج , هذى اسمها افكا ر هدامه , واللى حباج استانس معاج فترة تالى انتبه ان عليح حجاب ؟؟؟؟ ليش توا لابس النظارة , اقووولج الصج ترى الزواج قسمه ونصيب ولعلمج فى رياييل ياخذونها مومحجبه يوم الملجه يحجبها هذا دارج الحين وايد بعد . بالعكس الريال السنع واللى شارى زوجته واللى ينقال عنه ريال يغطى زوجته مو يعريها ويشيحط فيها يم الاولى والتالى اهى مو دميه يعنى بصراحه مافيه غاريه اللى يسوى جذيه , شيلى هالافكار من راسج وانتى من باجر تتزوجين ترى ربج يحب الهدايه ويحب العبد اللى يجابله بنيه صادقه
شفيكم يابنات الله يهديكم بس عورتووو قلووبونا عليكم
نصيحه لاتضيعين نفسج بتجارب فاشله انتي انظف واطهر من تمرين فيها
|
المشاركة الأصلية كتبت بواسطة softlady
 هلا حبيبتي
الصراحه قصتج غريبه يعني اهو استوعب انج متحجبه بعد 3 سنوات !!! اهو يدري ان صعب تفرطين بحجابج فحط العذر اهني والا لو يحبج يبي لج الستر وتكونين له بروحه اما اذا تقدم خطبه عاديه وهو شرطه جذي عادي كيفه هذه افكاره وانتي بكيفج بعد تقبلين والا ترفضين مثل الي يتقدم ويبي منقبه او تلبس عبايه الناس اجناس واخر شي اقوله لج لاطاعه لمخلوق في معصيه الخالق ومن يتق الله يجعل له مخرجا واعتزي بنفسج وبحجابج ولا تشكين بروحج |
عاد تبين الصراحة انا من عرفت رايه كرهت شي اسمه حجاب وحقدت على اهلي يوم حجبوني وانا صغيرة .. بس لاتلوموني يوم افكر جذي لأني كنت احببببببببببببببببببببببببه
بعدين الرياييل يحبون الستر حبيبتي والبنت الشريفه الطاهره شنو مايبون حجاب والا الخ
خلي يولي وبعدين شنو زواج حب ياعم مافيه حب وحتى لو صار فاااااااااااااااااشل
تقليدي وبس
شكو شكو
بعد الزواج قسمة ونصيب
وبعدين اي شي ريال مايبي مرته تتحجب؟؟؟
اللي يحب من قلب ويكون صادق بحبه مايلتفت لشغلات ثانويه ..
واسمحيلي بس الظاهر الي كنتي تكلمينه لما شاف ان تورط طلع عذر
وخري عن قصص الحب وهالخرابيط والله نصيبج راح اييلج لو كنتي بصندوق …!! لا تركضين وراه 
واذا تقدملج واحد قعدي معاه وكلميه وقت الخطبه واذا ارتحتيله توكلي على الله ..واذا لا عادي تفلون الخطبه ..
واحسن شي بحالتج انج تبدين بصفحه بيضه مع اللي بتتزوجينه بعيد عن الحب
تقدملها واحد ووافقوا أهلها وبعد الملجة
جا الأخ يقول أبيها تقط أحجابها وتركب معاي السيكل
الرجال خاااااااالص ومنتهي .. ماعنده غيره لمرته – لكن أهلها طلبوا منه يطلقها وتم الطلاق بعد معاناه
إلي أعرفه إن أكثر الرياجيل يستروا زوجاتهم مو يفسخونهم الحمدلله والشكر
ما أقول إلا الله يوفقج حبيبتي ويرزقج واحد خلوق ويخاف ربه ويسعدج طول العمر بما يرضي الله
السالفه واضحه مايبيج ويبي يحطله عذر قالج مابي وحده متحجبه !!
ولو الريال حب من صج ونيته الزواج ياخذها لوو عيوب الدنيا فيها مو عشان حجاب !!!!
وماكو شي اسمه اكلم ونيتي شريفه !! انتي تظمنين الناس الي تكلمينها انها شريفه ؟؟
ماتبين الله يرزقج بولد الحلال بالحلاال ويوفقج ؟؟ تركي هالشي وخلي نصيبج اييج
ادعي انه الله يرزقج ابولد الحلال الي يصونج ويحبج !!
شنو ماحب زواج تقليدي راح اظلمه !! انتي يوم رفضتي الي خطبوج بدون سبب ظلمتيهم
والحديث" من اتاكم من ترضون دينه وخلقه فزوجوه" عليه الصلاة والسلام … شنو معناته..
والله اخذيها نصيحه من اختج .. الي ايي يخطبج شوفيه قعدي وياه ماتدرين سبحان الله يمكن
يكون اخير من غيره الي بتحبينه وبيحبج ومايندرى تالي شلون يطلعلج !
إذا ماتبين تتزوجين واحد الا بعد قصة حب
اخذيلج واحد يكون عاجبج وبعد الزواج حبيييييه مثل ماتبين
وانا اشوف العكس اغلب الريايييل الحين يبون متحجبة ويكون أحسن لو تكون لابسة عباية
لأن يبون وحدة ساترة نفسها مو كل من شايف شعرها وكراعينها
حبيبتي واللي يحب الانسان اللي جدامه يحبه بكل شي بمميزاته وعيوبه بس اللي يهتم بالمظهر الخارجي لا سمح الله اذا هالمظهر تشوه صدقيني بيدور غيرج .
وانشالله الله يرزقج بإنسان يحبج ويحفظج ويصونج
انا ادرس بره فكان في من اللي يتقدمون حقي الظاهر حاطين ببالهم فري فلما يعرفون اني متحجبه ما ايوز لهم هالشي
وهم كان في زمله معاي كان ودهم اني مو متحجبه لان الحجاب هني ملفت و مقيد :/
و بالنهايه الحمدلله الله رزقني تاج راسهم كلهم و يدرس بره بس هم محافظ على دينه و عقل و ثقل
اللي ما يبي متحجبه هذا مراح يفيدج باخرتج
اييي و و عيااال عمي نفسسسسس الشي كلهم ما كان يبون متحجبه و اخرتها خذو متحجبات و كانو يحبونهم
فيعني مالج شغل و اهم شي ربج و رضاه