|
|
السلام عليكم ، شخباركم يا الغاليات ، ،،
واااااااي بنات أحس ضاق خلقي حيل ، آنا كنت مخططه إني أربط بطني بعد الولادة بشماغ أو بالمشد الأندونيسي بس قالت لي رفيجتي إن أخطر شي تربطينه و أنتي نفاس لأنه يسبب سقوط الرحم و نزوله ، و ما يرجع رحمج لوضعه الطبيعي حتى لو راحت الكرشة ، وتقول إنها سألت خبيرة أعشاب عن هالشي و حذرتها من ربط البطن والكورسيه حتى لو بعد أسبوعين من الولادة ….
انزين هالأندونيسيات و الفلبينيات و الهنديات اللي ما يخلون ربط البطن معقولة ما يعرفون أضراره !!!!
ما أدري بنات أحس مو مقتنعة بهالضرر و بنفس الوقت خايفة أربط بطني و أندم ، اللي عندها معلومة ياليت تفيدنا أو ترفع الموضوع عشان نستفيد ؟؟؟؟؟
هاذا هم شحلوهم لاكروووش ولا تعب
ربطي بطنج بشماغ احسن
وربط البطن ظروري علشان الكرش شكثر البنات يربطون بطونهم
ومالشالله مالهم كرش بالمره
وضروري ربط البطن بالنفاس اذا خلص النفاس
وانتي ماربطتيه صارت لج كرش ماترووووووووووح
من ايام يداتنا وهي يربطون بطونهم عقب الولادة
حبيبتي ربطي وله بتمين تعابلين الكرش
وبسم الله عليج لو صادج شي الردادات اشكثرهم ويعرفون حق هالسوالف
يكون الرحم للحين لين او رخو وبعدين تدرجي بالشد يعني اول مره
ماتربطينه حيل تخلينه على الخفيف وكل يوم زيدي شويه
والربط لايطيح الرحم ولاشي كا اسم الله علينا ماكو احد
وحده اعرفها ماتربط بطنها بالنفاس ومافيهم الا العافيه
الي يسبب نزول الرحم الربط الشديد وانج تشيلين اشياء
ثقيله
الله يسهل علينا يارب
احتياط بسال الدكتوره ..بس اللي اعرفه لازم اتدرجين مو من اول شي تشدينه حيل
علموني عالطريقة الله يخليكم
>> داشة عرض :d
شوفي امي مالها خبره بهالسوالف لأن من زمان ما حملت وولدت من آخر اخو و عمره ألحين 22 سنه تقول ما اذكر شكنت اسوي
و انا بنتها الوحيده فكل شي عندها معلومه ناقصه او مبتوره او مجهولة المصدر
خالتي بحكم ان عندها بنات و نفستهم كذا مره تقول:
الربط للوالده طبيعي اما القيصري ما تربط و لا تلبس كورسيه لأن خطر
المده او الوقت المناسي بعد اسبوعين او 20 يوم
لأن اول اسبوع انتي فيج خياط و ما تبين تضغطين الدم و الافرازات على خياطج و اصلا الرحم ما يتحمل تضغطينه
و ثاني اسبوع توج تبدين ترتاحين من ناحية التخريج و الروحه الحمام و مو زين تضغطين على بطنج حيل حتى اذا حاشج امساك لازم تاخذين ملين او مسهل
لا تشربين ماي و ايد خلي السوائل من الشوربات و الدوافي احسن لأن افيد
لازم تتدفين لو عرقتي احسن بعد
الربط بالشماغ او الكورسيه الطبي بعد ال 20 يوم مع المشي و الحركه و الرياضه الخفيفه
وما تنامين فيه
وسلامتج وان شاء الله تستفيدين و تدعيلي الله يعوضني بالجنين الكامل الخلق و الاخلاق يارب
ورحمي مقلوب واكتشفت هذا من اول حمله لي يعني من اول سونار
تقول الحزام ماااااايسوي شي وخطورته اكثر من منفعته