صج الحبوب تسبب عقم او تأخر حمل وخمول مبايض وكل هالسوالف ولا اشاعات ؟؟؟

شرايكم بناااات … والله كل ما بناخذ حبوب نهون ونخاف هل صج هالحجي اللي نسمعه من الحريم ولا بس مجرد كلام صار حق جم وحده وتم تعميمه .. هل هذا كلام طبي ولا بس جذي ؟؟؟

مشكوره ورق عنب على هالموضوع …
اي والله بنات نبي نعرف عن الحبوب . ! ! !

والله حبيبتي تأثير الحبوب يختلف من جسم لي حسم
انا عقب اول ولاده اخذتهم 3 سنوات و من هديتهم حملت على طول
وعقب ثاني ولاده اخذتهم هم 3 سنوات بس الحين صايرلي 6 شهور اعالج لان صار عندي ضعف بالمبايض.
فتأثيرها راح يكون على حسب جسمج

والله يا ورق عنب انا اول ما تزوجت رحت حق الدكتوره عشان ابي مانع واهي قالتلي الله يسامحها اخذي حبوب و قعدت عليهم 6 شهور و من قطيتهم صارلي الحين 3 سنين ما حملت و قالولي صار عندي ضعف بالمبايض بس والله انا سألت وايد دكاتره و قالولي ان الحبوب على حسب الجسم و مو شرط تسوي ضعف بس اذا وحده ما حملت من قبل احسن ما تاخذهم

على حسب نوع الحبوب والأجسام تختلف

و الله انا استخدمت حبوب منيولييت بين ولدي و بنتي خذيتهم سنة ونص و لما تركتهم حملت بعدها بثلث شهور

والله انا صار معاي عقم 8 شهور وعالجت وتبهدلت بسبة الحبوب

انا ما انصحج تاخذينهم سوي مانع بشي ثاني مثل الللولب العادي او الهرموني تراه ممتاز والكل يمدحه

انا اخذت حبوب جنيرا سنتين و نص و سببت لي ضعف في المبايض و تكيس

انا جربت الحبوب 3 سنوات ومن اول شهر حملت على طول
بس اكثر الدكاتره ينصحون باشايء ثانية
والحين مركبة اللولب الهرموني صار لي 3 سنوات
وايد ارتحت منه ومافي اي مشكلة الا ان الدورة وايد خفيفة
الحين مفكرة اشيله عشان احمل بس الدكتورة تقول ان راح يسوي مانع جم شهر ويمكن تحملين بعدها بس مو شرط يمكن من اول شهر احمل
والله كريم

أنه آخذ حبوب ياسمين واااااايد زيييينييييين وخفاف خذيتهم 3 سنوات وبس تركتهم حملت

وصح كلام البنات يعتمد على نوع الحبوب وانتي جسمج شنو يتقبل في أجسام حتى اللولب يرفضها وإذا كنتي تخافين ما لج إلا طريقة العد

صراحة انا اسمع ان الحبوب تبهد الوحدة شتبين فيهم